استفسار من اهل الخبره عن ال جي ام سي البليزر

استفسار من اهل الخبره و خبراء ال 4x4 اللي بقراء مشاركاتهم الجميلة عن ال جي ام سي البليزر

اريد التعلم و المعرفه من اهل الخبره عن سيارة دفع رباعي جيده و بها اوبشن عالي و سعرها حنين و قطع غيار حنينه و متوافره سمعت عن السيارة ال جي ام سي
ال بليزر سب ايربان آو سوبر بان زي البعض ما بيقول عليها
قدامي الشاسيه الطويل ١٩٩٨ عامله ٢٢٠٠٠٠كم و سعرها ١٢٠٠٠٠
و لو غيرها؟
اذا كنت انا ناوي اشتري
عن اي سنة يفضل ان ابحث
و ما مدى عملية هذه السيارات من حيث اسعار و اماكن تواجد قطع الغيار
الميكانيكية المتخصصين فيها
الضريبه السنويه .. كام؟
تقريبا اسعار الصيانة الدورية .. سيور و سوائل و فلاتر مثلا
عن اي شيئ انظر عندما اذهب لشراء هذه السيارة
ما المشاكل الكبيرة لهذه السيارة
و لو هناك اماكن معروفه لتجارها ؟
و لو حد يعرف متوسط أسعارها كام؟

و كمان حبيت اسألك لو معايا سبعين او ثمانين الف ممكن اجيب حاجه جيب ايه و قطع غيار بسعر معقول و امكانيات حلوة

وشكرا للجميع مقدما

انا مستنى رد زيك بالظبط بس انا ابتديت اجمع معلومات لانى ناوى ان شاء الله اشترى بليزر لكن انا بدور فى حدود 40000 ولاقيت كذا واحدة بليزر شاسيه قصير لكن لسه ما لاقيتش اللى انا بدور عليها
على العموم انا هاديك خلاصة المعلومات اللى انا جمعتها :-
الضريبة بتاعتها تقريبا 1100ج + التامين وشوية حبشتكنات توصل 1350ج
قطع غيارها متوفرة جديد ومستعمل انزل اسأل بنفسك فى شارع شمبليون ده كله 4*4 اسأل على حاجات عشوائى مثلا طلمبه بنزين طلمبه ميه مساعدين ...... الخ وانت هاتعرف الاسعار اسعارها معقوله جدا
النهاردة نزلت شارع احمد سعيد اسال على الكاوتش بتاعها لاقيت المقاس بتعها 10.5 * 31 / 15 وسعر الفردة من 850 حتى 1100 ومش عارف هو ده المقاس الاصلى ولا ده الموجود فى السوق
لكن انا لسة مش لاقى الميكانيكى بتاعها
على العموم كل ما هاعرف حاجة جديدة هاقولك ويا ريت انت كمان لو عرفت حاجة جديدة قولى

تمام يا هندسه
انا اول ما اعرف معلومة جديده هاكتبها هنا
و ياسلام لو حد من الكبار بتوع ال 4x4 اللي هنا كمان يشاركوا ... هنستفيد كتير
و منهم الاستاذ مينا انا جديد هنا بس لما قريت مشاركاته في المنتدى لقيت انه من الناس اللي كله بيستشهد بيها في المجال ده
عموما تشرفنا يا استاذ احمد نصر
معاك احمد غريب من القاهره

اقتباس:

---

المشاركة الأصلية كتبت بواسطة faithiologi

استفسار من اهل الخبره و خبراء ال 4x4 اللي بقراء مشاركاتهم الجميلة عن ال جي ام سي البليزر

اريد التعلم و المعرفه من اهل الخبره عن سيارة دفع رباعي جيده و بها اوبشن عالي و سعرها حنين و قطع غيار حنينه و متوافره سمعت عن السيارة ال جي ام سي
ال بليزر سب ايربان آو سوبر بان زي البعض ما بيقول عليها
قدامي الشاسيه الطويل ١٩٩٨ عامله ٢٢٠٠٠٠كم و سعرها ١٢٠٠٠٠
و لو غيرها؟
اذا كنت انا ناوي اشتري
عن اي سنة يفضل ان ابحث
و ما مدى عملية هذه السيارات من حيث اسعار و اماكن تواجد قطع الغيار
الميكانيكية المتخصصين فيها
الضريبه السنويه .. كام؟
تقريبا اسعار الصيانة الدورية .. سيور و سوائل و فلاتر مثلا
عن اي شيئ انظر عندما اذهب لشراء هذه السيارة
ما المشاكل الكبيرة لهذه السيارة
و لو هناك اماكن معروفه لتجارها ؟
و لو حد يعرف متوسط أسعارها كام؟

و كمان حبيت اسألك لو معايا سبعين او ثمانين الف ممكن اجيب حاجه جيب ايه و قطع غيار بسعر معقول و امكانيات حلوة

وشكرا للجميع مقدما

---

بص يا باشا...

