الموضوع: تقرير ازالة خرابيش واستيكرز

السلام عليكم و رحمة الله و بركاته

انا كنت وانا بعمل صيانة الاف لعربيتي الصني الجديدة حصل خربوش في الباب لاحظته و انا بستلم العربية
و كنت قلت الموضوع ده في مشاركة قبل كده في تقرير عن العربية و عن صيانة الاف
المفروض ان التوكيل عالجوه بس حسيت ان بعد كام ان هو ابتدى يوضح تاني وانا كنت شفت اعلان عن مكان .........بيزيل الخدوش تقريبا في المنتدى هنا او على الفيس بوك المهم دورت عليهم و لاقيتهم قريبين من مكان شغلي في مدينة نصر

و رحتيلهم و عملولي الخربوش فحبيت اعملكم تقرير مصور عن المكان و كل الي تم في العربية


رحت استقبلني المهندس هو بصراحة راجل ذوق و في قمة الاحترام في التعامل و كانت طلباتي كالتالي
- الخربوش الي في الباب الي ورا باب السواق
- و كنت ركبت سينسور بارك قلتله ممكن تلونهولي -
- كان في زي لون صغير في باب السواق و الرفرف الامامي
- كحته بسيطه في الاكصدام الخلفي و ده سبب اني ركبت سنسور بارك
- قلتله عايز اشيل اعلانات المعارض الي بتتلزق و انت بتشتري العربية

قالي كله حيتعمل ان شاء الله و حبتدي بنفس الخطوات الي هو عملها بالصور

الاول هما بيستخدموا مواد كمياوية امريكية اسمها spray less scratch remover وده اختصاره ssr

او اس اس ار و دايما حتلاقوني بكتب اسم (اس اس ار في وصت التقرير)

1- لازم ينضف المكان المخدوش بمنظف اس اس ار و ده سائل شفاف بيزيل التراب و الدهون من مكان الخدش و في عامل متخصص بس للتنضيف



2- اضافة مادة بيضاء لملىء الخدش و توزيعها بصاروخ و بتكون راس الصاروخ من الصوف





3- اضافة مادة اس اس ار و ده حاجة لونها اسود او قريب للرمادي



Uploaded with ImageShack.us

و تتساب لحد ما تنشف و بعدين تتعمل بالصاروخ تاني

4- ننضف تاني بنفس المادة الي استخدمت قبل كدا الي هي مذيب للدهون و مزيل للغبار

وده الشكل النهائي






نيجي بقى لتلوين السينسورز و شيل الاعلانات

دي صورة قبل












و دي صوره وهو بيلون السينسورز و طبعا بيجيب لون العربية من الكود الي موجود على الكبود من جوة و بيخلطه و يجربه الاول








وده الشكل النهائي




ماشاء الله عجبني شغلهم جدا و الخربوش مش باين نهائي و انا سئلت المهندس الي استقبلني و هو عنده استعداد يعمل تخفيض لحاملي استيكر المنتدى و اتمنى من الادارة التواصل معاهم


نيجي بقى للاسعار

- الخدش الواحد في حدود 35 سنتي ب 50 جنيه
- اكتر من 35 سنتي 100 جنيه
- باب على بعضه اكتر من خدش ب 150 جنيه
- لو العربية كلها بتتراوح من 850 - 1350 جنيه


و عامة ربنا يسترها علينا كلنا و محنتاجش نروحلهم بس للاسف في بلدنا طبيعي ان انت يحصل اي حاجة لعربيتك و في الجالة دي المركز ده ممتاز