عندي خرطوم مياه تحت الدواسة جوه العربية:120146b انا مش عارف ايه ده!!!
المهم العربية لما بتسخن الخرطوم ده بيجيب نقط مياه وبيغرقلي رجلي. حد عارف هو ايه ده؟
عرض للطباعة
عندي خرطوم مياه تحت الدواسة جوه العربية:120146b انا مش عارف ايه ده!!!
المهم العربية لما بتسخن الخرطوم ده بيجيب نقط مياه وبيغرقلي رجلي. حد عارف هو ايه ده؟
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟ مش عارف .
ده أكيييييييييد خرطوم فايظ حاجة من تكوينات دورة التبريد
متبقاش تركن العربية فى التواليت تانى
ده خرطوم الدفاية يا فندم
لو فتحت الكبوت هتلاقي خرطومين كاوتش خارجين من ماسورة مياه متجهة من الردياتير للموتور، الخرطومين دول رايحين لمكان بين البطارية والصندوق الأسود بتاع البلاور (الصندوق الأسود بتاع الفيليشيا غير بتاع البوينج !! هاها..) الخرطومين دول واحد منهم داخل على سربنتينة والتاني خرج منها، وظيفتهم نقل المياه الساخنة للسربنتينة ولما تشغل سيادتك الدفاية الهواء يعدي على السربنتينة ويدخل الصالون وهو دافي، ودي فكرة التدفئة.
اللي بيحصل عند سيادتك والله أعلم ومن خلال استنتاجي المتواضع إن إما السربنتينة أو الخرطوم أو أي وصل منها تسريب بيدخل من وسط التابلوه (ظهر الصندوق الأسودي اللي فيه السربنتينة) لعندك على الأرض، والتسريب ناتج من تآكل للسربنتينة وعمرها الافتراضي أو الخراطيم، هتلاحظ إن مياه الردياتير بتقل شوية.... صح؟؟؟
المهم العلاج بيتم إنك تلغي الخرطومين دول وتسد مكانهم بس مفيش دفاية هتشتغل أو إنك تشتري سربنتينة جديدة أو تغير الخرطوم (المهم معرفة مصدر التسريب والتعامل معه )... أرجو أكون أفدتك
وطبعا لو عربيتك مكيفة، والتسريب ده بيظهر مع التكييف، يبقى السبب هو خرطوم الرطوبة اللي بياخد المياه المتكثفة ويرميها تحت العربية مسدود وده بيحصل لعربيات كتير والحل عند بتاع التكييف يسلكهولك