نويت اجيب قشقاى بس الوكيل والمصريه وكله بالحجز اشتريها منين من الاسكندريه؟؟

**medo2_0** · 14-08-2012 08:27 AM

يارجاله إن شاء الله نويت اشترى نيسان قشقاى بس المشكله ان الوكيل بيقولى بالحجز والاستلام بعد 4 شهور !!
وقالى لو عاوز تشتريها وتدفع اوفر برايس هتدفع حوالى 10 الالف او 15 الف زياده عن السعر الاصلى !!
انا من الاسكندريه
ياريت لو حد يدلنى اعمل ايه وفى حل ان انا اشتريها من غير حجز بس ميبقاش الاوفر برايس اوفر اوى كده
من مواضيع medo2_0 في مصر موتورز

**محمد بدر** · 15-08-2012 11:05 AM

تمهل واحجز وانتظر افضل
انا جربت الأوفر بريس مره فى سيارة كارينز (11 ألف جنيه ) وبالرغم فى اعاده بيعاها عوضتنى بشكل مناسب لأنه سعرها الأصلى كان زاد ولاكن كان يبقى افضل بكثير جدا لو مكنش فيه اوفر بريس
وحجزت السبورتاج وانتظرت 6 أشهر صدقنى رغم طول المدة ولاكن كان فى راحت بال
نصيحة لوجه الله من واحد قرب الأثنين فى خلال سنتين انت أولى واحق بأى مليم زياده وعند إعادة البيع الموضوع ده بيفرق جامد وعلشان أول متستلم وتركب العربية هتقول يا ليتنى وديما إل على الشط شاطر

**msi_msi2002** · 15-08-2012 05:07 PM

شوف باختصار
انا حاجز قشقاى من اسكندريه
عندك اتنين
مرعى فى سيدى جابو وبتدفع 50 الف حجز وبتستلم فى حوالى 3 ههور
وعندك العالميه عبد اللطيف فى الداون تاون وحجزها بالف جنيه ولكن ارفنى بمعنى الكلمه وكل اسبوع يقولوا الى وراه وخلونى كرهت نفى وكرهت لعربيه
الانتظار فعلا مؤرف لو معكش عربيه بديله

ممكن تدفع 10 الاف وتستلمها على طول بس غالبا من مصر مش من اسكندريه
اى سؤال انا موجود

**م. حاتم السباعي** · 15-08-2012 06:22 PM

الاستاذ medo2_0
كما نصحك الاخوة الافاضل
الحجز افضل و الانتظار افضل من فرق السعر الغير مبرر
اما لو ان حضرتك لك ظروف معينة و بدون سيارة الان مثلا و في حاجة ملحة لا تستطيع معها انتظار ال 3 او ال 4 شهور فتوكل علي الله و انزل القاهرة علي سمير ريان هو ارخص فرق سعر في مصر
و لكن هذا اذا كنت مضطر
و اذا حجزت فأنا اري ان تحجز مع وكيل او موزع معتمد مثل اوتو ايجيبت او السبع
ربنا يوفقك في الاختيار و منتظرينك تشرفنا في رابطة ملاك القشقاي بأذن الله تعالي

**Youssef.Awad** · 15-08-2012 09:14 PM

تحجز وتستلم على خير يا فندم .. واختيار موفق باذن الله

**hossam_elwani** · 15-08-2012 10:53 PM

مبروك عليم مقدما ونصيحه اوعى الاوفر بريس

الصنى وصلت لــ 106 من اصل سعر 100 ولو قعدت حتى 6 شهور مش حجبها بمليم زياده

**محمد بدر** · 16-08-2012 01:00 AM

المشاركة الأصلية كتبت بواسطة م. حاتم السباعي

الاستاذ medo2_0
كما نصحك الاخوة الافاضل
الحجز افضل و الانتظار افضل من فرق السعر الغير مبرر
اما لو ان حضرتك لك ظروف معينة و بدون سيارة الان مثلا و في حاجة ملحة لا تستطيع معها انتظار ال 3 او ال 4 شهور فتوكل علي الله و انزل القاهرة علي سمير ريان هو ارخص فرق سعر في مصر
و لكن هذا اذا كنت مضطر
و اذا حجزت فأنا اري ان تحجز مع وكيل او موزع معتمد مثل اوتو ايجيبت او السبع

ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ــــــــــــــــــــــ
ربنا يوفقك في الاختيار و منتظرينك تشرفنا في رابطة ملاك القشقاي بأذن الله تعالي

او ممكن يغير ويشرفنا فى رابطة ملاك السبورتاج بإذن الله تعالى
والله بضحك معاك يا بشمهندس / حاتم بس عندى امل الضحك يقلب بجد ونخطف واحد من القشقاوية - علشان ننشط القسم شوية
بس المهم فى الآخر ياريت يحجز ومفيش داعى للإستعجال وحرام الأوفر بريس فى أى عربية