اولا البليزر مشكلتها استهلاك البنزين العالي جدا..... و قطع الغيار متوفرة لكن الأصلي مش كتير هتلاقيه... و ان لقيته هيبقا غالي....

السؤال الأساسي... هو ايه نوع احتياجك للعربية... و ايه المشاوير اليومية بتاعتك؟ و استخدامك أكتر في السفر ولا وسط البلد؟؟ و هل ناوي تدخل بيها صحرا ولا لأ؟

اقتباس:

---

المشاركة الأصلية كتبت بواسطة faithiologi

تمام يا هندسه
انا اول ما اعرف معلومة جديده هاكتبها هنا
و ياسلام لو حد من الكبار بتوع ال 4x4 اللي هنا كمان يشاركوا ... هنستفيد كتير
و منهم الاستاذ مينا انا جديد هنا بس لما قريت مشاركاته في المنتدى لقيت انه من الناس اللي كله بيستشهد بيها في المجال ده
عموما تشرفنا يا استاذ احمد نصر
معاك احمد غريب من القاهره

---

ربنا يخليك دا شرف ليا أنك تديني الثقة الغالية ديه...
أتمنى أفيدك.....

والله يا هندسه انا احتياجاتي اني اركب عربيه عفيه لآني بحب العربيه تكون قويه في مشيها
و لما اشغل التكييف مالاقيهاش ماتت تحت رجلي او بتفرفر
احب ان العربيه تكون عاليه عن الارض و تستحمل شوارع بلدنا اللي انت عارفها خصوصا الشوارع غير المسفلته
اللي شبه الصحرا يعني :)
انا مشاويري كلها في وسط المدينه لكني ساكن في حدايق الهرم و هي غير معبده او حتي غير مسفلته نتيجه لحركة البناء المستمر فيها

لذلك فكرت في ال 4x4 في الاساس و برضو موش غاوي قطم وسطي في قطع الغيار
عشان كده قلت اسأل اهل الخبرة زي حضرتك

احب اسأل حضرتك لو تعرف حاجة برضو في سكة الشراء من بورسعيد و إجراءتها؟

ارجو اني مكونش بشغلك معايا عن حاجة مهمه عندك ولا بتعبك.

شكراً لحضرتك

دا غير اني احب اطلع الصحرا لو في امكانيه و كويس اني عرفت ان حضرتك بتعمل رحلات لسانت كاترين ربنا يكرم و يكون ليا نصيب معاك في مره

اقتباس:

---

المشاركة الأصلية كتبت بواسطة faithiologi

والله يا هندسه انا احتياجاتي اني اركب عربيه عفيه لآني بحب العربيه تكون قويه في مشيها
و لما اشغل التكييف مالاقيهاش ماتت تحت رجلي او بتفرفر
احب ان العربيه تكون عاليه عن الارض و تستحمل شوارع بلدنا اللي انت عارفها خصوصا الشوارع غير المسفلته
اللي شبه الصحرا يعني :)
انا مشاويري كلها في وسط المدينه لكني ساكن في حدايق الهرم و هي غير معبده او حتي غير مسفلته نتيجه لحركة البناء المستمر فيها

لذلك فكرت في ال 4x4 في الاساس و برضو موش غاوي قطم وسطي في قطع الغيار
عشان كده قلت اسأل اهل الخبرة زي حضرتك

احب اسأل حضرتك لو تعرف حاجة برضو في سكة الشراء من بورسعيد و إجراءتها؟

ارجو اني مكونش بشغلك معايا عن حاجة مهمه عندك ولا بتعبك.

شكراً لحضرتك

دا غير اني احب اطلع الصحرا لو في امكانيه و كويس اني عرفت ان حضرتك بتعمل رحلات لسانت كاترين ربنا يكرم و يكون ليا نصيب معاك في مره

---

لا طبعا مفيش أي تعب ولا حاجة.... اللي يعرف حاجة و ميفيدش بيها غيره يبقا غلطان ... :)

طيب قوللي حاطط رينج كام؟ كحد اقصى و حد أدنى؟

الحد الاقصى ٧٥٠٠٠
اما الحد الادنى ... زي مايكون اهو كله توفير :)

اقتباس:

---

المشاركة الأصلية كتبت بواسطة faithiologi

الحد الاقصى ٧٥٠٠٠
اما الحد الادنى ... زي مايكون اهو كله توفير :)

---

السعر ده صعب يجيب حاجة فور باي فور و ديزل و بحالة كويسة....

