زرار الزجاج الأمامى للساجا

**manchie** · 15-08-2012 10:43 AM

كل سنة أونتم طيبين
انا كنت فى التوكيل من اسبوع كده وكان الزراير بتاعت الزجاج الامامى كلها باظت فاجأة مش عارف ليه المهم المفروض انها تتغير بس مش موجود منها ستوك دلوقتى وهما حجزوها ليا وانا المطلوب منى انى استحمل العربية لغايه ميحنو عليا بيها
المهم لو فيه حد واجهته المشكلة ديه ياريت يقولى ايه النظام عمل ايه معاهم ولو مستنيها ياريت يخلينى معاه على الخط علشان اروح اركبها
وشكرا

**akmm** · 15-08-2012 12:06 PM

الملاحظ ان كل التوكيلات مافيهاش ستوك قطع غيار ياترى ليه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟

**mememsaid** · 16-08-2012 04:52 AM

اسال عليها دلوقتي

**yaseenmohamed** · 17-08-2012 12:55 AM

لو حضرتك مستعجل أو الموضوع عامل لك مشاكل جيبهم من بره وركبهم في التوكيل
انا كنت بسأل علي حاجه كده في محل مكه وعرفت منهم ان في بضاعه جديده وصلتهم وفيها حاجات كتير ممكن تسأل هناك

**hesham_tawfiq** · 21-08-2012 03:15 PM

واجهتنى نفس مشكلة حضرتك وللاسف ماوفروش قطعة الغيار الا بعد 5 اسابيع وبعد ما اتخانقت معاهم

**M_SALLAM** · 21-08-2012 03:58 PM

يا عم هو توكيـــــــــــــــــــل عز العرب كد و انا مش عارف الناس بتتعامل مع التوكيل الزبالة دة ليه و على فكرة متزعلش لأن فى ناس كتير قابلك قعدوا 3 شهور علشان المساعدين الأمامية و فى واحد موتور عربيته فوت و عملوله عمرا و بعدها فوت تانى و مرضوش يغيروله العربية مع ان قانونا المفروض العربية كلها تتغير بعربية تانية خالص او يردوله مبلغ العربية كامل و بعد خناق و مشاجرات بين التوكيل و الأعضاء لفترة طويلة جدا جدا غيروله الموتور يعنى عربية عاملة 9000 كيلو و تغير موتور من اولها كدة يعنى حرام ولا حلال !!!!
دة حتى التوكيل مفيهوش برانتر يا عم ان مش عارف توكيل ايه دة اللى مفيهوش برانتر ههههههههههههههههه ...

**eng.m7md.ali** · 22-08-2012 05:50 AM

موضوع تأخر قطع الغيار ده مش بس في عز العرب ده في كل التوكيلات
الموضوع ده ظهر من بعد الثورة عشان يقدرو يحصرو موضوع تهريب الفلوس برة البلد اللي كان بيحصل
بس ده بردو مش مبرر لكدة

**hesham_tawfiq** · 22-08-2012 12:05 PM

اسمحلى اختلف مع حضرتك .... طالما التوكيل عنده سبب مقنع لتحويل عمله صعبه بره مصر وهو استيراد قطع غيار وبفواتير رسميه يبئى محدش يقدر يرفض - بما فيهم البنك المركزى -
تانى حاجه نفس الموقف دا حصلى برضه مع عز العرب بس فى تغيير البطاريه بعد ما استلمت العربيه باسبوع وعلشان اغير البطاريه استنيت عشر ايام لحد ما التوكيل يشتريلى البطاريه واظن البطاريه دى مش هيستوردها
واضح ان سياسة عز العرب فى قطع الغيار انو يعمل اوردر شراء كل فتره بدل ما يحتفظ بمخزون

**manchie** · 22-08-2012 01:18 PM

المشاركة الأصلية كتبت بواسطة yaseenmohamed

لو حضرتك مستعجل أو الموضوع عامل لك مشاكل جيبهم من بره وركبهم في التوكيل
انا كنت بسأل علي حاجه كده في محل مكه وعرفت منهم ان في بضاعه جديده وصلتهم وفيها حاجات كتير ممكن تسأل هناك

والله انا ممكن أعملكده بس كده هبقى دفعت فلوس والمفروض انها تتغير على حساب التوكيل

**eymofouad** · 22-08-2012 02:11 PM

على فكرة مفتاح الزجاج عمل كده معايا وده بسبب غسيل المياه هما شوية نظافة للمفاتيح عند أي كهربائي وهيشتغلو زى الفل

الموضوع: زرار الزجاج الأمامى للساجا

LinkBack

أدوات الموضوع

عرض

-

-

-

-

المواضيع المتشابهه

شرخ فى الزجاج الأمامى

الزجاج الأمامى

الزجاج الأمامى

الزجاج الأمامى

الكلمات الدلالية لهذا الموضوع

المفضلات

المفضلات

ضوابط المشاركة