استفسار بخصوص انذار الياريس

**dr_maged1975** · 13-08-2012 02:21 PM

انا ركبت انذار للياريس 2007 في التوكيل من فترة من حوالي سنة و نصف تقريبا
و كان بيتشغل طوال الفترة ديه ممتاز جدا السرينة هي كلاكس العربية و في حالة اهتزاز العربية لاي سبب كان بيشتغل السرينة مع الفلاشر بتاع الانتظار في وقت واحد من وقت قريب لاحظت ان السرينة بس هي اللي بتشتغل من غير الفلاشر ممكن حد يدلني ايه المسئول عن كده و هل ده موضوع بسيط فيوز مثلا خاص بوحدة الانذار نفسها و اغيره و الدنبيا تبقي كويسة و لا لازم زياة لحد متخصص ارجو الرد

**Y a r i s** · 17-08-2012 02:37 PM

الف حمدالله على سلامت اليارس بتاعت حضرتك ويارب تكون اخر الاحزان
عين وصابت الانذار بتاعت ساعتك
بص ياريس هو الموضوع مش كبير قوي زي ما اانتا فاكر. ونادراً ماحد بيركب انذار في التوكيل
لكن الموضوع. كلو ينحصر في تالت حاجات
١- اما الجهاز محتاج يرجع يتبرمج. ( وده سهل )
٢- او ان سلكة الفلشر مش متوصلة كويس بجهاز الانذار
٣- او ان اي سي. محروق من. علبة جهاز الانذار

المهم في كل الحلات السابقة. مش هتعرف تعملها الا اذا كنت بروفيشنال كهربا
فروح التوكيل واطلع عند بتاع الاكسسورات فوق فهمو وخليه يصلحهولك
او اذا الجهاز قديم فوكوا وارميه وهاتلك جهاز جديد سواء اكان برموتات مستقله او جهاز الي بيركب على ريموت العربية الاصلي ابو ٣٥٠ جنية.
او انزل. حضرتك للتوفيقية. واي عيل من بتوع الانذار هيزبطهولك
وبرجه بكرر. واقول الف سلامة على عربيتك يا باشا .... ويارب تكون اخر الاحزان

**Y a r i s** · 18-08-2012 01:04 AM

الله الله الله
انا انسان غير محترم. طيب ياعم متشكرين. وكتر الف خيرك
ربنا يكرم اصلك وكتر خيرك مع انك مجبتش حاجة جديدة عن الي قلتهولك ، وعادي ياريس اذا قصوا الضفيرة او ركبو ضفيرة او وصلوا على طول. وده بعيد عن المشكلة الي بتسئل عنها وقلتلك المشكلة يا مشكلة برمجة يا مشكلة اي سي يا مشكلة. سلكة مش راكبة كويس. ومش هقولك الف سلامة على اليارس بتاعتك لحسن تزعل .... وكتر خيرك لحد هنا ورمضان كريم

**S O P H O S** · 18-08-2012 04:41 AM

المشاركة الأصلية كتبت بواسطة me_doo15

الله الله الله
انا انسان غير محترم. طيب ياعم متشكرين. وكتر الف خيرك
ربنا يكرم اصلك وكتر خيرك مع انك مجبتش حاجة جديدة عن الي قلتهولك ، وعادي ياريس اذا قصوا الضفيرة او ركبو ضفيرة او وصلوا على طول. وده بعيد عن المشكلة الي بتسئل عنها وقلتلك المشكلة يا مشكلة برمجة يا مشكلة اي سي يا مشكلة. سلكة مش راكبة كويس. ومش هقولك الف سلامة على اليارس بتاعتك لحسن تزعل .... وكتر خيرك لحد هنا ورمضان كريم

حئق عليا انا متزعلش معلش

**احمد فهمى** · 18-08-2012 06:27 AM

لا اله الا الله يا جماعه حصل خير وهو فعلاً رد dr_maged صدمنى انا شخصياً كنت بكمل الحوار والرد والموضوع تحول لعنف كلامى شديد مع الكل هنا اخوات فى المنتدى ومحدش يقصد يسخر من حد واتمنى الموضوع ده يتقفل فعلاً ...

**Y a r i s** · 18-08-2012 09:31 AM

المشاركة الأصلية كتبت بواسطة s o p h o s

حئق عليا انا متزعلش معلش

حبيب قلبي يا احمد تسلملي يا غالي انتا واستاذ احمد فهمي. وانا مش زعلان ياجماعه وكفاية مشاعركم الطيبة دي اتجاهي .... احنا كلنا تيوتاوية. ومصريين زي بعض وولاد بلد وحده وفي شهر فضيل وشهر كريم ...وبكره انشاء الله العيد اعاده الله علينا وعليكم بالف صحة. وسلامة. ولا بلاش سلامة دي لحد يزعل مني ههههه ، بس والله ماكان قصدي حاجة غير اني بدعيلوا ان ربنا يسلملوا طريقوا يسلملوا عربيتوا ويكفية شر الطريق وشر الحسد فالسلامة في اللغه اي الحفظ كاني بقول ربنا يحفظك ويحفظ عربيتك من كل شر وسوء ورمضان كريم جميعاً.