GPS Tracker

-------------------------



بداية و قبل ما ابتدي في الموضوع .. سيتم الالتزام بقوانين المنتدي و خصوصا ً المادة رقم 11 من قوانين المنتدي

$$$$$$$$$$$$$$$$$$$$$$$$


من فترة و انا قررت اني اطلع عربيتي من الجراج "جراج عمومي" اللي مأجر فيه لأن كل كام شهر الاقي صاحب الجراج بيقوم مزود في الايجار لغاية ما وصل لـ 200 جنيه في الشهر يعني 2400 جنيه في السنة غير كمان 2500 جنيه سنويا تامين علي العربية يعني حاسس اني بقسط العربية فقررت اطلع العربية من الجراج و اوفر الـ 2400 جنيه اللي اكيد كمان شهرين هيزيد الايجار تاني فقولت اشتري GPS Tracker و ده لاقيته الحل الامثل خصوصا اني دورت كتير لغاية ما لاقيت الجهاز اللي فيه الامكانيات اللي كنت عايزها و كمان افضل سعر ..


موديل الجهاز : MVT100 صيني حاجه محترمة جدا ً يشبه ماوس الكمبيوتر و نفس الحجم و مخبأ في العربية في مكان محدش يعرفه غيري







الجهاز مجربه لمدة شهر حتي الآن و بيوضع فيه شريحة موبايل موبينيل و بتدفع بس اشتراك شهري 10 جنيه و ده بيبقي تكلفة الموبايل انترنت عشان يكون الجهاز متصل بالانترنت اول بأول



الجهاز ثمنه 1700 جنيه و اخدت خصم خاص 1500 جنيه

بالنسبة العنوان و تليفون صاحب الشركة غير متوفر طبقا لقوانين المنتدي مادة 11 حتي لو رسالة علي الخاص لكن برده عشان الناس تبقي عارفه مكان التركيب عامة هو بمحافظة الغربية "طنطا"



مميزات الجهاز :
الجهاز فيه كمية مميزات مهولة .

1- العربية بتتصل بيا علي الموبايل اول ما باب العربية يتفتح
2- لو العربية اتسرقت فعلا ممكن تبطل الموتور عن طريق الموبايل برسالة او عن طريق الويب سايت المجاني مدي الحياه
3- مفيش اي انتينات او اريال خارج عن الجهاز و قوة استقباله رائعة لشبكة الموبايل و الاقمار الصناعية كمان
4- متابعة لحركة سير العربية لايف .. يعني لو اي حد واخد العربية منك ممكن تعرف هو راح فين بالظبط من ساعة اخذ العربية
5- في زرار استغاثة بيكون مخفي في العربية بس قريب من ايدك عن طريقه بيتصل بـ 3 ارقام مسجلهم لو انت حصل ليك سطو علي العربية و انت فيها طبعا
6- الجهاز مزود ببطارية طبعا شغالة اول بأول عشان لو السارق فصل بطارية العربية فيفضل الجهاز شغال بدون مشاكل
7- طبعا بيبقي ليك username و password علي الويب سايت المجاني عشان تتابع حركة سير العربية و تطمن عليها اول بأول
8- طبعا في بقي امكانيات تانيه كتير بعتبرها خاصة بالشركات زي مثلا انذار تعدي السرعة القصوي و كمان اكتشاف استهلاك الوقود و غيره بس طبعا مجربتش الامكانيات ديه عشان مالهاش استخدام معايا


طبعا الحاجه الرخمة لكن لذيذة للي اتلسع قبل كده من سرقة عربيتة و هي انك كل ما تفتح باب العربية تلاقي الجهاز يتصل بيك علي الموبايل لكن انا عملت فكرة جامدة و هي اني نزلت علي الموبايل برنامج BlackList بحيث طول ما انا بستخدم العربية فبخلي رقم الـ GPS في القائمة السوداء و لما خلاص بركنها و مش هستخدمها بقوم قافل القائمة السوداء بحيث استقبل المكالمات من الجهاز مباشرة.


انا فكرت في حاجه كويسة احنا ممكن لو جمعنا مثلا عدد 20 افراد او اكثر عايزيين يركبوا يبقي ممكن نخلي صاحب الشركة يعلن بالمنتدي و يبتدي يركب للناس اللي محتاجه الجهاز


أرجوا يكون التقرير عجبكوا

@@@@@@@@@@@@@@@@@@@