و متفكرش تشتري و تشد.... لأن عمرة الموتور الديزل مكلفة جدا جدا جدا.... و أسهل عليك تجيب حاجة بحالة كويسة

ممكن بنزين... بس في ظرف سنة - سنتين.. بحسبة بسيطة هتلاقي نفسك دفعت مرة و نص المبلغ اللي دفعته ف العربية (بنزين) :)

يعني .. موش لازم تبقى ديزل انا ممكن اوي اشتري بنزين
بس حضرتك تنصح بأيه و ادور علي ايه
في رنج الرقم ده؟ بصفة عامه؟

و لو هحتاج اصبر و ازود المبلغ يبقى ازوده لكام؟

اقتباس:

---

المشاركة الأصلية كتبت بواسطة faithiologi

يعني .. موش لازم تبقى ديزل انا ممكن اوي اشتري بنزين
بس حضرتك تنصح بأيه و ادور علي ايه
في رنج الرقم ده؟ بصفة عامه؟

و لو هحتاج اصبر و ازود المبلغ يبقى ازوده لكام؟

---

السعر ده ممكن يجيبلك شيروكي - فيتارا - جالوبر - تيريوس

لكن لو عايز تدخل في الكلام الصح.... هتحتاج تعلى فوق ال120 ألف

يعني.... 130 - 140 عشان تجيب حاجة تويوتا مستريحة و حالتها ممتازة

بصراحةانا اميل للفيتاره و الجالوبر اما الشيروكي موش عارف ايه اخبار قطع غيارها بالنسبة للاتنين اللي قبلها؟ و االتيريوس بحس كده انها اقلهم كفاءة و تحمل
لو تقدر حضرتك تفيدني بما تعرفه عن الثلاث عربيات الاولى من حيث الصيانه وتكاليفها ولو نبذه كده عن قطع الغيار سواء اسعار أو أماكن .. يعنى اي معلومة تساعد ... تبقى سهلت عليا اخذ القرار اوي

اقتباس:

---

المشاركة الأصلية كتبت بواسطة faithiologi

بصراحةانا اميل للفيتاره و الجالوبر اما الشيروكي موش عارف ايه اخبار قطع غيارها بالنسبة للاتنين اللي قبلها؟ و االتيريوس بحس كده انها اقلهم كفاءة و تحمل
لو تقدر حضرتك تفيدني بما تعرفه عن الثلاث عربيات الاولى من حيث الصيانه وتكاليفها ولو نبذه كده عن قطع الغيار سواء اسعار أو أماكن .. يعنى اي معلومة تساعد ... تبقى سهلت عليا اخذ القرار اوي

---

خليك في الفيتارا ال2000 سي سي 6 سلندر

مش هقدر أفيدك أوي عن أماكن و أسعار.... لكن ككفائة.... ممكن أقولك انها أحسن الاختيارات..... و كمان كسعر

متشكر اوي يااستاذ مينا ...حضرتك سهلت عليا اوي اختيار العربية. اتمني لحضرتك كل خير يا رب دايما

اقتباس:

---

المشاركة الأصلية كتبت بواسطة faithiologi

متشكر اوي يااستاذ مينا ...حضرتك سهلت عليا اوي اختيار العربية. اتمني لحضرتك كل خير يا رب دايما

---

لا شكر على واجب.... أتمنى لك إختيار موفق ان شاء الله :)

أ / مينا ارجو من حضرتك تقولى المقاس الاستاندرد بتاع البليزر k5 1990 لانى لاقيت كذا مقاس 10.5*31 /15 ولاقيت 11.5*31 /15 ولاقيت عربية فيها مقاس 12.5*32 /15 ومش عارف ايه المقاس الصح

وشكرا لحضرتك

اقتباس:

---

المشاركة الأصلية كتبت بواسطة ahmed_nasr66

أ / مينا ارجو من حضرتك تقولى المقاس الاستاندرد بتاع البليزر k5 1990 لانى لاقيت كذا مقاس 10.5*31 /15 ولاقيت 11.5*31 /15 ولاقيت عربية فيها مقاس 12.5*32 /15 ومش عارف ايه المقاس الصح

وشكرا لحضرتك

---

بصراحة مش عارف المقاس الصح أو الستاندارد بتاعها..... لكن أنا فعلا شفت ال3 مقاسات المذكورين راكبين على عربية بس كانت 1981

و لأنها كانت مغيرة موتور.... مهمناش أوي موضوع الفرق البسيط اللي ممكن يحصل في عداد السرعة

بس عموما العربيات الفور باي فور معمول حسابها في تعديلات مقاس الكاوتش من ناحية العرض و الارتفاع أو كلاهما.... و ده عشان كل عربية بحسب طبيعة المكان اللي بتمشي فيه.... رمال - صخور - أرض طينية (غابات).... الخ.....

