دا اللي قصدي عليه يا ميني التوب سبيد ولعلمك التوب سبيد بتبقي حسره كبيره بتبقي جايب اخر عربيتك ومش عارف تعمل ايه تاني تنزل رجلك بقي وتساعد العربيه
دا اللي قصدي عليه يا ميني التوب سبيد ولعلمك التوب سبيد بتبقي حسره كبيره بتبقي جايب اخر عربيتك ومش عارف تعمل ايه تاني تنزل رجلك بقي وتساعد العربيه
طول عمرى أقول اللى ما ركبش أوروبى مش هايعرف يعنى إيه عربية بمعنى الكلمة ويا ريت نخلص من المناقشات اللى مالهاش لازمة
ايوة يا باشا متاكد طبعا... خامتها بلاستيك ذى الزفت - و مفهاش اى اوبشن - الدركسيون مفهوش ولا زرار واحد و اقرع ذى الفيرنا - ماتور 2000 سى سى صوتة عالى جدا و بينعر - سحب فى الضياع رغم اتها 2000 سى سى و الالنترا 1600 تعلم عليها علشان الناس اللى بتشكك فى احصنة الالنترا - باور تقيل و الله اتقل من باور الفيرنا لدرجة انى سالت هى دى باور ولا انا بيتهيالى!!!!
و دى كانت جيتا 2012 اول فئة قطرى مكنش فيها جنوط و لا مثبت سرعة ولا كاسيت مالتى فانكشن ولا سنسور ولا بلوتوث ولا فتحة سقف ولا كراسى جلد ولا زينون ولا نكييف تاتش ولا بصمة ولا زرار ستارت ستوب ولا كاسيت تاتش ولا ..... و لا .... هاهاها من الاخر عربية اوبشن سيئة اداء سيىء و خامتها رديئة
معرفش بقى المصرى نظامها ايه... و انا قولت قبل كدة انها قطرى و المصرى اكيد حتكون افضل منها.
تانى!!! ايوة يا مينى كوبر ... و الله العظيم خامات رديئة.... يمكن لما احلف تصدقنى!!! تانى انا بتكلم على اول فئة خليجى (قطرى)
هاهاها رد جامد جدا...
النتيجة دلوقتي بقت 31 من أصل 39 راضيين عن العربية و8 غير راضيين عن العربية .
الموضوع ده كله شيق جدا :)
طيب تسمحولي أجي أفض النزاع بالشد مع عربياتكم بعربيتي مرسيدس s320 :Bravo:
طب تسمحولي انا بقي ياأصحاب السيارات الاوروبيه والالمانيه وحتي اليابانيه إني أسألكم سؤال؟؟؟
" لو هيونداي عملت عفشة عشره علي عشره ناعمه وثابته وعزلها تمام التمام ونزلت شوية اوبشنز زياده علي اللي موجود وسعرها عدي المتين الف جنيه,هل هاتشتروها ولا هاتقولو دي شركة بتستهبل ازاي بترفع سعرها زي الياباني والأوروبي والألماني وهي أصلا شركة زباله وعربياتها تعبانه؟"
طبعا الرد معروف مقدما, لكن حبيت انهي الجدل ده بإن هيونداي عامله عربيه امكانياتها كويسه جدا وثباتها معقول لدرجه كبيره ومرضيه وعفشتها كويسه لدرجه كبيره جدا والاوبشنز اللي فيها جيده جدا مقارنة بسعرها وسعر منافسيها.
وشكرا لكم جميعا
سؤال ياشباب فى عربيات النترا الجديدة ساعات بشوفها الفرامل الخلفيه سكاكين و سعات بشوفها طبالى !! فهل السكاكين دى خليجى بس ولا فيه فئة فى التوكيل بتنزل سكاكين والى اكيد ادائها فى الفرامل احسن كتير ؟؟
على حسب الفئة بتنزل والى بتنزل ديسكات خلفية بتبقى ال fully loaded توكيل مصرى
ليه ياباشا مافيش مجال للمقارنه بين عربيه ألماني وأي عربيه تانيه؟؟؟؟؟؟!!!!
