بسم الله ما شاء الله ربنا يحفظها من الشر و يدك خيرها
الف مبروك يا باشا
عرض للطباعة
بسم الله ما شاء الله ربنا يحفظها من الشر و يدك خيرها
الف مبروك يا باشا
بص هو نفس الى بيحصللك حصل عندى و بالزات مع سخونة الجو عارف لو مشغل تكيف ووان واى ولا الدموع لاكن من غير تكيف و ووقوف كتير حوالى ساعة بتبدا تسخن بالنسبالى لسة ما قولتش للتوكيل بس انا شايف انو طبيعى مدام حصلى و حصللك يبقى مش عيب و هو فرق سنتين ربنا يبارك فيهم و متقلقشى
شكرا ياباشا على ردك اللي يطمن
وانا كنت بافكر أقول للتوكيل لما أروح لكن انا غيرت رأيي خلاص لما لقيت ان في ناس كتير عندها نفس المشكله
ده كمان واحد صاحبي معاه كيا سيراتو قاللي ان عنده نفس الحكايه دي وده العادي يعني
فالظاهر ان ده العادي بتاع كل العربيات الأوتوماتيك
ع العموم انا من باب زيادة الإطمئنان انا ممكن اسأل في التوكيل عن الموضوع ده لما أعمل صيانة الـ 10 آلاف
ولو في أي حاجه جديده هابقى أبلغ بيها الجميع
تحيـــــــاتي
سعرها كام حاليا الهاف سبورت
كانت عايز اعرف استهلاك السيارة للبنزين قد ايه وشكرا ليك
الف مبروك وربنا يباركلك فيها ويديك خيرها ويكفيك شرها ...
استهلاكها البنزين قد ايه؟
بسم الله ما شاء الله ألف مبروك وربنا يبارك لك فيها.
آسف على التأخير في الرد
بس أنا الحقيقه ماحسبتش استهلاك البنزين بالظبط كام
لكن أنا بافولها مثلا بحوالي 70 جنيه وتمشيني في حدود 300 كلم أو أكتر شويه
وطبعا الكلام ده بالتكييف .. لكن أكيد بدون التكييف الاستهلاك هايقل كتير
وان شاء الله أحاول احسب الاستهلاك بالظبط
تحيـــــاتي
أرقام التليفونات أهي :
0199999753 - 0127423977 - 0199999754 - 0101187339
وفي موضوع إعلاني عن جينز كار ممكن تراجعه وهاتلاقي فيه كل حاجه
ولو عايز العنوان : 6 شارع عمر زعفان من شارع الطيران خلف حى مدينة نصر .
تفاصيل العنوان :
لو جاى من شارع مصطفى النحاس (من ناحيه مكرم عبيد) ... هتدخل يمين فى شارع الطيران (على ناصيته جامع نورى خطاب) ... اول ماتدخل هتلاقى بنزينه شل على ايدك اليمين ... تقوم داخل اليمين اللى بعده على طول ... تعدى تقاطع صغير .. هتلاقى جينز كار على ايدك اليمين .
لو جاى من شارع النصر هتدخل شارع الطيران يمين (رابعه العدويه على يمينك) .. وتفضل ماشى لحد اخر لفه فى الشارع (قبل ماتطلع على مصطفى النحاس) ... وتدخل معاها شمـــال و تدخل الشارع اللى قدامها ... وتعدى التقاطع هتلاقى المحل على ايدك اليمين .