ابقى تابعني بالاخبار يا استاذ احمد ... اسعار و مواصفات وكده ... واستهلاك بنزين كمان .. يعني خليني اعرف و اتعلم معاك .. و انا كمان هتابعك بس ابيع عربيتي و ابدا ادور عشان تكون فلوسي حاضره

و شكرا ليك

هو الواحد ينفع يجيب عربية جيب ويقلبها غاز

اقتباس:

---

المشاركة الأصلية كتبت بواسطة engaass

هو الواحد ينفع يجيب عربية جيب ويقلبها غاز

---

أكيد ينفع بس مش بتكون قوية بما يكفي....

لو عايز حاجة موفرة ممكن تجيبها ديزل .... (سولار يعني)

اقتباس:

---

المشاركة الأصلية كتبت بواسطة faithiologi

استفسار من اهل الخبره و خبراء ال 4x4 اللي بقراء مشاركاتهم الجميلة عن ال جي ام سي البليزر

اريد التعلم و المعرفه من اهل الخبره عن سيارة دفع رباعي جيده و بها اوبشن عالي و سعرها حنين و قطع غيار حنينه و متوافره سمعت عن السيارة ال جي ام سي
ال بليزر سب ايربان آو سوبر بان زي البعض ما بيقول عليها
قدامي الشاسيه الطويل ١٩٩٨ عامله ٢٢٠٠٠٠كم و سعرها ١٢٠٠٠٠
و لو غيرها؟
اذا كنت انا ناوي اشتري
عن اي سنة يفضل ان ابحث
و ما مدى عملية هذه السيارات من حيث اسعار و اماكن تواجد قطع الغيار
الميكانيكية المتخصصين فيها
الضريبه السنويه .. كام؟
تقريبا اسعار الصيانة الدورية .. سيور و سوائل و فلاتر مثلا
عن اي شيئ انظر عندما اذهب لشراء هذه السيارة
ما المشاكل الكبيرة لهذه السيارة
و لو هناك اماكن معروفه لتجارها ؟
و لو حد يعرف متوسط أسعارها كام؟

و كمان حبيت اسألك لو معايا سبعين او ثمانين الف ممكن اجيب حاجه جيب ايه و قطع غيار بسعر معقول و امكانيات حلوة

وشكرا للجميع مقدما

---

السلام عليكم
انا اسف مش بدخل المنتدى كتير .....اخوك معاه بليزر كى 5 موديل 1980 ....احب اوضح لحضرنك بعض الحاجات .....
1- سيارة دفع رباعي جيده و بها اوبشن عالي و سعرها حنين و قطع غيار حنينه و متوافره سمعت عن السيارة ال جي ام سي ال بليزر سب ايربان آو سوبر بان ....الى حضرتك تقصده دى موديلات التسعينات ... اليوكن ... مش البليزر و لا السوبيربان ..علشان البليزر عربية ناشفة اوى و مفيهاش اوبشن

2- البليزر تبدا من موديلات 1976 تقريبا ... لغاية 79 ..الكشافات المدورة .. 1980 كشافات مربعة لغاية اواخر التمانينات ... اصبحت كشافاتها عريضة و قصيرة ... و شاسيها الطويل زيها بالظبط و بيسموها سوبيربان

3- عليها 3 انواع من المحركات .... الاول 4700 سى سى .. التانى 5700 سى سى .. و التالت ديزل 6200 سى سى .. و ده قليل اوى ... انا بدور عليه علشان عاوز اسقطه فى عربيتى موديلات اواخر التمنينات موتورها مختلف شوية عن الى ذكرته

4- قطع الغيار .... موجوده ... بس مش كلها ..أ نا بتكلم ان حضرتك ممكن تلاقى طرمبات .. تيل فرامل .. ديسك و اسطوانة ... و حاجات كتير ... الى حتتعب حبتين و انت بتدور عليه .. المسامير و الاورنجات ... علشان مقاسهم بالبوصة .. و اغلب الموجودين فى السوق بالمليمتر

5- الميكانيكية ... اغلب الناس بيشتغلوا فيها ... مش معقدة و مفيهاش حساسات ... و دى ميزة مش عيب

6- التجار .... نصيحة لوجه الله ... متشتريش من تجار ... خد خبرة كويسة الاول عنها و استخير ربنا و خد ميكانيكى معاك و انت و ظروفك

7- المشاكل الكبيرة ليها .... لغاية دلوقتى انا لا استطيع ان اقول ان فيها مشكلة كبيرة ... مشكلتها ان عمرها كبير .. و ان فيه حاجات كتير عمرها الافتراضى خلص ... فلازم تتغير .. و دى المشكلة الى انا بواجها الان .. عربيتى موديل 1980 ربنا يعينها :)

