يارجاله إن شاء الله نويت اشترى نيسان قشقاى بس المشكله ان الوكيل بيقولى بالحجز والاستلام بعد 4 شهور !!
وقالى لو عاوز تشتريها وتدفع اوفر برايس هتدفع حوالى 10 الالف او 15 الف زياده عن السعر الاصلى !!
انا من الاسكندريه
ياريت لو حد يدلنى اعمل ايه وفى حل ان انا اشتريها من غير حجز بس ميبقاش الاوفر برايس اوفر اوى كده
من مواضيع medo2_0 في مصر موتورز
تمهل واحجز وانتظر افضل
انا جربت الأوفر بريس مره فى سيارة كارينز (11 ألف جنيه ) وبالرغم فى اعاده بيعاها عوضتنى بشكل مناسب لأنه سعرها الأصلى كان زاد ولاكن كان يبقى افضل بكثير جدا لو مكنش فيه اوفر بريس
وحجزت السبورتاج وانتظرت 6 أشهر صدقنى رغم طول المدة ولاكن كان فى راحت بال
نصيحة لوجه الله من واحد قرب الأثنين فى خلال سنتين انت أولى واحق بأى مليم زياده وعند إعادة البيع الموضوع ده بيفرق جامد وعلشان أول متستلم وتركب العربية هتقول يا ليتنى وديما إل على الشط شاطر
بلاش تدفع اوفر برايس .. لأن كده بنشجع التجار على الجشع والطمع
فحاول تحجز وتستنى وتجيب اى عربية تمشى حالك بيها لحد ماتستلم
وطبعا القرار فى الاخر لحضرتك
شوف باختصار
انا حاجز قشقاى من اسكندريه
عندك اتنين
مرعى فى سيدى جابو وبتدفع 50 الف حجز وبتستلم فى حوالى 3 ههور
وعندك العالميه عبد اللطيف فى الداون تاون وحجزها بالف جنيه ولكن ارفنى بمعنى الكلمه وكل اسبوع يقولوا الى وراه وخلونى كرهت نفى وكرهت لعربيه
الانتظار فعلا مؤرف لو معكش عربيه بديله
ممكن تدفع 10 الاف وتستلمها على طول بس غالبا من مصر مش من اسكندريه
اى سؤال انا موجود
الاستاذ medo2_0
كما نصحك الاخوة الافاضل
الحجز افضل و الانتظار افضل من فرق السعر الغير مبرر
اما لو ان حضرتك لك ظروف معينة و بدون سيارة الان مثلا و في حاجة ملحة لا تستطيع معها انتظار ال 3 او ال 4 شهور فتوكل علي الله و انزل القاهرة علي سمير ريان هو ارخص فرق سعر في مصر
و لكن هذا اذا كنت مضطر
و اذا حجزت فأنا اري ان تحجز مع وكيل او موزع معتمد مثل اوتو ايجيبت او السبع
ربنا يوفقك في الاختيار و منتظرينك تشرفنا في رابطة ملاك القشقاي بأذن الله تعالي
تحجز وتستلم على خير يا فندم .. واختيار موفق باذن الله
انت اولى با 10 او 11 الف اللى هتدفعهم زيادة .....احجز واستنى المعاد احسن وانت اما تشترى عربية اغلى ب 10 الف عن تمنها كتير وبلاش نشجع الاوفر برايس
مبروك عليم مقدما ونصيحه اوعى الاوفر بريس
الصنى وصلت لــ 106 من اصل سعر 100 ولو قعدت حتى 6 شهور مش حجبها بمليم زياده
نصيحتى برضه ان حضرتك تحجز و تنتظر ال ٣ شهور و تستلم بالسعر الرسمى و خساره فلوس الاوفربرايس و كمان بكده تبقى عملت حاجه ايجابيه لانك شاركت فى مقاطعه المحتكرين
او ممكن يغير ويشرفنا فى رابطة ملاك السبورتاج بإذن الله تعالىاقتباس:
المشاركة الأصلية كتبت بواسطة م. حاتم السباعي
والله بضحك معاك يا بشمهندس / حاتم بس عندى امل الضحك يقلب بجد ونخطف واحد من القشقاوية - علشان ننشط القسم شوية
بس المهم فى الآخر ياريت يحجز ومفيش داعى للإستعجال وحرام الأوفر بريس فى أى عربية
شكرا ليكم كلكم ياجماعه وبجد نصيحتكم ليا افدتنى كتيير ان شاء الله نويت احجز عشان بجد التجار دول ربنا يولع فيهم من الطمع بتاعهم بجد مافيش جشع اكتر من كده وفى نفس ذات الوقت مصلحه برضوا عشان دخلت فى مقاطعة المحتكرين :)
وان شاء الله لما اجيبها ليا موضوع تانى عن رأيى فى العربيه...
ربنا يكرمك و يعزك يا فندماقتباس:
المشاركة الأصلية كتبت بواسطة mmbadroo
و ان شاء الله الخير كله يكون من نصيبه
و بدل ما يجيب قشقاي فقط ربنا يكرم اخونا الفاضل و يجيب اسبورتاج كمان
و بكده يبقي اصبح اول عضو يجمع ما بين العروستين هههههههههههه
ربنا يوفقه بأذن الله
والله فعلا" أحسنت وصدقت القول (العروستين)اقتباس:
المشاركة الأصلية كتبت بواسطة م. حاتم السباعي
وربنا يكرمه ويجمع بين الأثنين والشرع محلل 4 ههههههههههههههههه