استفسار من اهل الخبره عن ال جي ام سي البليزر

**faithiologi** · 13-08-2012 07:19 PM

استفسار من اهل الخبره و خبراء ال 4x4 اللي بقراء مشاركاتهم الجميلة عن ال جي ام سي البليزر

اريد التعلم و المعرفه من اهل الخبره عن سيارة دفع رباعي جيده و بها اوبشن عالي و سعرها حنين و قطع غيار حنينه و متوافره سمعت عن السيارة ال جي ام سي
ال بليزر سب ايربان آو سوبر بان زي البعض ما بيقول عليها
قدامي الشاسيه الطويل ١٩٩٨ عامله ٢٢٠٠٠٠كم و سعرها ١٢٠٠٠٠
و لو غيرها؟
اذا كنت انا ناوي اشتري
عن اي سنة يفضل ان ابحث
و ما مدى عملية هذه السيارات من حيث اسعار و اماكن تواجد قطع الغيار
الميكانيكية المتخصصين فيها
الضريبه السنويه .. كام؟
تقريبا اسعار الصيانة الدورية .. سيور و سوائل و فلاتر مثلا
عن اي شيئ انظر عندما اذهب لشراء هذه السيارة
ما المشاكل الكبيرة لهذه السيارة
و لو هناك اماكن معروفه لتجارها ؟
و لو حد يعرف متوسط أسعارها كام؟

و كمان حبيت اسألك لو معايا سبعين او ثمانين الف ممكن اجيب حاجه جيب ايه و قطع غيار بسعر معقول و امكانيات حلوة

وشكرا للجميع مقدما

**Ahmed_Nasr66** · 13-08-2012 10:56 PM

انا مستنى رد زيك بالظبط بس انا ابتديت اجمع معلومات لانى ناوى ان شاء الله اشترى بليزر لكن انا بدور فى حدود 40000 ولاقيت كذا واحدة بليزر شاسيه قصير لكن لسه ما لاقيتش اللى انا بدور عليها
على العموم انا هاديك خلاصة المعلومات اللى انا جمعتها :-
الضريبة بتاعتها تقريبا 1100ج + التامين وشوية حبشتكنات توصل 1350ج
قطع غيارها متوفرة جديد ومستعمل انزل اسأل بنفسك فى شارع شمبليون ده كله 4*4 اسأل على حاجات عشوائى مثلا طلمبه بنزين طلمبه ميه مساعدين ...... الخ وانت هاتعرف الاسعار اسعارها معقوله جدا
النهاردة نزلت شارع احمد سعيد اسال على الكاوتش بتاعها لاقيت المقاس بتعها 10.5 * 31 / 15 وسعر الفردة من 850 حتى 1100 ومش عارف هو ده المقاس الاصلى ولا ده الموجود فى السوق
لكن انا لسة مش لاقى الميكانيكى بتاعها
على العموم كل ما هاعرف حاجة جديدة هاقولك ويا ريت انت كمان لو عرفت حاجة جديدة قولى

**faithiologi** · 14-08-2012 12:37 AM

تمام يا هندسه
انا اول ما اعرف معلومة جديده هاكتبها هنا
و ياسلام لو حد من الكبار بتوع ال 4x4 اللي هنا كمان يشاركوا ... هنستفيد كتير
و منهم الاستاذ مينا انا جديد هنا بس لما قريت مشاركاته في المنتدى لقيت انه من الناس اللي كله بيستشهد بيها في المجال ده
عموما تشرفنا يا استاذ احمد نصر
معاك احمد غريب من القاهره

**M!NA** · 14-08-2012 04:57 AM

المشاركة الأصلية كتبت بواسطة faithiologi

استفسار من اهل الخبره و خبراء ال 4x4 اللي بقراء مشاركاتهم الجميلة عن ال جي ام سي البليزر

اريد التعلم و المعرفه من اهل الخبره عن سيارة دفع رباعي جيده و بها اوبشن عالي و سعرها حنين و قطع غيار حنينه و متوافره سمعت عن السيارة ال جي ام سي
ال بليزر سب ايربان آو سوبر بان زي البعض ما بيقول عليها
قدامي الشاسيه الطويل ١٩٩٨ عامله ٢٢٠٠٠٠كم و سعرها ١٢٠٠٠٠
و لو غيرها؟
اذا كنت انا ناوي اشتري
عن اي سنة يفضل ان ابحث
و ما مدى عملية هذه السيارات من حيث اسعار و اماكن تواجد قطع الغيار
الميكانيكية المتخصصين فيها
الضريبه السنويه .. كام؟
تقريبا اسعار الصيانة الدورية .. سيور و سوائل و فلاتر مثلا
عن اي شيئ انظر عندما اذهب لشراء هذه السيارة
ما المشاكل الكبيرة لهذه السيارة
و لو هناك اماكن معروفه لتجارها ؟
و لو حد يعرف متوسط أسعارها كام؟

و كمان حبيت اسألك لو معايا سبعين او ثمانين الف ممكن اجيب حاجه جيب ايه و قطع غيار بسعر معقول و امكانيات حلوة

وشكرا للجميع مقدما

بص يا باشا...