8- متوسط الاسعار ... انا شفت حاجات من 25 الف ... لغاية 300 الف .. انا بتكلم على البليزر الكى 5

النصائح :- :)

1- لو مش بتحب الكى 5 اوى ... متشتريهاش و لا تقول اجربها و لا اركبها شوية و ابيعها و لا الكلام ده كله

2- كلام مينا صحيح جدا .... الراجل بيجيب من الاخر ... عاوز تركب ...اصبر شوية و اركب اللاند كروزر .... بداية من التعلبة ( فئة 70 ).... و فئة 80

3- مصمم على الامريكانى ... دور على موديلات التسعينات ... اليوكن .. عربيات اكثر راحة .. اكثر نعومة و اوبشن .. شكل احلى ... و فى نفس سعر اللاند كروزر
تقبل تحياتى و اى استفسار انا فى الخدمة

اقتباس:

---

المشاركة الأصلية كتبت بواسطة ahmed_nasr66

انا مستنى رد زيك بالظبط بس انا ابتديت اجمع معلومات لانى ناوى ان شاء الله اشترى بليزر لكن انا بدور فى حدود 40000 ولاقيت كذا واحدة بليزر شاسيه قصير لكن لسه ما لاقيتش اللى انا بدور عليها
على العموم انا هاديك خلاصة المعلومات اللى انا جمعتها :-
الضريبة بتاعتها تقريبا 1100ج + التامين وشوية حبشتكنات توصل 1350ج
قطع غيارها متوفرة جديد ومستعمل انزل اسأل بنفسك فى شارع شمبليون ده كله 4*4 اسأل على حاجات عشوائى مثلا طلمبه بنزين طلمبه ميه مساعدين ...... الخ وانت هاتعرف الاسعار اسعارها معقوله جدا
النهاردة نزلت شارع احمد سعيد اسال على الكاوتش بتاعها لاقيت المقاس بتعها 10.5 * 31 / 15 وسعر الفردة من 850 حتى 1100 ومش عارف هو ده المقاس الاصلى ولا ده الموجود فى السوق
لكن انا لسة مش لاقى الميكانيكى بتاعها
على العموم كل ما هاعرف حاجة جديدة هاقولك ويا ريت انت كمان لو عرفت حاجة جديدة قولى

---

كلام حضرتك مظبوط جدا ... الضريبة كدة فعلا ... و دى الحد الادنى للسعات اللترية الاكثر من 2000 سى سى و الاقدم من 10 سنوات

قطع الغيار .... انا كنت نزلت و سالت بنفسى برضه على قطع الغيار .. و حصلت على نفس الكلام .. بس الكلام اختلف لما جيت اشترى
و بعدين الامريكانى غريب شوية فى قطع غياره .... اول حاجة انه بالبوصة .. و اغلب قطع الغيار و المسامير و الصواميل و الرفايع دى بالمليمتر .... تانى حاجة انك لازم تروح بقطعة الغيار القديمة توريها للبايع علشان يديك زيها
الكاوتشات دى حاجة براحتك و على حسب الى راكب عندك ايه
انا فى الخدمة فى اى استفسار

اقتباس:

---

المشاركة الأصلية كتبت بواسطة ahmed_nasr66

أ / مينا ارجو من حضرتك تقولى المقاس الاستاندرد بتاع البليزر k5 1990 لانى لاقيت كذا مقاس 10.5*31 /15 ولاقيت 11.5*31 /15 ولاقيت عربية فيها مقاس 12.5*32 /15 ومش عارف ايه المقاس الصح

وشكرا لحضرتك

---

حضرتك لقيت المقاسات دى فين ؟؟؟؟
انا كنت لفيت كتير على مقاس 15/32*12.5 و وجدته بصعوبة .... و جبت الفردة بـ 1400 جنيه من واحد فى مصطفى النحاس

اقتباس:

---

المشاركة الأصلية كتبت بواسطة m!na

السعر ده ممكن يجيبلك شيروكي - فيتارا - جالوبر - تيريوس

لكن لو عايز تدخل في الكلام الصح.... هتحتاج تعلى فوق ال120 ألف

يعني.... 130 - 140 عشان تجيب حاجة تويوتا مستريحة و حالتها ممتازة

---

انا احب اؤكد كلامك ... و دى وجهة نظرى من زمان ... اول عربية دفع رباعى تتركب هى اللاند كروزر ... و تبدا من الحدود السعرية دى

فيه حاجة انا ما كنتش بفكر فيها .... اللاند كروزر القديم .. موديلات السبعينات .. الى كشافاتها مدورة ... اخبار العربية دى ايه ... انا شفت واحدة على الدائرى و عجبتنى جدا !!!

