تأخير في الدواره في الميجان

**dlend22** · 13-08-2012 06:14 PM

:b4_556: السلام عليكم ورحمه الله وبركاته انا اشتريت ميجان 2005 للاسف بعد ما اشتريتها باسبوع ظهرت ليا شويه عيوب وكانت بتختفي بس المره ده انا مخنوق جدا لان العيب بتاع العربيه انها بتتاخر شويه في الدواره وبحس ان مؤشر الار بي ام بيعلي ويوطي لغايه ما تبطل لو انا مش حاطط رجلي علي البنزين لدرجه اني مخنوق جدا وخايف تعمل مشاكل في العيد نظرا للوقت الضيق وانا في م نصر ياريت اللي يعرف ميكانيكي كويس في الميجان في م نصر يدلني عليه او حد ممكن ينصحني اعمل ايهالاثنين 26 رمضان 1433 وجزاكم الله خيرا

**dlend22** · 13-08-2012 06:15 PM

متابع

**Ahmed Selim** · 13-08-2012 09:49 PM

جرب أول ما تدور العربية تفضل دايس بنزين و تخلى الأر بى أم على 2 أو 2.5 لمدة دقيقتين و شوف لو العيب بتاع الأر بى أم راح شوية و رجع تانى هيبقى المشكلة فى حساس الكرنك.

موضوع تأخير الدوارة له أكتر من سبب منهم البطارية...........شيك عليها و لو شحنها أقل من 12 يبقى عاوزة تتغير و الجديدة متكونش أقل من 72 أمبير..........يعنى لو لقيت 72 ماشى ملقيتش يبقى 75 أمبير.

هل موضوع تأخر الدوارة ده بيحصل ساعات و ساعات ؟ يعنى مثلاً لو بعد مشوار و العربية لسه سخنة و جيت تدورها بيحصل و لو العربية باردة مش بيحصل ؟

يا ريت تحكيلنا بتفاصيل أكتر شوية.

**dlend22** · 14-08-2012 01:05 AM

شكرا لاهتمام حضرتك اولا بالنسبه اني ادوس علي البنزين جربت وبرده كانت بتبطل حتي وهي سخنه ثانيا البطاريه انا شاريها جديد 75 اممبير مكملتش شهر ثالثا ساعات والعربيه سخنه برده بتتاخر في الدواره بس اللافت للنظر اني ساعات بشم ريحه بنزين المهم روحت للمكانيكي النهارده قالي هغيرلك قلب طرمبه البنزين وهغيرلك بوجيهات بس انا عايز اعرف الاسعار من حضراتكم

**Ahmed Selim** · 14-08-2012 01:15 AM

قلب طرمبة البنزين أو الموتور تحديداً بيعمل حوالى 150 إلى 200 جم و نوعه بوش و بيركب برضه على اللانوس على ما أذكر......بس خللى بالك علشان فيه منه مضروب.

**dlend22** · 25-08-2012 06:29 PM

يا جماعه انا اسف علي التاخير انا غيرت قلب لطرمبه البنزين وبوجيهات والعربيه لسه فيها المشكله زي ماهي بس زادت شويه بتتاخر جدا في الدواره والكمبيوتر مكشفش اي مشاكل نهائي