صيانه الكليو

**GBadr** · 14-08-2012 09:49 PM

انا معايا كليو 1400 2001. عايز اعرف طريقه للصيانه غير مراكز الخدمه و صقر قريش لاني ساكن في العبور.
ياريت في الحرفيين بس حد غير محمد الهناك لان مشواره وحش. انا عايز حد عفشجي كويس وميكانيكي شاطر.

كمان عندي كام استفسار:
1- التكييف ضعييف شويه. رحت لحد بتاع تكييفات في صقر قريش قالي لازم هوا كويس كده... هو بيسقع بس مش جامد ولو الجو حر مبيعملش شغل كويس. اعمل ايه

2- عندي صوت طقطقه في الدريكسيون لما الفه حتي والعربيه وقفه خالص ( ياعني مش كبالن انا كشفت عليها) فمش عارف ده حاجه في العلبه ولا ايه. ولو في العلبه لازم تتغير ولا ليها طقم اصلاح وكده.

3- عداد الزيت الل في التابلوه مبقاش شغال ( ده مع الكيلو متر) ... ده ممكن يكون من ايه.

اسف للاطاله ومستني اراكم بفارغ الصبر

**GBadr** · 14-08-2012 10:35 PM

احب اضيف مشكله كمان نسيتها: لما بفول العربيه في ريحه بنزين جامده بتبقي في الصالون بتروح لما العداد يبقى قبل النص بشويه

**ramy_gamal** · 14-08-2012 11:17 PM

المشاركة الأصلية كتبت بواسطة gbadr

انا معايا كليو 1400 2001. عايز اعرف طريقه للصيانه غير مراكز الخدمه و صقر قريش لاني ساكن في العبور.
ياريت في الحرفيين بس حد غير محمد الهناك لان مشواره وحش. انا عايز حد عفشجي كويس وميكانيكي شاطر.

كمان عندي كام استفسار:
1- التكييف ضعييف شويه. رحت لحد بتاع تكييفات في صقر قريش قالي لازم هوا كويس كده... هو بيسقع بس مش جامد ولو الجو حر مبيعملش شغل كويس. اعمل ايه

2- عندي صوت طقطقه في الدريكسيون لما الفه حتي والعربيه وقفه خالص ( ياعني مش كبالن انا كشفت عليها) فمش عارف ده حاجه في العلبه ولا ايه. ولو في العلبه لازم تتغير ولا ليها طقم اصلاح وكده.

3- عداد الزيت الل في التابلوه مبقاش شغال ( ده مع الكيلو متر) ... ده ممكن يكون من ايه.

اسف للاطاله ومستني اراكم بفارغ الصبر

1/ تكييف الرينو عموما كدة مش جامد اوى بس معقول ... بس طبعا لو العربيه واقفه فى الشمس مش هيكون حلو خالص بس افتح الشبابيك كلها وامشى شويه يكون الهواء السخن طلع وبعدين شغله
2/ طقطقه ولا صوت زى سوسته ويكون صوته بسيط ؟
3/ مش فاهم عداد الكيلو الصغير هو اللى مش شغال ؟

المشاركة الأصلية كتبت بواسطة gbadr

احب اضيف مشكله كمان نسيتها: لما بفول العربيه في ريحه بنزين جامده بتبقي في الصالون بتروح لما العداد يبقى قبل النص بشويه

راجع على صاموله التنك ممكن تكون بتسرب ....شيل الكنبه هتلاقى من ناحيه اليمين غطاء اسود شيله بس براحه عشان الاسلاك وبس لو لقيت بنزين يبقى منها

**GBadr** · 15-08-2012 03:41 PM

المشاركة الأصلية كتبت بواسطة r_gamal1

1/ تكييف الرينو عموما كدة مش جامد اوى بس معقول ... بس طبعا لو العربيه واقفه فى الشمس مش هيكون حلو خالص بس افتح الشبابيك كلها وامشى شويه يكون الهواء السخن طلع وبعدين شغله
2/ طقطقه ولا صوت زى سوسته ويكون صوته بسيط ؟
3/ مش فاهم عداد الكيلو الصغير هو اللى مش شغال ؟

راجع على صاموله التنك ممكن تكون بتسرب ....شيل الكنبه هتلاقى من ناحيه اليمين غطاء اسود شيله بس براحه عشان الاسلاك وبس لو لقيت بنزين يبقى منها

صوت الطقطقه بيبقي جي وانت بتلف الدركسيون حتى والعربيه واقفه... هو صوت طقطقه مش سوسته وبعدين بتكون ورا بعض ياعني مش صوت طقه واحده وخلاص...
ياريت مشاركتكم كمان في موضوع الصيانه

**sammor_28** · 15-08-2012 08:55 PM

المشاركة الأصلية كتبت بواسطة GBadr

صوت الطقطقه بيبقي جي وانت بتلف الدركسيون حتى والعربيه واقفه... هو صوت طقطقه مش سوسته وبعدين بتكون ورا بعض ياعني مش صوت طقه واحده وخلاص...
ياريت مشاركتكم كمان في موضوع الصيانه