اقتباس:

---

المشاركة الأصلية كتبت بواسطة ahmed_eng2001

السلام عليكم
انا اسف مش بدخل المنتدى كتير .....اخوك معاه بليزر كى 5 موديل 1980 ....احب اوضح لحضرنك بعض الحاجات .....
1- سيارة دفع رباعي جيده و بها اوبشن عالي و سعرها حنين و قطع غيار حنينه و متوافره سمعت عن السيارة ال جي ام سي ال بليزر سب ايربان آو سوبر بان ....الى حضرتك تقصده دى موديلات التسعينات ... اليوكن ... مش البليزر و لا السوبيربان ..علشان البليزر عربية ناشفة اوى و مفيهاش اوبشن

2- البليزر تبدا من موديلات 1976 تقريبا ... لغاية 79 ..الكشافات المدورة .. 1980 كشافات مربعة لغاية اواخر التمانينات ... اصبحت كشافاتها عريضة و قصيرة ... و شاسيها الطويل زيها بالظبط و بيسموها سوبيربان

3- عليها 3 انواع من المحركات .... الاول 4700 سى سى .. التانى 5700 سى سى .. و التالت ديزل 6200 سى سى .. و ده قليل اوى ... انا بدور عليه علشان عاوز اسقطه فى عربيتى موديلات اواخر التمنينات موتورها مختلف شوية عن الى ذكرته

4- قطع الغيار .... موجوده ... بس مش كلها ..أ نا بتكلم ان حضرتك ممكن تلاقى طرمبات .. تيل فرامل .. ديسك و اسطوانة ... و حاجات كتير ... الى حتتعب حبتين و انت بتدور عليه .. المسامير و الاورنجات ... علشان مقاسهم بالبوصة .. و اغلب الموجودين فى السوق بالمليمتر

5- الميكانيكية ... اغلب الناس بيشتغلوا فيها ... مش معقدة و مفيهاش حساسات ... و دى ميزة مش عيب

6- التجار .... نصيحة لوجه الله ... متشتريش من تجار ... خد خبرة كويسة الاول عنها و استخير ربنا و خد ميكانيكى معاك و انت و ظروفك

7- المشاكل الكبيرة ليها .... لغاية دلوقتى انا لا استطيع ان اقول ان فيها مشكلة كبيرة ... مشكلتها ان عمرها كبير .. و ان فيه حاجات كتير عمرها الافتراضى خلص ... فلازم تتغير .. و دى المشكلة الى انا بواجها الان .. عربيتى موديل 1980 ربنا يعينها :)

8- متوسط الاسعار ... انا شفت حاجات من 25 الف ... لغاية 300 الف .. انا بتكلم على البليزر الكى 5

النصائح :- :)

1- لو مش بتحب الكى 5 اوى ... متشتريهاش و لا تقول اجربها و لا اركبها شوية و ابيعها و لا الكلام ده كله

2- كلام مينا صحيح جدا .... الراجل بيجيب من الاخر ... عاوز تركب ...اصبر شوية و اركب اللاند كروزر .... بداية من التعلبة ( فئة 70 ).... و فئة 80

3- مصمم على الامريكانى ... دور على موديلات التسعينات ... اليوكن .. عربيات اكثر راحة .. اكثر نعومة و اوبشن .. شكل احلى ... و فى نفس سعر اللاند كروزر
تقبل تحياتى و اى استفسار انا فى الخدمة

---

بصراحة يا بشمهندش احمد انا متشكر أوي لمشاركة حضرتك و لو ان ردي متأخر .
كنت عايز اقول اني ما جربتش البليزر عشان احبها او ابعد عنها لكن في حد بيشتغل فيهم وصلت له ... مكانه في المنيل مع الميكانيكي اللي بيتعامل معاه ... هوا بيقول انه بيجيب العربيات من السفارات و الفرص اللي زي كده ... و يظبطهم و يبيعهم .. انا كنت بفكر اروح ابص بصه كده ...

بس لو في حاجة المفروض اخد بالي منها و انا بشوف البليزرات دي يا ريت تعرفني او ترشدني ليها
و على العموم انا هاروح بكره اتفرج كده و احكي هنا ليكم عن التجربه دي و المكان ده

و ربنا يكرمني ان شاء الله بآرائكم

لا شكر على واجب ....
فين الراجل الى فى المنيل ده ؟؟؟
ياريت حضرتك توصله فعلا و تعرف الدنيا ماشية ازاى و تنقلنا تجربتك علشان نستفيد

اغلب الامريكانى ... و بالاخص الجى ام سى ... رقم الموتور هو رقم الشاسيه ... غير كدة ... بتبقى مغيرة الموتور
و دى مش حاجة وحشة ...

