ارجوكم قبل اجازة الصنايعية

**mah_almasry** · 15-08-2012 02:02 PM

عندي لانسر 90 عيون صفية فيها فرامل اليد مشوارها طويل اوووي وتسمع اكتر من 10 تكات ومش بتكلبش العربية في المطالع . المهم الميكانيكي بيقولى هفكلك التيل الخلفي وابعتك لحد تملاه او تحشيه وتيجي وكمان هخررطله الطنبورة عند حد .. الكلام ده صح ؟ ارجوكم ردوا عليا .. وكمان بيقول ان التكلفة حوالي 180جنيه .. هل اخليه يشتغل ولا كده بيشتغلني ؟

**houras1010** · 16-08-2012 12:30 AM

دى علامه ان التيل عندك رفع جامد
الصح تغير تيل ورا وقدام وتشد سلك فرامل اليد وتمسح الطنابير
واعتقد تيل اصلى اقوى واحسن بس اغلى
مصنعيه ايده كل واحد وليه سعر

**tareksakr** · 16-08-2012 01:03 AM

سيدي الفاضل الميكانيكي ده حرامي ما تروحلوش تاني تكلفة مليء التيل وخرط الطنابير لن تتعدي 70 جنيه ومصنعية 30 جنيه فك وتركيب التيل الموضوع ده لن يتعدي 100 جنيه انا لسه عامل التيل الخلفي في عربيتي وخارط الطنابير وكلفتني 60 جنيه غير مصنعية الميكانيكي

**a_arazik** · 16-08-2012 10:26 AM

استغفر الله العظيم السرقة عيني عينك .... الراجل دة حرامي علني

**aboomar22** · 16-08-2012 11:29 PM

ممكن ترجلش على التيل شوية من مسمار الرجلاش ولو التيل لسه شغال ولو عايز يتغير هات جديد احسن وسيبك من الملىء بيبقى انت وحظك

**mah_almasry** · 18-08-2012 03:12 AM

شكرا لتعاونكم .. وان شاء الله هخلي القصة دي بعد العيد . لان رحت لميكانيكي تاني قالي مفيش مشكلة من السفر بيها علي حالها ده لانها فرامل اليد بتستخدم لما نوقف العربية بس .. انا شاكر ليكم وكل عام وانت بخير . وادعولي ربنا يسترها انا هسافر بيها اسكندرية باسرتي والله خير حافظ