وللدخول على الموضوع الإعلاني من هنا => http://www.nilemotors.net/Nile/133983-a.html
شكرا جدا على الرد أخي الفاضل. الأول بس، في وصفة الي جاي من طريق النصر، انت كنت تقصد رابعة على شمالي وأنا داخل في الطيران، صح؟
اسمحلي بس اخد شوية معلومات منك، أنا استلمت عربية نفس الي معاك، ومتابع مشاركاتك الي دايما بتكون مفيدة جدا بالنسبة لي، أحسن الله اليك اخي الكريم :)
فيما يخص الفرش، التكلفة بتكون اد ايه تقريبا؟ الخامات الي هاختار منها هاتكون ايه؟ وانت تنصح بايه؟
موضوع أخر مقلقني شوية، أنا استلمت العربية من غير كاسيت، مع اني عارف ان الهاف سبورت بتنزل بيه. أنا لسه ماروحتش صيانة الالف، ومش عارف أتكلم في مركز الخدمة لما أروح، ولا ملهمش دعوة وده لازم يتحل مع الموزع الي جبت منه؟
جزاك الله خيرا، وسامحني لو كنت بطول عليك :)
العفو ياباشا أي خدمه .. بالنسبه للوصفه انت لو ماشي في شارع الطيران أيوه هاتخلي رابعه العدويه على شمالك مظبوط , انما المقصود في الوصف انك تخليها على يمينك يعني تكون انت على صفها وتدخل الشارع اللي على ناصيته جامع رابعه العدويه وتكمل العنوان زي مافي الوصف .
وبالنسبه لموضوع الفرش انا الفرش بتاعي اتكلف بالظبط 1300 ولو انت تابعت موضوعي بتاع تركيب الفرش هاتعرف اتعمل ايه بالظبط , لكن انت ممكن تختار خامات أقل او مثلا ماتعملش الخياطه الدبل لأنها لوحدها بـ 200 جنيه . والخامات الأرخص مش وحشه ولا حاجه بس الواحد قال بالمره يعمل حاجه نظيفه وثمنها يكون فيها ان شاء الله , وماتقلقش من الموضوع ده الحاج أحمد مشعل بسم الله ماشاء الله هاتلاقيه هو لوحده بينصحك تعمل ايه أو تختار ايه بالنسبه للألوان وكده ولو اخترت حاجه مش ماشيه مع ألوان العربيه هاتلاقيه بيقولك مش هاتبقى حلوه أوي ( في الحته دي الحاج أحمد عنده ضمير أوي ) أما بخصوص انا انصحك بإيه .. فطبعا لو كنت انت عامل حسابك على مبلغ كويس زي اللي انا دفعته يكون أفضل عشان تاخد خامات كويسه , لكن حتى لو أخدت الخامه الأقل في السعر ان شاء الله مش هاتبقى وحشه , والحاج أحمد بيديلك ضمان ان لو حصل للفرش أي حاجه بترجعله بيه ماتقلقش.
أما بقى بخصوص انك استلمت العربيه من غير كاسيت دي بصراحه حاجه مش كويسه لأن حتى العربيات الأقل في فئتها بتنزل بكاسيت نوعه غريب كده اسمه سيمفوني تقريبا .
طيب انت لما جيت استلمت العربيه ماسألتش عن الكاسيت ؟ ولو سألت قالولك ايه مثلا ؟
يمكن هم شايلين ثمنه من ثمن العربيه مثلا الله أعلم , لأني أعتقد لما تروح التوكيل هايقولولك ان ممكن تغير النوع الغريب اللي بينزل ده بكاسيت كينوود زي اللي عندي , لكن حتة ان مايبقاش في كاسيت أصلا دي أعتقد بتبقى مع الموزع .
شوف كده ورد عليا وان شاء الله اللي فيه الخير يقدمه ربنا . ولو ليك حق طبعا ماتسكتش عليه
بص ياباشا الفروع اللي أنا أعرفها أهي :
1- المركز الرئيسى دايموند موتورز: كيلو 28 القاهرة -اسكندريه الصحراوى
تليفون:35390902-35390903-35390905-35390906
للأستعلام:16606
2-مركز السعودى جروب:كيلو 21 اول طريق القاهره-الاسماعيليه الصحراوى منزل الطريق دائرى
تليفون:16512
3-شركه المصيلحى لتوزيع و صيانه السيارات:الكيلو 16 طريق القاهره-الأسكندريه الزراعى(قليوب)
تليفون:42156153-42106308-01003110007
بس الأحسن من ده كله انت تكلم الرقم اللي موجود عندك على القزاز الأمامي للسياره اللي هو 16606
وهم هايخدوا بياناتك كلها ويقولك على أقرب فرع ليك ياباشا .