المواتير الى نزلت على الـ كى 5 .... 6 سلندر عدل ... مش على حرف فى ..
او 8 سلندر على حرف فى
ال 8 سلندر فيه منه موتورين ... 5700 سى سى ... و 4600 سى سى

انا مش خبرة فى البليزر اوى ...بس حضرتك ممكن تبص على الحاجات العادية
البارومة ....الخبطات .... ترشيح الزيت من تحت العربية
خلى بالك من فواصل الباب مع البودى ... قفلة الكابوت
لو حضرتك جربت العربية ... خلى بالك من الفتيس و صوته ... الدفع الرباعى بيعشق و لا لأ
بص تحت العربية و شوفها لو مرشحة زيت من الموتور او من الفتيس او من الكوارين
بص على الكابينة من جوة ... التكييف اخباره ايه !!! شغال و لا لأ ... العدادات عاملة ايه ؟!!

عاوز اقول لحضرتك على حاجة ...

لو الراجل ده عندو موديلات احدث ... يبقى كويس جدا .... موديلات 94 و 95 و 96 كويسة جدا .... غيروا اسم البليزر و سموها يوكن و كمان موديلات اعلى من كدة ... و قطع غيارها متوفرة

اقتباس:

---

المشاركة الأصلية كتبت بواسطة ahmed_eng2001

انا احب اؤكد كلامك ... و دى وجهة نظرى من زمان ... اول عربية دفع رباعى تتركب هى اللاند كروزر ... و تبدا من الحدود السعرية دى

فيه حاجة انا ما كنتش بفكر فيها .... اللاند كروزر القديم .. موديلات السبعينات .. الى كشافاتها مدورة ... اخبار العربية دى ايه ... انا شفت واحدة على الدائرى و عجبتنى جدا !!!

---

أولا بجد يا أحمد الله ينور عليك و على ردودك الوافية جدا جدا و اللي استفدت منها كتير.... بجد أنت أستاذ ف الأمريكاني... :)

ثانيا بأة.... اللاند اللي بتتكلم عنها ديه أقوى عربية دفع رباعي اتعملت ف العالم كله و اسمها 40 series

العربية ديه انتاجها قديم أوي و آخر موديل من السلسلة ديه كان 1984

و كانت بتستخدم في الحرب العالمية التانية

العربية ديه في كلمة واحدة... مفيش حاجة مبتعرفش تعديها.... بتعمل حاجات فوق الخرافية... و لو دورت في اليوتيوب.... هتلاقيلها بلاوي :)

عايزها ... انزل الواحات البحرية... بس اتأكد من ورقها لأنهم أكيد بيكونوا واخدينه لفي اكس او أي لاند كروزر حديثة....

اقتباس:

---

المشاركة الأصلية كتبت بواسطة m!na

أولا بجد يا أحمد الله ينور عليك و على ردودك الوافية جدا جدا و اللي استفدت منها كتير.... بجد أنت أستاذ ف الأمريكاني... :)

ثانيا بأة.... اللاند اللي بتتكلم عنها ديه أقوى عربية دفع رباعي اتعملت ف العالم كله و اسمها 40 series

العربية ديه انتاجها قديم أوي و آخر موديل من السلسلة ديه كان 1984

و كانت بتستخدم في الحرب العالمية التانية

العربية ديه في كلمة واحدة... مفيش حاجة مبتعرفش تعديها.... بتعمل حاجات فوق الخرافية... و لو دورت في اليوتيوب.... هتلاقيلها بلاوي :)

عايزها ... انزل الواحات البحرية... بس اتأكد من ورقها لأنهم أكيد بيكونوا واخدينه لفي اكس او أي لاند كروزر حديثة....

---

مينا باشا ..... احنا لسا بنتعلم منك .... و زى ما قلتلى قبلا ... الدفع الرباعى ده بحر كبير انا لسة بتعرف عليه

الاند كروزر الى انت بتتكلم عليها دى داخلة دماغى جدا جدا ... بس الواحات مشوار بعيد عليا ...
لو وقعت ادامك عربية زى دى ارجوك بلغنى

علشان برضو نتكلم عن الامريكانى ...
من خلال خبرتى الصغيرة فى الامريكانى و بعض المعلومات القليلة عن الاند كروزر

الامريكانى مدرسة مختلفة ... و يتمتع بالبساطة النسبية ( البساطة بتاعة سنة صنعها ) و خاصة بساطة المحرك
البساطة دى الى فى بعض الاحيان بتنقلب الى صعوبة شديدة فى الفك و التركيب
زى طرمبة الباور ... فى عربيتى مثلا .. متعبة جدا فى فكها و تركيبها
مجموعة بلى العجل الامامى ... ابسط فى تركيبها من الاند كروزر
تيل الفرامل .. ابسط من التويوتا
نظام البنزين و الكربراتير ..... التويوتا افضل بكتيييير
و محركات الديزل كمان تويوتا افضل ... اصغر حجما