دي حضرتك صوت البارات بتاعت الدركسيون كانت في عربيه والدي نفس الصوت وغيرتها بارات داخلي وخارجي عاملين تقريبا 300 جنيه
وبالنسبه للتكييف زي ما قال r Gamal هو فعلا مش قد كده بس انت ممكن تروح مركز ديافيا مصر وده في حدائق القبه بعد حديقه ابن سندر عند بنزينه غازتك

وبرضه موضوع البنزين زي ماقال برضه r Gamal اكيد الجوان اللي بيبقى راكب على طرمبه البنزين مش راكب كويس او باظ وده بيتغير ب 10 جنيه بس لازم ميكانيكي رينو مخصوص يفتح الطرمبه لأن ليها مفتاح معين

**GBadr** · 15-08-2012 10:58 PM

المشاركة الأصلية كتبت بواسطة sammor_28

دي حضرتك صوت البارات بتاعت الدركسيون كانت في عربيه والدي نفس الصوت وغيرتها بارات داخلي وخارجي عاملين تقريبا 300 جنيه
وبالنسبه للتكييف زي ما قال r gamal هو فعلا مش قد كده بس انت ممكن تروح مركز ديافيا مصر وده في حدائق القبه بعد حديقه ابن سندر عند بنزينه غازتك

وبرضه موضوع البنزين زي ماقال برضه r gamal اكيد الجوان اللي بيبقى راكب على طرمبه البنزين مش راكب كويس او باظ وده بيتغير ب 10 جنيه بس لازم ميكانيكي رينو مخصوص يفتح الطرمبه لأن ليها مفتاح معين

شكرا على الردود السريعه ياشباب
عندي سؤالين كمان:
- ياترى نوع الفريون بيفرق كتير في التكييف. ولو بيفرق ايه احسن نوع فريون؟
- مستني ارأكم عن ميكانكي رينو غير الفوق :)

**albasha** · 17-08-2012 05:58 PM

المشاركة الأصلية كتبت بواسطة gbadr

شكرا على الردود السريعه ياشباب
عندي سؤالين كمان:
- ياترى نوع الفريون بيفرق كتير في التكييف. ولو بيفرق ايه احسن نوع فريون؟
- مستني ارأكم عن ميكانكي رينو غير الفوق :)

نوع الفريون بيفرق فعلاً بس رأيي متتعبشي نفسك مع التكييف بتاعها كتير لإنه ضعيف في الزحمه والحر الشديد لكن لو ماشي علي طريق سريع بيبقي كويس جداً
بالنسبه للميكانيكي في طايع في الحرفيين برضه كويس وفاهم العربيه كويس ممكن تسأل عنه في محل عصام بشطر بتاع قطع الغيار الإستيراد هو قريب منه جداً

**m_badr** · 13-09-2012 01:34 PM

لو سمحتو يا جماعه الكبوت مش رادي يفتح حد يعرف اعمله ازاي؟

**MohammedAladel** · 13-09-2012 04:46 PM

المشاركة الأصلية كتبت بواسطة gbadr

انا معايا كليو 1400 2001. عايز اعرف طريقه للصيانه غير مراكز الخدمه و صقر قريش لاني ساكن في العبور.http://www.nilemotors.net/nile/303886-a.html
ياريت في الحرفيين بس حد غير محمد الهناك لان مشواره وحش. انا عايز حد عفشجي كويس وميكانيكي شاطر.

كمان عندي كام استفسار:
1- التكييف ضعييف شويه. رحت لحد بتاع تكييفات في صقر قريش قالي لازم هوا كويس كده... هو بيسقع بس مش جامد ولو الجو حر مبيعملش شغل كويس. اعمل ايه
أعمل الآتى أغسل السربنتينة بمياه وبعدين انفخها بالهواء
اخلع فلتر التكييف ونضفه أتأكد من شحن الفريون
2- عندي صوت طقطقه في الدريكسيون لما الفه حتي والعربيه وقفه خالص ( ياعني مش كبالن انا كشفت عليها) فمش عارف ده حاجه في العلبه ولا ايه. ولو في العلبه لازم تتغير ولا ليها طقم اصلاح وكده.
أنا مش هقدر أفيدك بالظبط بس هقولك على وجهة نظرى مبدئيا لو عربيتك فيها إيرباج ممكن يكون شريط الإيرباج مقطوع بيعمل طقطقة أو خربشة خفيفة فى الدركسيون وإنت بتلف لكن لو حاسس بطقطقة جايه من الحديد نفسه يبقى استبعد الكلام دا

سمعت برضه إن بطاحة المساعد لو انت جيت تلف يمين أو شمال وحسيت بخبطة بتبقى ممكن بطاحة المساعد وشيك برضه على الجلب وبيض المقصات

بالنسبة لعلبة الدريكسيون سمعت برضه إن من أعراض تلفها إنك تحس بتخبيط فى المطبات فى الدريكسيون وبيتهز والله أعلى وأعلم
3- عداد الزيت الل في التابلوه مبقاش شغال ( ده مع الكيلو متر) ... ده ممكن يكون من ايه.

اسف للاطاله ومستني اراكم بفارغ الصبر

بالنسبة لنوع الفريون أنا بسأل نفس سؤالك وعايز أعرف برضه ايه أفضل نوع فريون بيستخدمه التوكيل وزيت فريون كمان