ليه لا يستخدم الزيت للتبريد بدلا من المياه للتخلص من مشاكل التبخير؟
عرض للطباعة
ليه لا يستخدم الزيت للتبريد بدلا من المياه للتخلص من مشاكل التبخير؟
ماهو اصلا الزيت بيستخدم ايضا - بالاضافة للتشحيم - لتبريد الموتور الى جانب المياه
انا قصدى استخدم الزيت فى الرادياتير وذللك للتخلص من عيوب الماء مثل:
الصدا- النقص المستمر- الغليان عند 100
ممكن استخدام سائل كميائي بارد بدلا من المياه ؛ بس حدمن المتخصصين في الكميا يقول لنا
اعتقد ان الزيت يكتسب الحرارة سريعا ويفقده سريعا نظرا لان الحرارة النوعية للزيت اقل من الماء (اقل من النصف). وبخصوص اللزوجة فان طرمبة الزيت بالموتور تضخه بدون مشاكل. لذلك قد يمكن استخدام زيت خفيف بدل الماء
وشكرا على الرد
لا طبعا الموضوع مش بالسهولة دى
اولا الزيت اتقل من المية حتى لو جبت اخف زيت... بالتالى اقوى طلمبة ميه مش حتضخ الزيت بالكفائة المطلوبة مقارنة بالميه
الماء العذب افضل سائل تبريد... صحيح بيغلى عند 100 درجة لكن بيحتاج كم حرارى كبير عشان يوصل للدرجة دى اصلا و بالتالى الماء بيستوعب كمية حرارة اكبر من الزيت
اهم حاجة التكلفة... حتحط 7 لتر زيت تبريد بكام؟؟؟... راعى ان فى اسواء الاحوال انت ممكن تحط مية من الحنفية ببلاش
MMamdouh
بخصوص لزوجة الزيت انا معك فى الراى ان الزيت سوف يكون اكثر لزوجة وبالتالى اصعب فى الحركة.
اما بالنسبة ان الماء العذب افضل سائل تبريد اختلف معك حيث ان الزيت يرتفع درجة حرارته بكم اقل من الحرارة ولكن فى المقابل تنخفض درجة حرارته سريعا بابسط تبريد .
وبخصوص التكلفة فان الزيت سوف يوضع مرة واحدة فقط ( الماء يعاد تزويده وتغييره كل فترة وتظهر المشكلة فى المناطق الصحروية حيث ندرة الماء) وايضا الزيت سوف يقى موتور السيارة والرادياتير من الصدا والانسداد وهذه المميزات تعوض فارق التكلفة
أعتقد ان الخواجة لو شايف ان الزيت أحسن من المية في التبريد كان هيستعملة :biggrin24:
هو مش اصعب... هو اقرب للمستحيل بالطلمبة العادية بتاعت المية
مهى هى دى النقطة... الزيت حترتفع درجة حرارتة بسهولة جدا و حيبقى صعب انه يبرد الموتور لان اقل قدر حرارة حيرفع درجة حرارتة للغليان بسرعة شديدةاقتباس:
اما بالنسبة ان الماء العذب افضل سائل تبريد اختلف معك حيث ان الزيت يرتفع درجة حرارته بكم اقل من الحرارة ولكن فى المقابل تنخفض درجة حرارته سريعا بابسط تبريد .
طيب هى الميه حتنقص و الزيت لا؟؟؟ يعنى لو فيه تسريب فى دورة التبريد الزيت مش حيتسرب؟؟؟ و الزيت مش حيتعرض للتبخير زيه زى الميه؟... بالعكس دا الزيت حينقص اكتر لانه حيسخن جامد اكتر من الميه و حيبقى قريب من درجة الغليان مدة اطول بكتير من المية و بالتالى الفاقد اكبر بكتيراقتباس:
وبخصوص التكلفة فان الزيت سوف يوضع مرة واحدة فقط ( الماء يعاد تزويده وتغييره كل فترة
يا راجل يا طيب... يعنى فى الصحراء حيبقى فيه ندرة فى الميه و وفر فى زيت التبريد؟؟؟؟؟؟؟؟؟؟؟؟اقتباس:
وتظهر المشكلة فى المناطق الصحروية حيث ندرة الماء)
نفس المميزات موجودة فى سائل مياه التبريد (مش ميه الحنفية يعنى) و بعدين هو لتر زيت التبريد بكام؟؟؟اقتباس:
وايضا الزيت سوف يقى موتور السيارة والرادياتير من الصدا والانسداد وهذه المميزات تعوض فارق التكلفة
لما نحسب ان جركن الميه الخضراء ماركة IADA ب25 جنية و فيه 5 لتر يبقى لتر المبرد بخمسة جنية
حنعتبر زيت التبريد خفيف زى زيت الباكم مثلا و علبة زيت الباكم الربع لتر فى موبيل ب 9 جنية... يبقى اللتر ب 36 جنية يبقى ال5 لتر ب 180 جنية
يعنى فى عربية زى اللنوس حتحتلها زيت تبريد ب 252 جنية (7 لتر) في حين انك ممكن تجيب جركنين 5 لتر ب 50 جنية و تحط 7 لتر من العشرة و يبقى معاك 3 لتر احتياطى ليك و للزمن و الازمنة المقبلة كمان
زيت التبريد بيستخدم فى حاجات معينة فقط زى محولات الكهرباء الكبيرة و كدة لكن مش عملى خالص فى العربيات
MMamdouh