بالتوفيق ان شاء الله
على فكره انا كنت داخل النهارده ناوي أقولك على حاجه لقيت ردك ده هنا
أنا آسف جدا على الخطأ .. في تعديل في الاستهلاك انا ماكنتش واخد بالي كويس
أنا كنت الاسبوع اللي فات في اسكندريه , وانا راجع فولت العربيه وروحت مصفر عداد الـ Trip
المهم لما وصلت بالسلامه أول امبارح بصيت على العداد كان عامل 240 كيلو ولسه معايا نص التانك بالظبط والكلام ده وانا مشغل التكييف طول الطريق . يعني الاستهلاك اللي قولتلك عليه اكيد مش مظبوط خالص
, فكده التانك كله بيعمل حوالي 400 كليو أقل حاجه , بس طبعا انا مش باسيب العربيه لحد ماتبقى على الجنط يعني .. بحب أفول وانا لسه معايا شرطتين كده . والتفويله بتكون بحوالي 65 جنيه على الأكثر لأنها بيكون لسه فيها بنزين .
أعتقد كده الاستهلاك معقول بالنسبه اني مشغل التكييف طول ماانا ماشي .
أرجو أكون أفدتك .
تحيـــــــــــاتي
معلش انا مش عارف الصفيحه تعمل قد ايه بالظبط , ومش عارف عربيتي تتفول بكام صفيحه
لكن أعتقد انا استهلاكي في المعقول عشان انا مشغل التكييف على طول اليومين دول , وطبعا انت عارف استهلاك البنزين بيزيد مع الوقوف الكتير في الإشارات وكده .
وع العموم العربيه الحمد لله مريحاني
الف مبروك و ربنا يباركلك فيها و يكفيك شرها
انا معايا موديل 2012 1.6 اوتوماتيك و لاحظت موضوع سخونية الكونسول دى و كمان سخونية داخل الشنطة فوق الجاكمان و الكومبريسور بتاع التكيف لما يفصل و شتغل بيعمل تككه صوتها عالى جدا
الف مبروك و ربنا يباركلك فيها و يكفيك شرها
انا معايا موديل 2012 1.6 اوتوماتيك بقالها معايا 4 شهور و لاحظت موضوع سخونية الكونسول دى و كمان سخونية داخل الشنطة فوق الجاكمان و الكومبريسور بتاع التكيف لما يفصل و شتغل بيعمل تككه صوتها عالى جدا
بالنسبة لاستهلاك البنزين انا بحط 92 و بتعمل معايا تقريبا من 9 :10 كم/لتر حسب الزحمة و تشغيل التكييف و فى السفر ممكن يوصل الى 12 : 13 كم/لتر حسب سرعتك
و لاحظت حاجة كمان ان ظهر الكنبة غير قابل للطى
بصفة عامة العربية ادائها اكثر من رائع
ربنا يباركلك فيها و يديك خيرها يا رب
السلام عليكم اخي الكريم
بسم الله ما شاء الله , ربنا يحفظلك عربيتك
كان عندي استفسار صغير
ايه الحاجات الي بتتعمل في صيانة 1000 كيلو و كم تكلفتها عشان ناوي اعمل صيانة العربية قريب
و ايه الي تنصحني بيه اعمل عليه check هناك , انا الحمدلله مش عندي اي اي شكوي من العربية غير بس ان العفشة ناشفة شوية و الدركسيون تقيل
متشكر متابعتك معايا
مبروك على العربيه أولا .. ياباشا وربنا يباركلك فيها انت كمان
ثانيا اللي بيتم في صيانة الـ 1000 كيلو هو كالآتي : تغيير الزيت + فلتر الزيت + تربيط عفشه + شيك أب عام على العربيه كلها وشد الفرامل + ان لو في أي شكوى منك بيشوفوهالك
أما عن موضوع ان العفشه ناشفه شويه فده طبيعي انا كمان عندي كانت كده ولانت مع المشي ماتقلقش خالص
أما بقى بالنسبه للدركسيون التقيل دي فممكن تقولهم عليها في التوكيل ويكشفولك عليه لو في حاجه يعملوهالك ويتظبط ان شاء الله
وبالنسبه للتكلفه تقريبا هايقولولك الزيت بحوالي 375 + تغيير فلتر الزيت وطبعا مافيش فلوس للمصنعيه
يعني مثلا اعمل حسابك في حوالي 400 جنيه بالكتير .
