الموضوع: حبه فضفضه عن التيدا الهاتشباك

بجد تقرير و فضفضة شيقة :)

المشاركة الأصلية كتبت بواسطة peaceman

بجد تقرير و فضفضة شيقة :)

شكرا بيشوى باشا ده من ذوقك

بالنسبه لموضوع العفشه انا بنسبه كبيره اقدر احكم عليها بعد ما عديت 1150 كم تقريبا و منهم سفريه من السويس الى الزقازيق ثم منيه النصر مركز بعد المنصوره سفريه محترمه كانت اول يوم العيد و لسه راجع الحمد لله
نرجع لموضوع العفشه هى العفشه متوسطه للامانه لا ناعمه اوى و لا ناشفه برخامه يعنى مقارنه مثلا بالكورولا 2006 مع والدى لا التويوتا انعم بصراحه لكن التيدا انعم من الياريس
بس على الرغم من المشوار المتعب ده و اللى يعرف الطريق ده و مشى عليه يعرف كميه المطبات اللى ممكن تخش موسوعه جينيس فى كتر المطبات نزلت من العربيه مفيش اى مشاكل و مش مرهق و لا جسمى مكسر فى المجمل العفشه مرضيه جدا مش بالنعومه التمام و لا ناشفه هى متوسطه بس الاهم انها مش متعبه للجسم بعد مشوار و مطبات كتير
نيجى بقا للنقط التانيه زى التكييف ما شاء الله تمام
و العزل بتاع العربيه جميل حتى الروائح او اى حرق لمخلفات على الطريق الزراعى مش بيدخل العربيه خالص
فى النهايه العربيه فعلا ممتازه و اثبتت كفاءه على الطريق الزراعى اللى كله مطبات غير ادميه مفيش و لا مطب حكيت فيه الحمد لله مع ثبات ممتاز طبعا ما عديتش 120 كم / ساعه لان الطريق مش مستحمل دى وصلات معينه هى اللى ممكن يتجرى فيها لكن معظم الطريق بين 60 و 80 مش اكتر كل ده مع عزل جيد جدا من غير اصوات او روائح دخان داخل السياره و استهلاك البنزين بنسبه كبيره بين 11.5 و 12 كم لكل لتر لسه هفول و هحسبها بالظبط
الحمد لله مع الوقت بتأكد ان ربنا هدانى للاختيار المظبوط و المناسب ليا

المشاركة الأصلية كتبت بواسطة ehab78

على فكرة نفس انطباعي بالضبط00العفشة قوية وتتحمل الخدمة الشاقة لكن مش بتحس بالتعب او تكسير العظم زي عربيات تانية لان الموضوع متعوض بالراحة الداخلية للعربية

فعلا يا دكتور حضرتك جبت من الأخر

المشاركة الأصلية كتبت بواسطة ehab78

بالمناسبة ياباشمهندس00000ايه رأي حضرتك في الفرامل ومسافة التوقف عند الضغط المتوسط على الدواسة؟؟؟؟
وبرضه رأيك ايه في حالة الضغط المفاجيء؟؟

مش عارف يا دكتور مش قادر احدد اوى بس كان فى موقف كده حصل كنت ماشى بسرعه 80 تقريبا و شفت مطب فجأه و دست فنأمل جامد و العربيه هديت بشكل ممتاز الحمد لله و ما لبستش المطب كان على الطريق بتاع الزقازيق المنصوره
ده الموقف الوحيد اللى اضطرت انى ادوس فرامل جامد الى الان و حسيت ان الفرامل زى الفل الحمد لله
و هى على فكره أحسن كتير من الكورولا 2006 و الياريس و الكولت فى مسافه التوقف و ده لانى بركب العربيات ذر على طول لأنها مع والدى و أخويا و الكولت كانت معايا قبل التيدا