كاسيت blaupunkt cd

**momo20703** · 28-06-2008 05:26 AM

كاسيت blaupunkt بيعمل ريستارت لوحده ويرجع يشتغل بصوت واطى لما اعلى الصوت اكتر من 35 ياترى ليه ؟؟؟ وكمان لما اطلع ال cd يكتبلى cd error وبيطلع بالعافية ايه السبب ؟؟ واصلحه عند مين ؟؟؟؟

**محمد فريد** · 02-07-2008 11:16 PM

للأسف الانواع الرخيصة دى بتكون منظر بس اول متشتريها بس للأسف بتبوظ بسرعة وسعر اعادة البيع بتاعها بيكون فى الأرض
بالظبط زى الموبايلات كله بيشترى نوكيا وقليل قوى اللى بيجيب سونى او الكاتل او سيمنز وكده يعنى

**iBiZa** · 03-07-2008 02:36 PM

المشاركة الأصلية كتبت بواسطة momo20703

كاسيت blaupunkt بيعمل ريستارت لوحده ويرجع يشتغل بصوت واطى لما اعلى الصوت اكتر من 35 ياترى ليه ؟؟؟ وكمان لما اطلع ال cd يكتبلى cd error وبيطلع بالعافية ايه السبب ؟؟ واصلحه عند مين ؟؟؟؟

ممكن تروح لمجدى كلاريون فى ميدان الحجاز فى مصر الجديدة هو موزع و بيصلح و لو فية حاجة كبيرة يبعتة التوكيل.

لو انت معاك الضمان ممكن تروح التوكيل علاطول هتلاقى عنوانة على الضمان و هو على ما اذكر كان فى حتة قريبة من شارع قصر النيل.

المشاركة الأصلية كتبت بواسطة mody_2002_mody

للأسف الانواع الرخيصة دى بتكون منظر بس اول متشتريها بس للأسف بتبوظ بسرعة وسعر اعادة البيع بتاعها بيكون فى الأرض

مع احترامى لرأيك طبعا, Blaupunkt مش من الانواع الرخيصة دة من اغلى الانواع و اكترها نقاء و فية Options مكانتش بتنزل فى اغلب الانواع لحد وقت قريب. مش معنى انك مسمعتش عنة انة رخيص. دة بينزل Original فى الVW و الAudi.

و دة الSite بتاعهم تقدر تخش علية عشان تعرف تاريخهم.
www.blaupunkt.com

*** يا ريت كل واحد مش عارف حاجة يدور كويس قبل ما يتكلم عشان فية ناس بتاخد الكلام دة انة حقيقة و امر مسلم بية و هو غلط ***

**momo20703** · 04-07-2008 07:12 AM

اشكرك بشدة يا ابيزا وربنا يباركلك فى عربيتك الجميلة انا عارف مجدى كلاريون وهروحلوه يظبط المووضع دة .. الف شكر على ردك يا باشا

**ramyso4** · 04-07-2008 01:36 PM

blaupunkt مش تعبان خالص د بينزل ف عربيات جامدة كتير ذي الاتقالت وكمان ألفا روميو ونا عندي واحد ستوك الناس بتفتكر ساعات اني جايب سيستم كامل مع إن الكاست الشرايط وسماعات العربية الستوك

**pointer** · 04-07-2008 02:08 PM

لا مش ماركه تعبانه ده مع اللي علي القمه يمكن سياتك افتكرته نوع تاني
المشكله عندك في ان الكاسيت واصل له كهرباء قليله ممكن مكان ما الاسلاك متوصله تلاقيه فك او انقطع من الحركه بتاعه العربيه او نوع السلك او مشكله في علبه الفيوزات
النصيحه شوف الكاسيت من ورا هتلاقي سلك احمر كبير و اخر اسود شيك علي الوصلات بتاعتهم بعدها تثبيت الفيوز كويس لو في فيوز من ورا
لو الحاجه دي جديده يعني كان شغال كويس وعمل كده يبقي سيبك من حكايه نوعيه السلك وشوف الفيوز وتوصيله الكاسيت هتلاقي عيب فيها
اذا عملت كده ونفس المشكله يبقي العيب في لحام السلك الاحمر في الجهاز وده عاوز عده مخصوص فوديه التوكيل احسن
وشكرا

**محمد فريد** · 05-07-2008 01:57 AM

والله انا عارف انه ماركة محترمة بس للأسف الانواع اللى موجودة هنا مش أصلية ومضروبة او مقلدة بس
وأنا أسف انا بوضح رأيى بس مكنتش اقصد انى أقلل من شأن الكاسيت بتاعك

**محمد فريد** · 05-07-2008 02:03 AM

المشاركة الأصلية كتبت بواسطة iBiZa

*** يا ريت كل واحد مش عارف حاجة يدور كويس قبل ما يتكلم عشان فية ناس بتاخد الكلام دة انة حقيقة و امر مسلم بية و هو غلط ***

يا جماعة مينفعش كده هو الناس بقى خلقها ضيق ليه؟
طلعتنى مش عارف حاجة
يا سيدى والله انا عارف ان البلوبانكت ده ماركة محترمة بس الانواع اللى بتتباع هنا دى مضروبة ومقلدة 100 %
ياريت متزعلش منى وخلى كلامك احسن من كده المرة الجاية