ربنا يبارك فحضرتك
وان شاء الله ناوي علي 2011 مانيوال ولون بسمع اسعار غربية جدا
تحياتي لحضرتك ..
عرض للطباعة
ربنا يبارك فحضرتك
وان شاء الله ناوي علي 2011 مانيوال ولون بسمع اسعار غربية جدا
تحياتي لحضرتك ..
فعلا هيا أسعارها غالية شويتين يعني انا كنت جايب موديل 2007 أوتوماتيك - فتحة سقف و جنوط ب حوالي 70,000 جنيه من سنة
طبعا العربية مطلوبة و كمان قفزة الاسعار اللي حصلت للسيارات الجديدة كلها زودت معاها أسعار المستعمل
يعني مثلا الكورولا 1600 موديل 2007 بأسمع عنها برضه أرقام غريبة و انها بتعدي ال 100,000 جنيه مع انها و هي زيرو ماكانتش بالسعر ده أبدا
بجد أسعر العربيات دلوقتي حاجة جناااااااااااااااااان :untitled:
لا الكورولا دلوقتي 125 الف مش 100 الف ال 2007 1600
اتمني محسش بفرق كبيرة ما بين الكورولا والجيتز لما اركب دي واركب دي
بعيدا عن الماتور
وربنا يوفق للخير واشوف واحدة 2011 ماشية قليل ..
لو أنت بتقارن بين الجيتز و الكورولا تبقي غلطاااااااااااااان
العربيتين مختلفتين تماما كفئة و كل حاجة
يعني معلش أنت كده بتنزل في رأيي الشخصي من كورلا الي جيتز اللي هيا عربية أصغر و هاتشباك مش سيدان
لو بتفكر في هيونداي و مستعمل فكر في حاجة أكبر من الجيتز (أكسنت mc ) مثلا و لو أني شايف أنها مش هاتفرق كتير عن الكورولا كحجم و مساحة داخلية و أرتفاع عربية
أو فكر في الالنترا hd مثلا أو كيا سيراتو
انا مش بقارن بينهم وشايف ان الكورولا افضل
ومش بفكر فموضوع المساحة وسيدان وهتشباك
انا اقصد حضرتك فالفرق كثبات يكون قريب كفرامل وكتكيف يكونوا قريبن من بعض
والماتور مش هيرفق الاثنين كويسين وتكون بتستحمل
وحضرتك كان معاك ياريس وحاليا جربت الجيتز يعني اكيد حضرتك عارف كويس الفرق بين الاثنين كويس
ده الي اقصده واتمني مكنش مخطئ فأعتقادي ..
انا ما جربتش الكورولا و لكن أعرف أنها أفضل من الياريس في الثبات لكن ممكن أقارن لك بين الياريس و الجيتز من النواحي التالية و من غير تفاصيل كتير :
- الثبات : الجيتز افضل بحاجة بسيطة خاصة مع وجود هواء علي الطريق
- الفرامل : الياريس أفضل
- التكييف : الاثنين تقريبا واحد
- الموتور : الجيتز أفضل طبعا كسحب و تسارع
- أستهلاك البنزين : الياريس أفضل
تقيم رائع معدا الفرامل ده الشئ المقلق شوية
لكن اتمني الفرق ميكنش كبير انا عندي الكورولا بدون abs قد يكون الياريس كان فيها
لكن مع ذلك فرامل الكورولا جيدة وبتقدر توقف العربية بشكل فعال مع السرعات المعقولة لفوق المتوسطة
بالاضافة اني اعتقد خامات الكورولا افضل من الجيتز ولكن فالنهاية دي فئة ودي فئة
تقيم حضرتك مطمئن مع الشعور بقلق لوجود فرق بين الفرامل كأداء خصوصا ان الجيتز غير مجهزة بأي من وسائل الامان ..
فعلا الياريس كان فيها abs بس لم أضطر لستخدامه سوي 3 مرات فقط بالرغم من أني كنت باجري بالعربية دي أكثر من الالنترا و الجيتز بمراحل
فرامل الجيتز اقل من الياريس بس مش الفرق الكبير اللي يخوف يعني
يعني مش ضعيفة زي الفيرنا او اللانوس و لا قوية زي الكورولا او الالنترا md مثلا
جزاك الله خيرا علي الافادة
ان شاء الله مدام الفرامل كأداء معقولة هدور علي جيتز 2011 مثلا
وأول ما اشوفها ان شاء الله هقول لحضرتك علشان مكان الكشف واطمن واخد راي حضرتك
تحياتي لحضرتك ..