مايكونش الألماني ده مكوك فضائي لا يمكن صناعته الا بواسطة شخص واحد في الكون كله؟
إنتا ماسمعتش عن السياره الفاخره من هيونداي اللي اسمها سينتينال.طب بلاش دي سمعت عن هيونداي أزيرا؟؟؟
طب بلاش ماسمعتش عن السياره الفاخره كيا k9 الجديده اللي نازله علشان تنافس مرسيدس وبي إم.
كل سياره في الدنيا ولها منافسيها .ولكن تبقي هناك واحده منهم فقط تأخد المركز الأول والباقي يتنافس علي المراكز التاليه.
والألماني طبعا هو رقم واحد بدون شك ولكن بفارق ألاف الجنيهات
ومرة أخري بقول كلنا عارفين ايه هي السيارات الالماني.
لكن انتا مسحت كل السيارات المنافسه اللي نازله قدامها
لو العربيات الياباني _بلاش الكوري علشان الناس بتزعل_ عملت الأوبشنز اللي في العربيات الالماني وخلت عربياتها زيها زي الألماني سعرها هايعدي رقم ابن جزمه.
فكل سياره ولها سعر علي حسب فئتها وألاوبشنز اللي فيها.لكن تبقي العربيات الألماني علي القمه
وعلي فكره انا مش بسخر منك ولا من العربيات الألماني لأني شغال في الكويت وكنت عايز أشتري عربيه الماني أو حتي أوروبي لكن طبعا كلنا عارفين قصة الجمارك المحترمه.
الصراحة مش متخيل ان فية عربية بجمال وقوة
ال bmw 760li
ال s65 amg / s600
ال audi a8 w12
ال porcshe panamera turbo s
معلش يعنى الكيا داخلة تعمل اية وسط دول ( دة كدة زى مابيقولوا عش الدبابير ) بس دول مش دبابير دة بيت الاشباح , السيارات اللى ماتشوفهاش على الطريق من سرعتها وهيبتها ومن وسعها وفخاماتها وتجهيزاتها
bmw 550ix
mercedes e550
audi a6
cadillac cts
شوف ياباشا
حضرتك عارف اية سر عدم انتشار السوناتا فى مصر او اللى اصلا مافيش منها ملاكى غير واحدة او اتنين مع ان سعرها بيبدأ من 350 الف اللى 400 الف
وسعر اى BMW 5 SERIES , E CLASS بيبدأ من 625 الف جنية ومع ذلك منشترة انتشار السنين بمجرد نزولها
بلاش ال 3SERIES , C CLASS منشترة جدا جدا وسعرهم بيبدأ م ن365 الف جنية الى 425 الف جنية ومش فى وسع السوناتا بس معلش
اللى هيدفع فلوس زى دية يبقى يركب BMW , MERCEDES احسن 100 مرة من انة يركب هيونداى
بس خلاص
هو حضرتك متخيل ان الازيرا ولا ال GENESIS سواء كوبية او سيدان هيتباعوا اصلا فى مصر
معلش انا معايا مليون وربع اجيبلى فئة سابعة وش مش هوفر واجيبلى هيونداى جينيسيس ولا AZERA ب 750 الف جنية او 550 الف جنية عشان اجيب هيونداى
التوكيل يبيع النترا يبيع RB عشان عارف كويس اوى ان متحكم فى الفئة السعرية دية لكن بمجرد ان طلع للفئة السعرية فوق ال 300 الف جنية او ال 500 الف جنية يبقى ينسى الناس دية عارفة هية بتجيب اية وهتدفع فلوسها فين
لكن معلش الفئات اللى مابين 80 الف الى 150 الف مغلوبين على امرهم مافيش حاجة قدامهم غير هيونداى
ماهي دي عقدة الخواجه قصدي الألماني والأوروبي اللي بحاول أوصلهالك
طبعا الأسعار دي خاصه بمصر لكن لما تيجي الكويت وتشوف الأسعار عامله ايه هاتعرف ان المرسيدس والبي أم دي بتشوفها كده كل ساعتين تلاته عربيه ولا اتنين.لكن السوناتا والكيا الجديده كلت الجو تماما وسعرهم ابتداء من 100 ألف الي 180 ألف جنيه وراكب عربيه مالحاش حل.
