معايا 45000 و مش عارف اشترى اية

**amirock** · 17-08-2012 07:07 AM

السلام عليكم
انا معايا 45000 جنية و كنت ناوى اشترى عربية جولييت او لانوس بس الاولوية للجوليت فيا ريت لو حد فى المنتدى معاه عربية حلوة و حابب يبيعها يكلمنى
و كنت عايز اعرف ال 45000 جنية يجيبوا موديل كام فى اللانوس او الجوليت وتكون حالتها حلوة لانى مش معايا اصرف على العربية على الاقل لمدة سنة
و يا ريت لو حد يقوللى ازاى اكشف على العربية و فين و تكلقتها حتبقى فى حدود كام مع العلم انى من اسكندرية
مستنى ردودكم يا جماااعة
و شكر

**alaamousa** · 17-08-2012 07:32 AM

ان شاء الله حضرتك تلاقي حاجة كويسة اما بالنسبة للجوليت فسعرها ان شاء الله قريب من اللي حضرتك بتقوله
اما اذا كانت لانوس تكون موديل 2004 2005 غالبا ان شاء الله
وممكن حضرتك تتفضل على قسم البيع والشراء واعرض طلب حضرتك ان شاء الله تلاقي طلبك

قســم خاص لطلـبات شــراء الســـيارات و متعلقاتها فقـــط - نايل موتورز - NileMotors.net

واذا كنت حضرتك عايز تسعير فعلي فد الرابط لحضرتك

http://www.nilemotors.net/Nile/249687-a.html

**abdo1234456** · 17-08-2012 10:25 AM

ممكن تزود من 5 الى 10 وتجيب كريستاله او نوبيرا اوروبى

**amirock** · 17-08-2012 11:01 AM

شكرا على يا استاذ علاء على الرد
بس برضة مقلتليش لو لقيت حاجة كويسة اقدر اكشف عليها ازاى و فين

**amirock** · 17-08-2012 11:03 AM

و الله يا استاذ وليد انا قلقان كم النوبيرا اساسا مع انى كنت بحبذها بس كل اللى اكلمة يقوللى ابعد عنها دة كل اللى معاه نوبيرا مش عارف يخلص منها فقلت خلينى على الجولييت احسن

**ashrafandarwa** · 17-08-2012 05:25 PM

ممكن بعد اذن حضرتك تقولى ازاى اتخلت مشلكه جلب المقصات .... هل حضرتك تقصد المصات الاسبانى ولا هناك حل اخر .... وسوال اخر لو سمحت هل موديل 2006 محترمه نظيفه تساوى 45000 جنيه بس ... مش سايف سيادتك ان السعر ده متواضع شويه لو العربيه زى ما حضرتك بتقول محترمه ..... متشكرا جدا

**walidadel81** · 17-08-2012 06:45 PM

المشاركة الأصلية كتبت بواسطة ashrafandarwa

ممكن بعد اذن حضرتك تقولى ازاى اتخلت مشلكه جلب المقصات .... هل حضرتك تقصد المصات الاسبانى ولا هناك حل اخر .... وسوال اخر لو سمحت هل موديل 2006 محترمه نظيفه تساوى 45000 جنيه بس ... مش سايف سيادتك ان السعر ده متواضع شويه لو العربيه زى ما حضرتك بتقول محترمه ..... متشكرا جدا

مشكله جلب المقصات معاي انا بالتحديد وعن تجربه غيرت جلب المقصات بجلب gm الاصليه الطقم بحدود 170 جنيه وبعدها انسي قصه المقصات دي نهائي
وبالنسبه للسعر موديل ال2006 انا بعت عربيتي 2006 ب 40 الف عشان كنت حابب اغير وكانت عايزه كاوتش وحبه سمكره علي حبه دوكو يعني كانت شغلانه 6 او 7 الف تاني مع تجديد الرخصه ودلوقتي انا بخلص بواحده 2006 اول يد محتاجه حبه مصاريف بسيطه ب 45 وهو عايز 47

**exelence** · 17-08-2012 11:58 PM

عاوز تكشف على العربيه عندك بنزينتين ملهومش تالت واحده فى عباس العقاد قدام جاد و التانيه فى شارع الهرم بعد النفق و انت جاى من ميدان الجيزة على اليمين

**besso33** · 18-08-2012 02:02 AM

المشاركة الأصلية كتبت بواسطة walidadel81

لو عايز عربيه احلي من الاتنين خليك بالنوبيرا ودي نصيحه لوجه الله ممكن المبلغ ده يجبلك حته نوبيرا 2006 محترمه وعيب النوبيرا الوحيد جلب المقصات ودي امرها سهل وخلاص اتحل العربيه دي اعدت معاي حوالي تلت سنين وانا اللي افتريت عليها وبعتها وجبت لانسر ودلوقتي بدور علي حته نوبيرا تاني تكون نضيفه لانها الوحيده اللي اتحملتني بسواقه هاديه او عصبيه او رياضيه واي بنزين شغاله بيه زي الفل 80 شغال 90 يبقي رضا 92 يبقي انت حابب تدلعها وعربيه قمه في الثبات انا جبت بيها 195 بالوصله اللي بين شرم والطور والتكيف تلاجه وصالون واسع وقطع غيار عند البقال ورخيصه جدااا انا اشتريت ليها الماتور والفتيس كامل بادوات التغديه وكمبروسر التكيف والفتيس كان تقريبا 2500

45000 جنيه ازاي تجيب نوبيرا 2006 وكمان تكون عربية محترمة،، بصراحة اشك في كلام حضرتك خصوصا وانت بتقول انك بتدور علي عربية نوبيرا يعني واضح انك لغاية دلوقتي مجبتش عربية محترمة بالسعر اللي بتقول عليه وعلي فكرة انا معايا نوبيرا 2005 اتعرض عليا 49000 ومردتش تقوللي حضرتك 45000 تجيب 2006 ،،، ياريت الاخوة هنا يعقبوا علي كلامي لو كان مش صح او لو كان كلاي صح علشان نعرف الدنيا ماشية ازاي