شراء سيارة هوندا si. فارجو المساعدة

**tikatalaat** · 13-08-2012 11:45 PM

انا ناوى شراء سيارة هوندا موديل 94 si. فارجو من عمالقة الهوندا افادتى من ناحية السيارة. ما هى اهم الاشياء التى يجب الاهتمام بها فى السيارة. ما هى الاشياء التى يجب الكشف عليها قبل شراء السيارة. هل يتم الكشف على المتور فى اى بنزينة ولا يجب او يستحسن الذهاب لشخص معين و كم التكلفة. هل يوجد شيئا اخر مهم يجب النظر او الكشف علية قبل الشراء او هل يوجد عمل اى شىء قبل الشراء. اسف على الاطالة بس هذة ستكون اول تعامل مع الهوندا فاتمنى ان تكون بداية موفقة فى عالم الهوندا

**ahmedeihab** · 14-08-2012 11:40 AM

اولا ربنا يوفقك و تلاقى حاجه كويسه فى سعر حلو

ثانيا :

اول حاجه بتعملها فى العربيه بتبص على الرقم بتاعها علشان تعرف دى Si اوريجنال ولا متعدله

و اللى هيفيدك فى ده منسق القسم سامح ياريت تبقى معاه على التليفون و انت بتكشف على العربيه

ثالثا :

بتكشف على كل الدواخل و تتأكد انها سليمه جداااا و متعرضتش للرش قبل كده

الدواخل هى حوض و شنطه و قوايم و لو تمام بتطلع تجرب العربيه كده فى المشى عامله ازاى

رابعا : بترفع العربيه على كوريك فى البنزينه و تبص عليها من تحت من قدام و من ورا و تشوف اذا كان فيه

خبطه و مش باينه من فوق او فى كسر او لحام او ألخ

خامسا:

و انت فى البنزينه بردو بتكشف على كبس الموتور و ده بيبقى تمنه تقريبا بيتراوح من 30 ل 50 جنيه على حسب المكان اللى انت فيه

سادسا :

بتبص على صالون العربيه لازم يكون كامل

لان كل مسمار فى الصالون بفلوس

و حتى لو ناقصه حاجات بسيطه ممكن تتغاضى عنها لو العربيه نضيفه

سابعا و ده الاهم :

اوعا تستعجل

و اوعا تاخد العربيه بمنظرها من بره يعنى جنط و اللون و كده

و من جوه عامله زى ال ....... اللى ......... اللهم ما انى صايم :D:D:D:D

و ان شاء الله ربنا يوفقك و تلاقى اللى فى دماغك

^_^