الكويتيين بيركبو المرسيدس والبي أم علشان مايبقاش في حد ماشي زيهم في الشارع
على فكرة يا سمسم , سعر السوناتا ده مش بسبب السوناتا نفسها , ده بسبب الجمارك
شوف سعر الاكورد مثلا عامل ازاي لو لقيتها اصلا , مش مقياس خالص
والكامري كذلك
البي ام الفئة التالتة بتبتدأ من 35 الف دولار والسوناتا بتبدا ب 20 الف
انت بتقارن ايه بايه ؟
هو حضرتك ماسمعتش عن ال
honda legend , lexus gx460 , toyota avalon
السيارات دية فيها اوبشن مماثل تماما للالمانى وبالرغم من كدة لا يمكن يقدروا يتحدوا الالمانى فى النقطة دية لان مهما هما كويسين ومتفوقن الالمانى لة احترامة ووقارة وخاماتة وقوتة ومحركاتة التى لاتقهر
الاكورد فيها منها كتييييييييير ملاكى هية والكامرى , لكن اكيد مش زى الالمانى لانهم مش هيقدروا علية فى كل الاحوال ياباشا دية bmw , mercedes
معلش هو حضرتك بتقارن ال bmw 3 series 2012 بالسوناتا ياراجل حراااااااام عليك هية اة السوناتا حلوة وكل حاجة مع انها اصلا مش فئتها بس لايمكن تتفوق على ال فئة الثالثة الجديدة معلش ياباشا دية هيونداى مهما طلعت او نزلت لكن تيجى جنب افضل سيارة فى العالم فى فئتها وسيارة ال m3 منها افضل handling وافضل محرك
معلش هيونداى واخدة جوائز اية ( افضل تصميم - افضل قمية مقابل السعر - افضل سيارة فى استهلاك البنزين ) دة اخرها لكن ماخدتش افضل خامات - افضل ثبات - افضل محركات - افضل انظمة امان ) ماشوفناش هيونداى دية اخترعت حاجة عدلة تنفع بيها العالم هية فالحة بس عمالة تقلد وتاخد ويوم ماتخترع تخترع عربية بثلاث ابواب انجاز الصراحة
( first CAR WITH 3 doors in the world ) ههههههههههه
انا مقارنتش السوناتا بالبي ام انت اللي قارنتها بيها وانا بقولك دي فئة ودي فئة والبي ام سعرها الحقيقي ضعف سعر السوناتا اصلا
السوناتا تقارن بالاكورد والكامري والالتيما مش البي ام
وعلى فكرة مفيش جايزة اسمها افضل خامات ولا افضل ثبات :)
ومش شرط انك تخترع حاجة عشان تبقى كويس , انت ممكن تستفيد من تجارب غيرك وتطورها وتشتغل عليها عادي على فكرة
لأ انا كنت برد على تعليق فوق بخصوص البى ام والمرسيدس
وسعر الbmw كدة عشان هية بتتقفل فى مصر هنا
لأ فية اختبارات best handling car بتتعمل وعموما هية بتدخل ضمن افضل السيارات اداء عموما دة مش موضوعنا
معلش هو مين اللى بيطورها هاتلى كدة حاجة اخترعها الالمان او اى شركة تانية وهية طورت النظام دة للاحسن وتم تطبيقة فعلا فى كل السيارات
انا مش قصدي طورت نظام معين , انا قصدي انها بتحاول تديك اعلى فيمة لاقل سعر
مثلا شوف الجينيسس كوبيه , 275 حصان ونفس سعر ال gti ال 200 حصان وال si ال 200 حصان
ممكن تكون ال gti بتهاندل احسن , بس الجينيسس بتديك قوة اكبر بنفس السعر , هو ده الفرق
والهاندلنج مش هو الثبات بالظبط , لان مش عربية ب 30 الف دولار هتتقلب بيك عشان غرزة مثلا
ربنا يرزقك بما تتمناه...في معلومة عايز أقولها لك..صديق لي في إيران كان لسه بيكلمني وفتحت معاه السيرة..الهيونداي سينتيننيال هناك إسمها هيونداي EQUUS وسعرها 185000 دولار أمريكي. المرسيدس الـ s350 panorama هناك سعرها 398000 دولار أمريكي :)
أظن الرسالة واضحة
وهو ده اللي كنت بتكلم عليه ياجماعه.