اولا البليزر مشكلتها استهلاك البنزين العالي جدا..... و قطع الغيار متوفرة لكن الأصلي مش كتير هتلاقيه... و ان لقيته هيبقا غالي....

السؤال الأساسي... هو ايه نوع احتياجك للعربية... و ايه المشاوير اليومية بتاعتك؟ و استخدامك أكتر في السفر ولا وسط البلد؟؟ و هل ناوي تدخل بيها صحرا ولا لأ؟

**M!NA** · 14-08-2012 05:10 AM

المشاركة الأصلية كتبت بواسطة faithiologi

تمام يا هندسه
انا اول ما اعرف معلومة جديده هاكتبها هنا
و ياسلام لو حد من الكبار بتوع ال 4x4 اللي هنا كمان يشاركوا ... هنستفيد كتير
و منهم الاستاذ مينا انا جديد هنا بس لما قريت مشاركاته في المنتدى لقيت انه من الناس اللي كله بيستشهد بيها في المجال ده
عموما تشرفنا يا استاذ احمد نصر
معاك احمد غريب من القاهره

ربنا يخليك دا شرف ليا أنك تديني الثقة الغالية ديه...
أتمنى أفيدك.....

**M!NA** · 15-08-2012 12:39 AM

المشاركة الأصلية كتبت بواسطة faithiologi

والله يا هندسه انا احتياجاتي اني اركب عربيه عفيه لآني بحب العربيه تكون قويه في مشيها
و لما اشغل التكييف مالاقيهاش ماتت تحت رجلي او بتفرفر
احب ان العربيه تكون عاليه عن الارض و تستحمل شوارع بلدنا اللي انت عارفها خصوصا الشوارع غير المسفلته
اللي شبه الصحرا يعني :)
انا مشاويري كلها في وسط المدينه لكني ساكن في حدايق الهرم و هي غير معبده او حتي غير مسفلته نتيجه لحركة البناء المستمر فيها

لذلك فكرت في ال 4x4 في الاساس و برضو موش غاوي قطم وسطي في قطع الغيار
عشان كده قلت اسأل اهل الخبرة زي حضرتك

احب اسأل حضرتك لو تعرف حاجة برضو في سكة الشراء من بورسعيد و إجراءتها؟

ارجو اني مكونش بشغلك معايا عن حاجة مهمه عندك ولا بتعبك.

شكراً لحضرتك

دا غير اني احب اطلع الصحرا لو في امكانيه و كويس اني عرفت ان حضرتك بتعمل رحلات لسانت كاترين ربنا يكرم و يكون ليا نصيب معاك في مره

لا طبعا مفيش أي تعب ولا حاجة.... اللي يعرف حاجة و ميفيدش بيها غيره يبقا غلطان ... :)

طيب قوللي حاطط رينج كام؟ كحد اقصى و حد أدنى؟

**M!NA** · 15-08-2012 03:32 PM

المشاركة الأصلية كتبت بواسطة faithiologi

الحد الاقصى ٧٥٠٠٠
اما الحد الادنى ... زي مايكون اهو كله توفير :)

السعر ده صعب يجيب حاجة فور باي فور و ديزل و بحالة كويسة....

و متفكرش تشتري و تشد.... لأن عمرة الموتور الديزل مكلفة جدا جدا جدا.... و أسهل عليك تجيب حاجة بحالة كويسة

ممكن بنزين... بس في ظرف سنة - سنتين.. بحسبة بسيطة هتلاقي نفسك دفعت مرة و نص المبلغ اللي دفعته ف العربية (بنزين) :)

الف شكر -

-

الموضوع: استفسار من اهل الخبره عن ال جي ام سي البليزر

LinkBack

أدوات الموضوع

عرض

-

-

-

-

المواضيع المتشابهه

استفسار من اهل الخبره

استفسار من اهل الخبره

استفسار من اهل الخبره

استفسار من اهل الخبره

استفسار من اهل الخبره

الكلمات الدلالية لهذا الموضوع

المفضلات

المفضلات

ضوابط المشاركة