عرض للطباعة
العربيه بتسخن اوى ...مبتمشيش ربع ساحه غير لما عداد الحراره يتأفل ....مع ان مفيش تسرب فى الريداتير والمراوح شغالة تمام..بس الميه بتنقص معرفش بتروح فين ...؟؟؟ العربيه بتاكل الميه ؟ بس حتى لو لسه ماليها ميه ومشيت بيها بردو بتسخن ...؟؟؟ايه ممكن يكون السبب ...؟؟؟؟؟
أولا : تبص على زيت الموتور علشان نستبعد إن المياه بتدخل على الزيت أو جوان بايظ
ثانيا: تتأكد إن غطاء القربة محكم الغلق و مش بيسرب
ثالثا: تروح عند حد بتاع ردياتيرات يكبسلك الدورة علشان لو فيه تسريب يبان
خدها علي ونش لحد التوكيل أو مركز عصام صفا و خليهم يشوفوا العيب من ايه, و ان شاء الله خير.
طيب ازاى اقدر اعرف ان المايه دخلا على الزيت ؟؟ يعنى الزيت بيبقو شكلو عامل ازاى ؟؟؟اقتباس:
المشاركة الأصلية كتبت بواسطة ahmed_ramadan
ولا الجوان بايز بردو ازاى اقدر اعرف ؟؟؟؟
وهل فى حاجه ممكن اعملها اتا:د بيها ان طلبمة المايه سليمه ؟؟؟
وشكرا على ردك على الموضوع
ترموستات الكوعة علق، هات ميكانيكى تحت البيت يلغيهولك و ماتمشيش بيها أكتر من كدة عشان ماتجبش جوان وش سلندر
احتمال كبير جدااااااااااااااااااااقتباس:
المشاركة الأصلية كتبت بواسطة m_marmoush
ترموستات الكوعه انا شايلو اساسا ..؟؟ وكشفت عالزيت مفهوش مايه ...امال الميه الى بتنقص دى بتروح فيين ؟؟ ومفيشس اى تسريب خارجى نهائى !!!؟؟؟؟؟؟؟؟؟؟اقتباس:
المشاركة الأصلية كتبت بواسطة m_marmoush
انا بمشى بيها مشواير صغيره ولما تبدى تسخن ببطلها واركن لحد متبرد ولا ممشيش بيها خالص احسن ؟؟؟
أفضل حل فعلا تحملها علي ونش وتروح لمركز عصام وصفا لان ممكن يكون سبب نقص المياه تسريب في مكان ما غير واضح
وان شاء الله بسيطه
علي فكره غالبا جوان وش السلندر فيه مشكله والجوان بيهرب كبس الموتور لدورة المياة وبالتالي بيزيد الضغط فيها والضغط بيدفع المياة للردرياتير وطبعا الضغط دة ناتج من الاحتراق بغرف الاحتراق وبتكون درجه حرارتة مرتفعه جدا وبالتالي بيخلي حرارة العربية ترتفع جدا وبيبخر المياه من الريدياتير
زي ما قلت لك حمل العربيه وروح مركز عصام وغالبا لازم حيعملولك اختبار كبس دوره التبريد
وربنا يوفق
اقتباس:
المشاركة الأصلية كتبت بواسطة Ahmed_Ramadan
ياباشا شيل العربية على ونش ووديها مركز عصام والصفا وماتمشيش بيها خالص احسا تضرب جوان انا عربيتى هناك بسبب نفس الموضوع بس الريداتيرعندى كان مخروم والعربية جابت جوان وش سلندر
ماتمشيش باعربية خالص خالص خالص مشكلتك دلوقتى بسيطة بلاش تدخل فى حجات كبيرة ربنا يسترها على الجميع
انا شاكك ان طرمبة المية اصلا مش شغالة خالص
انا روحت لمكنيكى قالى الرداتير مكتوم روح لبتاع ردتير خليه يشوفو ..مكدبتش خبر روحت لبتاع رديتير قالى فعلا الردتاير مكتوم ..المهم فكو وقالى المواسير مش سلكه للاخر فى مواسير محجره ....طيب هنعمل ايه من هنا لهنا كان عاندو واحد بتاع لنسر قالى هيركب عندك ونعدل الخراطيم وربط المراوح وكده المهم مكنش اودامى حاجه اولتلوو ماشى حتى لو حل مؤقت ... وركب وجينا نجربها سخنت اكتر من الاول ... امبير الحراره 130 ... اولتلو لا رجع القديم بقه لحد مشوفلها حل ...جاب واحد مكانيكى اعد يبصى ويحط مايه ويقولى دور وبطل ...المهم قالى هم حاجه من الاتنين ..يا ترمستات الكوعه ..اوللتلو مش موجود قالى لا موجود ؟؟؟ ومكانو مش هنا دو موجود جوه ولازم تفك مش عارف ايه ...والاحتمال التانى طلمبه المايه مش بتقلب وروح للمكانيكى بتاعك يشوفهم الاتنين .... كلمت المكنيكى وادينى هرحولو بكره اشوف الموضوع ؟؟؟ بس يا رب تكون حاجه من دول ومتكونش جوان وش سلندر ......................
ازاى عرفت انها جابت جوان ؟؟؟؟ ايه الاعراض عشان انا قلقان اوى ... انا بمشى بيها بس بلف على الميكانيكيه ولما تسخن ببطلهااقتباس:
المشاركة الأصلية كتبت بواسطة ehabsharaf
شكرا يا جماعة على الردود بجد ...وانا هقولكو على التطورات اول باول عشان لو حد عندو نفس المشكله يستفيد ...
01008090209
ربنا معاك يا باشا و تطلع بسيطة بإذن الله
هو مش لو فتح غطاء الردياتير وداس بنزين والعربية سخنة هيلاقي الماية بتتقلب ، يبقي كدة الطلمبة شغالة ؟!!
خلاف كدة لما غير مياة للردياتير هل سحب الهواء ؟!!
النهارضه الصبح جيت ادور العربيه اولت ازود مايه عشان انتو عرفين الموضوع من اولو ....وكنت ركنها امبارح سخنه مولعا وانا راجاع بعد يوم طويل من المكانيكى لبتاع الرداتير ... بفتح الكابوت لقت راس الرداتير مشروخ بالكامل...الجزء البلاستك الى فيه الغطا والخراطين ....مشروخ كده زى ميكون حد شقو بسكينه وشرخ كبيير بعرض الرداتير كلو ....طبعا شوفت المنظر ده قفلت الكبود وسبتها ورحت الشغل ....مش عارف بقه بعد الشغل هعمل ايه كده لازم اشترى رداتير قبل اى حاجه....حد يعرف بيتباع فين وبكام ولو ملقتوش ايه البديل الى يركب عليه ؟؟؟؟؟
الحمد لله حليت المشكلة لسه جى من عند الميكنيكى بعد يوم طوييل وشاق ...انتظرو موضوع مفصل انشاء الله
الحمد لله على إن المشكلة انتهت وبارك لك الله فيها
أنا كنت داخل أقول شوية اقتراحات ... بس خلاص بقى ... الحمد لله دائما وأبدا