ربنا يباركلك فيها يارب وموضوعك حلو وطريقة السرد جميلة بس واضح ان سامح لازم يدخل يبصم فى اى موضوع فى قسم هيونداى ههههههههههههههههه
رقم العضوية : 84670
تاريخ التسجيل : 01Jan2011
المشاركات : 2,108
النوع : ذكر
الاقامة : Egypt
السيارة: None
السيارة[2]: Hyundai
دراجة بخارية: NONE
الحالة :
السلام عليكم
ده أول موضوع ليا علي المنتدي يا بتوع هيونداي فممنوع التريقه بدل ما أطلعلكوا الالنترا من تحت في الجراج و انتوا حرين بقي (سيبوها نايمه عشان زعلها وحش)
الاكسنت كانت عاوزه صيانه و انا بقالي مده مشغول في الشغل و مسحول و تغيير زيت و سيرفيس و الذي منه و الحاج و الحاجه دكاتره فانا المسئول عن العربيات بس ده ما يمنعشي انني ساعات بأستندل بس والله نادرا
المهم كلمت البوب الكبير المهندس هاني و قلتله هأجيبله العضو القديم بتاع هيونداي الاصل
(انا أصلا كنت قايله من زمان أوي بس فعلا مش بأفضي)
كنا علي ميعاد يوم الجمعه اللي فاتت و قفشت أخويا مصطفي معايا , لسه متعلم سواقه جديد و عينه علي الالنترا بس لسه شويه عليه بس قلت أسحله و أشربه الصنعه و روحت عند المهندس هاني الاول عشان يعاين العربيه
العربيه عامله 165000 كيلو و البيت كان فاكر انها عاوزه زيت بس و بالكتير طقم سيرفيس
المهم المهندس هاني عاين و اداني الروشته أصرفها بس كنت محتاج أسحب فلوس عشان العربيه كانت بعافيه شويه
قطع الغيار جبتها من محل المهندس هاني وصفهولي و الروشته كالاتي
1. طنابير و تيل (التيل طالع فيه الخمس تقريبا بس هي ما كانشي فيها فرامل )
2.طقم سيور (كاتينه و دينامو و باور و تكييف)
3. طقم سيرفيس (بوجيهات و فلتر هو و بنزين)
4.جلب علبه دركسيون خارجيه(والله ما فاكر الاسم بس هاني يدخل يصلحلي بقي)
5. مروحه تكييف عشان المروحه كانت بايظه (الكومبريسور بعافيه بس مهندس هاني قالي أسيبه يجيب أخره, محتاج يتشحن كمان بس ما أعرفشي حد عدل و مش فاضي , اللي يعرف حد يدلني يا ولاد الحلال)
6. كنت انا جايب الزيت (فالفولين 5W-40) و كنت حاطط ال (10W-40) بس ما عجبنيش
فلتر الزيت من عند المهندس هاني
طبه الزيت كانت بايظه و جيبنا مسمار تاني
زيت الباور كان ناقص
جبت الحاجه و كان نفسي أسافر بس كده كل سنه و انتوا طيبين انا هأعيد في السرير جوا الاوضه و حسنه تمنع بلاوي كتيره يا محسنين و يا بختك يا فاعل الخير و الثواب
بدأ الشغل في الورشه, قعدت مع مصطفي البيه الصغير و المهندس هاني و اتكلمت معاه و قالي علي الكونترول بتاعك يا كريم يا فوزي (اللهم لا شماته)
و حركه طقم الدبرياج يا أشرف يا فاضحنا و قدام لانوس !
عليك العنه
السيور طلعت غلط قام وائل راح جاب الصح و انا روحت أرجعهم
و وائل (هو لمض بس يجي منه) خد الطنابير الخراطه عشان يكبسهم
العربيه خلصت علي 6 الا ربع باين و طلعنا جربنا انا و المهندس هاني ...... و مصطفي
كان فيه يس صوت خشونه من الصاجه بتاعه الطنابير و عدلناها و صوت من مسامير الميزان اتربطوا و شكرا
انا مشيت من عند المهندس هاني قبل الفطار ب5 دقايق و داخل البيت 7 و عشره !
مصطفي جاب مياه و نام في العربيه و انا راجع و باليل تقريبا كان نايم و مااتسحرشي ولا خرج (شاب ثانويه عامه بقي و عضمه طري)
العربيه ضبطط و الحمد لله بس هي كانت عامله حادثه في ربع يمين قدام (انا اللي كنت سايق مع الاسف بس الحمد لله قدر الله ما شاء فعل) و الشاسيه فيه زي تزنيده كده و محتاج يستعدل و قنطره و زرجينه و لسه محتاجه مصاريف تاني بس لما أفوق من الجرح الاولاني بتاع الصيانه
شكرا للمهندس هاني و فريق العمل (وائل و ناجي و اتنين كمان بس انا مش بأفتكر أسامي )
و لما رجعت الحاج بيسأل بيقول صرفت كام
ما ردتش عشان خفت عليه و قلتله بعدين و خدت اللي فيه النصيب
و ربنا يباركلنا في عربياتنا و يكتبلنا خيرهم و يكفينا شرهم و يحفظهوملنا من شر العين و الحسد( سامع يا سامح يا بتاع هوندا )( هم كوري أه بس بيتحسدوا ) و الخبطات و الحكات و اللذي منه
و السلام ختام
When The Sun Sets, The Race Begins
Eng. Kareem El-Araby
nfs_206 سابقًا
رقم العضوية : 39817
تاريخ التسجيل : 07May2009
المشاركات : 2,093
النوع : ذكر
الاقامة : 7adayek El Ahram
السيارة: Isa) civic Sir)
السيارة[2]: Daewoo Nubira 2
دراجة بخارية: ...............
الحالة :
ربنا يباركلك فيها يارب وموضوعك حلو وطريقة السرد جميلة بس واضح ان سامح لازم يدخل يبصم فى اى موضوع فى قسم هيونداى ههههههههههههههههه
koshary
رقم العضوية : 84670
تاريخ التسجيل : 01Jan2011
المشاركات : 2,108
النوع : ذكر
الاقامة : Egypt
السيارة: None
السيارة[2]: Hyundai
دراجة بخارية: NONE
الحالة :
طبعا ده حتي هيونداي ملهاش طعم من غير سامح
و القط مايحبش الا خناقه
نورت يا كشري :]
When The Sun Sets, The Race Begins
Eng. Kareem El-Araby
nfs_206 سابقًا
رقم العضوية : 28084
تاريخ التسجيل : 20Dec2008
المشاركات : 2,386
النوع : ذكر
الاقامة : cairo
السيارة: newaccent2010 /elantra 2006
السيارة[2]: opel vectra B 2002/lada
دراجة بخارية: no
الحالة :
يا باشا انت نورت و كل سنه و انت طيب
رقم العضوية : 84670
تاريخ التسجيل : 01Jan2011
المشاركات : 2,108
النوع : ذكر
الاقامة : Egypt
السيارة: None
السيارة[2]: Hyundai
دراجة بخارية: NONE
الحالة :
المفضلات