ارجو المساعدة من اهل الخبرة لو سمحتم

**ahmedbashagala** · 15-08-2012 02:43 PM

معروض عليا انى اشترى سيارة من اتنين
لادا او سيتروين

اللادا مو 1984 فيها شغل فى الماكينة صاحبها بيقول انها بتاكل زيت وعاوزا طقم شنابر وتقريبا هيه 2105 وصاحبها طالب 14 الف
والعربية التانية
سيتروين ax موديل 1994 كمالياتها شغاله تكييف سنتر زجاج كهرباء بس فيها شغل فى الجنبين متجرحين وصاحبها طالب فيها 11 الف
ارجوكو ساعدونى مع العلم بموضوع مهم اوى انى ماليش فى العربيات خالص يعنى لو العربية وقفت منى هاستنى حد يشوفهالى ودى اول مره اشترى عربية
وشكرا اوى ليكوا يا جماعة

**hassanin_lada** · 15-08-2012 03:07 PM

بص انت بتقول انك مالكش في العربيات يعني لو اخد الادا معلش في اللفظ الميكانيكي ممكن يستغلك وانت مش هتستحمل وقفت الصنيعيه وهتتربي عقده بالنسبالك من ناحية العربيات .. والستروين دي انا ماعرفش ايه دنيتها بس انا عمري مافكرت فيها .. بلاش منهم واصبر ..وحدد انت عاوز في حدود كام واحنا نساعدك ايه افضل حاجه

**ahmedbashagala** · 15-08-2012 03:47 PM

المشاركة الأصلية كتبت بواسطة bkaltalamana

بص انت بتقول انك مالكش في العربيات يعني لو اخد الادا معلش في اللفظ الميكانيكي ممكن يستغلك وانت مش هتستحمل وقفت الصنيعيه وهتتربي عقده بالنسبالك من ناحية العربيات .. والستروين دي انا ماعرفش ايه دنيتها بس انا عمري مافكرت فيها .. بلاش منهم واصبر ..وحدد انت عاوز في حدود كام واحنا نساعدك ايه افضل حاجه

شكرا اوى على ردك السريع
انا عاوز اجيب عربية فى حدود 15 الف عشان دى اول عربية اتعلم عليها يعنى بس برضه انا مش غاوى 128 اوى او 127 يعنى ماعنديش عقدة من اى عربية

**besokate** · 15-08-2012 05:01 PM

خد الستروين افضل طبعا اذا كانت شغاله كويس ومش مهم موضوع السمكرة سهل تتعمل مش قصه
لان كده اللاداهتحتاج مصاريف جامدة

**hassanin_lada** · 16-08-2012 04:14 AM

دي 128 دي نعمه وربنا .. اتوكل علي الستروين لو مافهاش غير السمكره

**tom_gr** · 18-08-2012 11:17 PM

صديقى العزيز
هاجبلك من الاخر لانى كنت زى حيرتك فى اول عربية ليا

ابعد عن الحاجات الغريبة القديمة الستروين والرينو والبيجو والكلام ده
عربيات حكايه فعلا وممتازة انما خلاص راحت عليها هاتقرفك فى الصيانه وقطع الغيار ماديا ونفسيا لما تلاقى صنايعى بيفهم فيها

بالنسبة للمبلغ المالى الى معاك ارشحلك الاتى
128 مش هاتندم عربية بتقضى الغرض ورخيصة وقطع غيار متوفرة واى حلاق بيفهم فيها كبيرها سعر 15 الف - عيوبها ضعيفة وماتتقلش عليها فى لمشاوير والحمل

لادا اى موديل بعد سنة 84 الى سنة 90 2105 او 2107 عربية بمعنى كلمة عربية سفر وعائلية ونص نقل ورخيصة وقطع غيار وصنايعيه بالهبل حالة فوق متوسطة بسعر من 14 الى 19 حسب الموديل وسنة الصنع - عيوبها انها غير مريحه ومافيهاش اى رفاهية واول شهر كل ماتنزل منها هاتحس اكنك كنت بتلعب مصارعة بس هاتتعود لاتقلق

كمل شويه باى طريقة لو ممكن وهات الاتى ومش هاتندم
مازدا 323 - موديل 82 بسعر من 19 الى 22 حسب الحالة اكيد - مميزاتها كتير وكلها مميازات من سرعة وراحه وشكل وقطع غيار وصنايعية وسفر وعائلية وشبابية وكله - عيوبها انها رقيقة وناعمة ومش بتاعت شوارع المصريين لو حافظت عليها هاتريحك

نصيحتى ما تبعدش عن الاختيارات دى

**MEKAWY2000** · 19-08-2012 10:54 AM

متابع

**besokate** · 20-08-2012 04:22 AM

شوف لادا حالتها احسن شويه

**Zing0** · 20-08-2012 12:43 PM

بص يا ريس
اللادا بحالتها دى شيلها من دماغك لتجنب قرف الصنايعيه
الستروين ممتازه بس خلى بالك من : - قطع غيارها نادرة أو بالأصح هتحتاج تلف عليها شويه, - الصنايعى اللى بيفهم فيها, - إعادة البيع تقيل شويه.

نصيحه : أدام حضرتك زى حالاتنا ( من أصحاب الدخل المتوسط و ربنا يسترنا) خليك فى اللادا بس المهم حالتها: موتورها تمااااااااااااام, و دواخلها تماااااااااااام. عفشتها و آالات الجر تمااااااااااااام. تبقى ريحت دماغك.