العفو ياغالي
[b]يا جماعة انا جبت الحمد لله لانسر بومة 2013 على فكرة انا عندى نفس الكلام بتاع السخونيه الى ناحية الكاسيت والتكيف كدا بس انا عامل تقريبا 1600 كيلو وعايز اروح الصيانة الى فى ابو رواش عايز اعرف بكام الصيانة وكمان عنوان دايموند موتورز الى فى ابو رواش [ :؛ عندى سحب العربية وحش اوى مش عارف ليه يمكن علشان انا كنت بركب مانيوال قبل كدة بس قريبى ركبها وقالى لازم تروح الصيانة تشوف مالها علشان سحبها وحش اوى اوى ......... ارجو الرد
من فضلكم حد يعرف ايه اللى المفروض يتغير فى صيانة ال 10000 كم الاولى للانسر 1600 اوتوماتيك ؟؟؟؟والتكلفة من فضلكم
بص ياباشا .. موضوع السخونيه دي انا اكتشفت انه طبيعي في كل اللانسر
ده في حتى واحد صاحبي معاه كيا سيراتو .. قاللي ان هو كمان عنده كده مافيش مشكله
طالما ان السخونيه دي مش مأثره على تبريد العربيه والتكييف بيظبط الدنيا جوه الكابينه يبقى خلاص
أما بالنسبه لموضوع السحب .. فأعتقد انا عندي الحمد لله مافيش مشاكل ومااقدرش احكم على عربيتك لأني ماسوقتهاش
لكن لو انت حاسس بكده لازم تقولهم في التوكيل طبعا ويكشفولك عليها , لكن موضوع انك كنت بتسوق مانيوال ودي أوتوماتيك فده مااعتقدش يكون ليه تأثير لأني كان معايا شاهين مانويال ودلوقتي معايا اللانسر وطبعا في فرق شاسع في السحب وكده .
لكن انت من كلامك كده ممكن يبقى في عندك مشكله بس ان شاء الله مش هاتبقى كبيره .. وحاول تتصل تحجز معاد صيانه وتروح وتشوف الرد هايكون ايه وياريت تبقى تبلغنا.
بالتوفيق ان شاء الله :bye2:
انا بردو كنت بحس في الاول ان سحب العربيه وحش:hitwall3: بس لما تابعت المنتدى لقيت دي شكوى عامه من الناس اللي كانت متعوده على المانوال ....وفي ناس كتير بتروح معاهم بعد صيانه الالف الاولى
ولاحظت بردو اننا بتكون خايفين على العربيه و لسه ما خدناش عليها ....:w6266d
لكني بصراحه دلوقتي لقيت ان شويه شويه باخد عليها و بعرف ادوس ازاي علي الدواسه وازود السحب زي مانا عاوز
انا عربيتي 2012 هاف سبورت + فتحه سقف سودا والف مبروك للجميع Dragon78 و tttotttiوAnaMummyYad و_MMS_ :bye2:
بسم الله ما شاء الله و لا حول و لا قوة إلا بالله
ربنا يعطيك خيرها و يكفيك شرها