السلام عليكم
لو معايا 165 الف وبقارن بين البرافو وال سي 4 والفوكس 2012ايهم افضل بشرط
1- عاليه عن الارض علشان المطبات
2- مع بنزين 92 مفيش مشاكل
3- الثبات
4- مليانه اوبشن
5- لو فيها فتحة سقف يكون احسن
6 قطع غيار متوفره
وشكرا
السلام عليكم
لو معايا 165 الف وبقارن بين البرافو وال سي 4 والفوكس 2012ايهم افضل بشرط
1- عاليه عن الارض علشان المطبات
2- مع بنزين 92 مفيش مشاكل
3- الثبات
4- مليانه اوبشن
5- لو فيها فتحة سقف يكون احسن
6 قطع غيار متوفره
وشكرا
مش هاقدر افيدك فنيا اوى فى المقارنه
بس مبدأيا التلاته لازم بنزين 95 لان البرافو تربو والاتنين التانيين نسبة انضغاط 11
ثانيا الفوكس هاتش باك ب 190 الف يعنى اغلى من الميزانيه بتاعتك ب 25 الف
ممكن تفكر برضه فى الاسترا ب 170 الف
الفوكاس هاتشباك ب 185
وبتمشي بنزين 92 بس القوة بتقل شوية
رايي الفوكاس
فوكس \
والله اعلم ..
الفوكس هاتش بتلعب في الـ190 فبعيدة شوية..
الـc4 حلوة جداً و نفس حدود السعر اللي أنت عايزه و مليانة أوبشنز و أعتقد أنها عادي مع بنزين 92.. بس المشكلة هي لو جيت تفكر أنك تبيع + التوكيل سمعته في الأرض..
البرافو فيها برضه كل اللي أنت عايزه بس مش متأكد من موضوع البنزين ده و في أعضاء هنا كانوا بيدوروا عليها بس مكنتش متوفرة معرفش هل نزلت تاني ولا لسة.
في الأسترا برضه جامدة بس هتبقى أقل في كام أوبشن مش موجودين بس في المقابل ثبات و أمان و فخامة لا تقارن بأي عربية في فئتها, سعرها دلوقتي نزل وصل لـ170..
انا رايي البرافو افضل اختيار و افضل value for money بس للاسف مش موجوده حاليا !! بس ممكن بعد فتره مش طويله تكون موجوده ان شاء الله
و اعتقد مفيش مشاكل مع بنزين 92 بس بتفرق في الاداء بعد 170 تقريبا و هياثر ممكن علي البوجيهات بس
صعبة أوي المقارنة دي .... بس خلينا نحاول و ربنا يسهل و نعرف نفيد بأي حاجة ....
البرافو مبدئيا كده هتاخد منها أفضل أداء حتى لو بنزين 92
الثبات في الفئة دي حتى لو معاهم الأسترا الفوارق بينهم قليلة جدا .. ممكن الأسترا و البرافو يتفقوا نسبيا .. لكن فرق مش ملحوظ بالنسبة للفوكس و السيتروين ...
بس أنا عن نفسي لما بختار بين الأسترا و البرافو بختار البرافو ..
البرافو أداء أفضل و كماليات أكتر و سعر كمان أحسن (بس المشكلة يارب تلاقي البرافو في السوق )
كده الأسترا ( في رأيي ) أوت ...
لو ركبت السيتروين هتحبها بطريقة مش طبيعية .. يمكن أكتر من الفوكس كمان
بس توكيلها و قطع غيارها !!! مع كل روعتها في الراحة و الأداء و الكماليات .. بس التعب اللي هيجي من وراها في الصيانة و قطع الغيار مايستاهلش الفلوس على الأداء ( رأي شخصي ) ... لو توكيلها كانت سمعته أفضل من كده كانت هتبقى اختيار ممتاز ...
بعد سياسة الإقصاء اللي أنا استخدمتها دي .. وقفت المقارنة بين البرافو و الفوكس ...
البرافو أداء أفضل .. كماليات محترمة جدا .. توكيل زبالة ، قطع غيار غالية
الفوكس ( طبعا مش هتقدر تجيبها هاي لاين ) هتبقى كماليات أقل .. أداء مناسب بس برضه أقل نسبيا من البرافو ( و مش هتزعل من الـ 92 ) .. لكن قطع غيار في التوكيل أسعارها معقولة نسبيا .. توكيل محترم .. شكل جديد
- الموضوع صعب ... لو بتحب الأداء الرياضي أكتر بس تحاول تحافظ على العربية و تدفع اكتر ي الصيانات و قطع الغيار خليك في البرافو ..
لو عايز راحة البال ... الفوكس مافيش في الفئة دي أحسن منها أبدا ...
* لو عرفت تتعامل مع السيتروين في قطع الغيار و متأكد إن التوكيل هيبقى محترم معاك ... هتبقى اختيار ممتاز ..