هيونداي بتعمل عربيات جيده بسعر جيد ولكن المشكله مش في التوكيلات لكن المشكله في الجمارك اللي بتخلي تمن العربيه يبقي أزيد من المعقول.يعني هيونداي النترا2012 الفئه التانيه هنا في الكويت تمنها حوالي 96 ألف جنيه ولكن تمنها في مصر 140 ألف جنيه بسبب الجمارك
- الجينيسيس كوبيه القديمة الـ210 حصان تسارعها من 0-100 فـ 6.9-7.0 ثوانى..
- الجينيسيس كوبيه الـ2013 الـ274 حصان تسارعها من 0-100 (هيونداى لم تعلن رقم)،
لكن Edmunds insideLine عملتلها Test وطلعت من 0-100 فـ 6.3 ثانية..؟!!
(ده بـ 1-ft رول-أوت، بالـTraction-Control ON عملت 7.7 ثانية..؟؟!!! :tongue32:
تعالى بقى للعربيتين اللى قارنتها بيهم:
- الجولف الـGTi موتور 210 حصان (ونسخة الـUS بتبقى 200 حصان اللى انت عاملهم under-rating):
الـClaimed بتاع فولكس انها من 0-100 فـ 6.9 ثانية،
قابل بقى:
MotorTrend جربتها بالـLaunch-Control وطبعا الفتيس DSG جابت من 0-100 فـ 5.8 ثانية..؟؟!!! :10D5C8w1107:
CarandDriver طلعتها بالفتيس المانيوال م 0-100 فـ 6.6 ثانية..؟؟؟!! ودى نسخة 5-door، (مش 3-door كوبيه ولا بفتيس DSG)..!!
لأن فيه Test مطلعاها فـ 6 ثوانى فقط.. نسخة الـ 35 Edition الجديدة جابت 5.5 ثانية (تييييييييت دى قربت عـ الجولف R)..!!! هههههههههههههه
- الهوندا السيفيك Si موتورها 204 حصان؛
وشششششششششششش كده:
Road&Track اختبرتها من 0-100 فـ 6.7 ثانية؛ (وده رقم قريب للـOfficial بتاع هوندا).
CarandDriver جربت الـ2012 بالـSummer Tires وحققت 6.3 ثانية..
MotorTrend فـ مقارنة مع المازدا3 سبيد والجيتا الـGLi.. طلعتها من 0-100 فـ 6.4 ثانية..؟!!
دلوقتى سؤال بقى..
فين الـ70-75 حصان الزيادة بتوع هيونداى-جيتيسيس فـ الأداااااااااء بتاع الموتور والتسارع؟؟!!!
انت مش بتقول بنفس السعر وتاخد قوة أكبر؟؟؟ فين الكلام ده؟؟!!!!!!
عملت أيه بالأحصنة الأكثر (ده لو موجودة أصلا، أنا تفسيرى إنها كورى طبعا).. :camera2:
نياهاهاهاهاها أهااااااااااااهاهاها ههههههههههههههههههههه
انت بتتكلم عـ الورق، On-Paper أو Online.. الإختبارات دى فـ الـReal-Life مش من عـ النت..؟!! :tongue32:
- أنا سوقت GTI (موديل 2010) فـ الإمارات، وده قبل الـTune والسوفتوير الجديد للفتيس والـLaunch كمان.
وبقولك هيونداى-وكيا وكوريا الجنوبية كلها لو وقفت على دماغها مش هتعرف تعمل بس الـLaunch Control بتاع الـGTi..؟؟؟!! :N_no[1]:
من الآخر.. ومراعاة لمشاعر الكوريين؛
أنا ماتكلمتش عن هاندلينج وثبات وفرامل و Slalom و Skid-Pad وشيت الفتيس ووو...etc
(اللى هى نقط ضعف الهيونداى)
أنا بس اتكلمت عن أداء وتسارع.. عشان نعرف الحصنة المضروبة دى راحت فين؟؟ :10_1_104v[1]:
تانى: فين الـ75 حصان الزيادة فـ الجينيسيس؟؟؟ راحوا فيـــــــــــــن؟؟!!! :36_1_34[1]: أهاااااااااااااهاهاها ههههههههههههههههههههه
- ياريت محدش يقول هيونداى بتعمل عربيات جيدة بسعر أقل، لا معلش.. كل حاجة ثمنها فيها، والعربيات السبور بالذات هيونداى مالهاش فيها..؟!!
أي حد بيقارن بين الألماني و كوري وياباني يشوف شوية الفيديوهات دي الأول عشان يعرف يقارن صح
bmw 5.0 liter 510 horse power
BMW M5 E60 0-200km/h in 14 sec. with 507 HP - YouTube
bmw 760li
2011 BMW 760li 0-155 mph - YouTube
mercedes s600
Mercedes S600 acceleration 0-260kmh - YouTube
mercedes c63
Mercedes Benz C63 AMG - 0-200 km/h in 13,7 Sec - acceleration - YouTube
golf gti ( without DSG
2010 Vw Golf GTI Acceleration - Launch Control - YouTube
ياباشا والله العظيم عارفين ان الالماني مالوش حل وماينفعش يتقارن بأي حاجه تانيه
وأنا لما قارنت بين الالماني وبين العربيات التانيه قارنت من ناحية السعر والمواصفات مقابل السعر المدفوع.
يعني الالماني فيه كل اللي انتا تتمناه بس سعره مايقدرش عليه فئة كبيره من الناس.
لكن الكوري وبعض الياباني سعره مناسب وموفي احتياجات الناس من عفشه جيده وثبات جيد -مش ممتاز زي الألماني- واستهلاك بنزين حلو وسعر جيد مقارنة بسعر الالماني.
متابع باهتمام
متابع للموضوع
ونرجو من الاعضاء كتابة انطباعهم عن السيارة
نتنننننننننن
ايه ياجماعه ده انا اول مره اشارك فى المنتدى والصراحه حسيت ان انتو بتلعبو مصارعه فى المنتدى ايه ياجماعه الى بيحصل ده اهو احنا العرب كده لاازم نتخانق فى كل حاجه الموضوع معمول عشان الناس الى اشترت الالنترا تقولنا انطباعها مش عشان نتخانق
ياريت الى معاه العربيه دى يفدنا اكتر وارجوكم سيبكم من الخناقات دى خلونا نستفاد بقى
كلمت زميلي في المدرسه من فتره- وسألته:"أخبار الأجازه معاك ايه؟" رد قالي :كله تمام بس النترا وحشتني جدا جدا وعايز أسافر علشان أركبها تاني.
لو وصلت ل180 الف وفيها المواصفات دية معاك انها هتبقى منافسة شرسة خصوصا ان اشكال الكورى زوقها كويس وبترضى ناس كتير ,
بس ساعتها بردة هيراودك فكرة " دية كورى " وادفع لية 180 الف جنية فى عربية النترا
وعموما ياباشا بردة معلش كلامكوا فية تحيز لحاجة , انكوا بتحسسونى ان هيونداى بس اللى بتتطور وباقى الشركات واقفة بتتفرج عليها , مع ان بقية الشركات لو وقفت ابتكارات الشركات الكورية مش هتاكل عيش عشان مش هيلاقوا حاجة غير الانظمة اللى موجودة
او بقى يشتروا ويدفعوا من الشركات الكبيرة وساعتها تمن الحاجة هيغلى جامد
وبالنسبة للفرامل ربنا يسترها معانا ومعاك , بس انت كنت جايب كام وانت بتاخد الغرزة والموتسيكل كان يبعد عنك قد اية
لكن معلش مع احترامى فرامل الالنترا والهيونداى الاجيال الجديدة دية " ادائها متوسط "
وخلى بالك مش بقارنها بفرامل ال SiR عشان بس ماتقولش اكيد هيبقى فية فرق
انا هقارن العربية بفرامل فئتها