من الاخر .... زى برضوا ما قلت .. الامريكانى ... العضلات الغشيمة
التويوتا عقل و فن اكتر من الامريكانى

اثناء البحث عن سياره دفع رباعي و بعد ان استقريت على الفيتارا ..
وجدت امامي سيارة لاند روفر موديل ١٩٩٦ ديزل ٣٠٠٠ سي سي و شكلها محترم لكن عامله كيلو ميتر اكتر من ٢٢٠٠٠٠

المشكلة ان معلوماتي عن الـ لاند روفر بالظبط زي معلوماتي عن اللغة الصينيه

طلبي انه بدون ما اتقل على حد ان يرشدني و يعرفني عن احوال السيارة دي و النصيحه برضو ..
يعني قطع غيار و اسعارها - ميكانيكي ليها في نطاق المهندسين و الهرم او اقرب ما يكون لهم


و شكرا مقدما لكم...

معلوماتى الشخصية عن اللاند روفر قليلة جدا ... و اغلب المعلومات متناقلة
كان فيه عضو معاه الاند روفر و عامل موضوع من زمان ... راجع عليه
المعلومات القليلة ... عربية ناعمة .. علشان على يايات فى الامام و الخلف
قطع الغيار غالية ... و مش موجودة ... دى نقطة عاوزة سؤال و بحث
البودى الخارجى من سبايك الالومنيوم ... مش حديد زى اغلب العربيات
الاوبشتز الى فيها عالية شوية ... 2 فتحة سقف و فتيس غرز ليه 4 اوضاع
2 تكييف منفصلين
و حاجات تانية كمان
ربنا يوفقك .... و ياريت تبلغنا لما حضرتك تستقر و تشترى

السلام عليكم
اعتقد ان هناك فرق بين التريل بليزر التي كانت تسمى s10 و اليوك و السبيربان و يتراوح سعر البليزر الموديلات من 95 الى 2000 بمبلغ من 50 الف الى 80000 جنية
اما اليوكن و السبيربين فهما اغلى و اكبر

اخى الفاضل, البليزر السوبربان الشاسيه بتاعها طويل جدا و حيضايقك في المناورة و المشي في شوارع مصر اللى تكاد تكون متوقفة و زحمة 24 ساعة ...عشان كدة انصحك تبعد عنها... و كمان الميني بليزر ابعد عنها عشان موتورها في مشاكل و عيوب و في شكاوى من سخونته الزيادة و اداءه الضعيف... لكن خليك في البليزر العادية سواء yukon او tahoe بس الشاسيه القصير... عربية عفية و شاسيه عربية نقل يعنى تنسى مشاكل العفشة و المطبات و الكلام الفارغ ده... اما بخصوص قطع الغيار فهى معقولة جدا و موجودة عند كل تجار قطع الغيار في شامبليون او حتى لو استيراد في الوكالة يعنى ارخص و متوفرة عن قرينتها الفورد اكسبديشن بكتيييير اوى... اهم حاجة حالة الموتور و تشوف الغرز شغال و لا لا لان معظم الناس تلاقيها شايلة كارونة الغرز اللى قدام قال يعنى بتخفف من العزم على الموتور...

اقتباس:

---

المشاركة الأصلية كتبت بواسطة geo

اخى الفاضل, البليزر السوبربان الشاسيه بتاعها طويل جدا و حيضايقك في المناورة و المشي في شوارع مصر اللى تكاد تكون متوقفة و زحمة 24 ساعة ...عشان كدة انصحك تبعد عنها... و كمان الميني بليزر ابعد عنها عشان موتورها في مشاكل و عيوب و في شكاوى من سخونته الزيادة و اداءه الضعيف... لكن خليك في البليزر العادية سواء yukon او tahoe بس الشاسيه القصير... عربية عفية و شاسيه عربية نقل يعنى تنسى مشاكل العفشة و المطبات و الكلام الفارغ ده... اما بخصوص قطع الغيار فهى معقولة جدا و موجودة عند كل تجار قطع الغيار في شامبليون او حتى لو استيراد في الوكالة يعنى ارخص و متوفرة عن قرينتها الفورد اكسبديشن بكتيييير اوى... اهم حاجة حالة الموتور و تشوف الغرز شغال و لا لا لان معظم الناس تلاقيها شايلة كارونة الغرز اللى قدام قال يعنى بتخفف من العزم على الموتور...

---

انا موافق على كلام حضرتك ...
معلومات المينى بليزر جديدة بالنسبة لى :plusone1: