الحقونى يا وحوش الميجان - Steering locked

انا الحمد لله اشتريت Megane 2006 مانيوال من حوالى 3 اسابيع عامله 62,500 كم وعملتلها صياته ال 60,000 فى توكيل EIM اللى فى المقطم يوم الاثنين اللى فات و كانت ماشيه معايا كويس أوى لحد امبارح باليل و كانت بتدور و زى الفل و أخر حاجه عملتها باليل هى ال Mode Test اللى عرفت طريقته من المنتدى هنا و كان كله تمام. النهارده جيت أدورها لقيتها مش بتدور و بيقولى Steering locked و لمبه ال Service منوره !!!! ده عيب ايه بقى يا رجاله و اعمل فيها أيه؟

أنا عندى حاجه تانيه هى لما بكون ماشى على الدائرى و بجرى ال RPM بيكون عالى شويه, يعنى على 130 بيكون جايب ال 4000 او معديها فصوته بيبقى عالى طبعا فبخاف اقرص عليه زياده و بقوم مهدى تانى بس لقيت هنا الناس بتكتب عن 160 و 190 و حاجات كده فا كنت عايز أعرف ال RPM العالى ده طبيعى ولا ايه؟

الار بى ام بيبقى عالى علشان انت بتبقى قارص عليها انت بس انقل عادى وسيبها تاخد غيرها وسرعتها براحتها ومتقرصش عليها الطبيعى وانت على 130 الار بى ام بيبقى على 3500

بالنسبة لموضوع اللوك مش هقدر افيدك علشان انا لم امر بهذة المشكلة

على حد علمي مشكلة ال steering locked دى مش سهلة

أعتقد و الله أعلم محتاجة عمود دركسيون...........مش عارف فيه ناس تصلحه ولا لأ..........و سعره غالى شوية لأن هو اللى فيه الميكانيزم بتاع اللوك.

حاول تبعت لأيمن momo10000 و خليه يبعتك لحد يحللك المشكلة

إن شاء الله هيجيبلك من الأخر.

هو أنا مشترك بقالى حبة حلويين فى الرينو بس مسمعتش عن Mode Test دة يعنى اية و أية فيدتة !!!!!

اقتباس:

---

المشاركة الأصلية كتبت بواسطة Ahmed A.Maksoud

على حد علمي مشكلة ال steering locked دى مش سهلة

أعتقد و الله أعلم محتاجة عمود دركسيون...........مش عارف فيه ناس تصلحه ولا لأ..........و سعره غالى شوية لأن هو اللى فيه الميكانيزم بتاع اللوك.

حاول تبعت لأيمن momo10000 و خليه يبعتك لحد يحللك المشكلة

إن شاء الله هيجيبلك من الأخر.

---

انا نزلت الحرفيين امبارح يا أحمد عشان أنا ساكن قريب منهم بس محدش رضى يجى معايا عشان كله عايز يأجز و محدش عايز ياخد شغل جديد :I_angr1[1]: بس هو يا أحمد مش ممكن تكون البطاريه هي اللى عامله كده؟ انا حاولت أدورها بليل تانى أمبارح قبل العشاء مظهرتش الرساله ديه، هى صحيح مدارتش برده بس كانت بتبدأ البدايه الطبيعيه بتبعت Oil Level OK و كده بس لمبه البطاريه كانت منوره فقلت بس ديه كده بطاريه، عشان أنا بصراحه عملت غلطه لما عملت ال Mode Test هى انى معرفتش اوقفوا منين!! :angry35: فسيبته و قلت هو هيشايك على كل حاجه و يقف لوحده بس امبارح لما حصلت المشكله ديه، رجعت دورت على المشاركه بتاعتك بتاعه ال Mode test و لقيت انه بيقف من زرار ال reset ، المهم لما لقيت لمبه البطاريه هى اللى نورت قلت كده سهله و روحت أصلى و قلت بعد الصلاه اشوفلها وصله من أى حد و اطلع أجرى بيها شويه على الدائرى تشحن فيهم و كله يبقى تمام، بس لما رجعت لقيتها رجعت تانى زى الأول و مش راضيه تنطق :help: و حاولت اوصلها على بطاريه واقفه بس مفيش اى response خالص فححاول أوصلها انهارده تانى على بطاريه دايره يمكن تلقط أى حاجه، لو لقيت حد فاتح أجيب منه وصله أصلا :sad: غير كده هتفضل مركونه تحت البيت 10 أيام لحد اما يفتحوا بعد العيد

اقتباس:

---

المشاركة الأصلية كتبت بواسطة shawkylotfy

الار بى ام بيبقى عالى علشان انت بتبقى قارص عليها انت بس انقل عادى وسيبها تاخد غيرها وسرعتها براحتها ومتقرصش عليها الطبيعى وانت على 130 الار بى ام بيبقى على 3500

بالنسبة لموضوع اللوك مش هقدر افيدك علشان انا لم امر بهذة المشكلة

---

والله يا شوقى مكنتش ببقى قارص و لا حاجه كنت ببقى ماشى عادى و مديها راحتها فى الغيار و كله تمام، انا كنت ناوى اشد بيها فى العيد و الشوارع فاضيه كده و اشوف هتجيب كام بس أهى زى ما أنت شايف، قدر الله و ما شاء فعل

اقتباس:

---

المشاركة الأصلية كتبت بواسطة figoo2001010

هو أنا مشترك بقالى حبة حلويين فى الرينو بس مسمعتش عن Mode Test دة يعنى اية و أية فيدتة !!!!!

---

أنا شوفت الموضوع ده فى موضوع من المواضيع المثبته هنا كان عامله Sharky تقريبا عن الoptions بتاعت الmegane و كان أحمد عبد المقصود هو اللى كاتب الكلام ده، هو بيشيك على العدادات بتاعت العربيه و الانوار التحذيريه. اعمل search عن الmode test و هتلاقيه بس اقرأ باقى الردود عشان على حسب مانا فاكر فى ناس حاولت تجربه فى الshape الجديد و مشتغلش معاهم

اقتباس:

---

المشاركة الأصلية كتبت بواسطة medori

انا نزلت الحرفيين امبارح يا أحمد عشان أنا ساكن قريب منهم بس محدش رضى يجى معايا عشان كله عايز يأجز و محدش عايز ياخد شغل جديد :I_angr1[1]: بس هو يا أحمد مش ممكن تكون البطاريه هي اللى عامله كده؟ انا حاولت أدورها بليل تانى أمبارح قبل العشاء مظهرتش الرساله ديه، هى صحيح مدارتش برده بس كانت بتبدأ البدايه الطبيعيه بتبعت Oil Level OK و كده بس لمبه البطاريه كانت منوره فقلت بس ديه كده بطاريه، عشان أنا بصراحه عملت غلطه لما عملت ال Mode Test هى انى معرفتش اوقفوا منين!! :angry35: فسيبته و قلت هو هيشايك على كل حاجه و يقف لوحده بس امبارح لما حصلت المشكله ديه، رجعت دورت على المشاركه بتاعتك بتاعه ال Mode test و لقيت انه بيقف من زرار ال reset ، المهم لما لقيت لمبه البطاريه هى اللى نورت قلت كده سهله و روحت أصلى و قلت بعد الصلاه اشوفلها وصله من أى حد و اطلع أجرى بيها شويه على الدائرى تشحن فيهم و كله يبقى تمام، بس لما رجعت لقيتها رجعت تانى زى الأول و مش راضيه تنطق :help: و حاولت اوصلها على بطاريه واقفه بس مفيش اى response خالص فححاول أوصلها انهارده تانى على بطاريه دايره يمكن تلقط أى حاجه، لو لقيت حد فاتح أجيب منه وصله أصلا :sad: غير كده هتفضل مركونه تحت البيت 10 أيام لحد اما يفتحوا بعد العيد

---

طيب دلوقتى لمبة البطارية نورت.........يبقى المفروض تشوف شحن البطارية أخباره أيه

أعتقد أنك ممكن تلحق تشوف موضوع البطارية النهاردة.

أنت بعد ما عملت التست مود و نزلت من العربية قفلتها ولا عملت أيه ؟

و لو قفلتها هل لاحظت بعد ما قفلت أنها بتعمل حاجة ؟

لو كان المود ده بيستمر لو قفلت العربية يبقى فى إحتمال كبير أنه يكون خلص على البطارية.

شوف كده و طمنا.

اقتباس:

---

المشاركة الأصلية كتبت بواسطة medori

أنا شوفت الموضوع ده فى موضوع من المواضيع المثبته هنا كان عامله Sharky تقريبا عن الoptions بتاعت الmegane و كان أحمد عبد المقصود هو اللى كاتب الكلام ده، هو بيشيك على العدادات بتاعت العربيه و الانوار التحذيريه. اعمل search عن الmode test و هتلاقيه بس اقرأ باقى الردود عشان على حسب مانا فاكر فى ناس حاولت تجربه فى الshape الجديد و مشتغلش معاهم

---

هو فعلاً فى موديل 2005 و2006 يعنى الشكل القديم قبل ال face left

فى الجديد مش عارف أذا كان له طريقة ولا لأ.

[QUOTE=Ahmed A.Maksoud;3874481315]طيب دلوقتى لمبة البطارية نورت.........يبقى المفروض تشوف شحن البطارية أخباره أيه

أعتقد أنك ممكن تلحق تشوف موضوع البطارية النهاردة.

أنت بعد ما عملت التست مود و نزلت من العربية قفلتها ولا عملت أيه ؟

و لو قفلتها هل لاحظت بعد ما قفلت أنها بتعمل حاجة ؟

لو كان المود ده بيستمر لو قفلت العربية يبقى فى إحتمال كبير أنه يكون خلص على البطارية.

شوف كده و طمنا.

و الله يا أحمد انا نزلت الحرفيين تانى انهاردة بس كان كله قافل، دلوقتى هى مره تدينى Steering lock و لمبه الservice منوره من غير لمبه بطاريه و طبعا الدركسيون تقيل جدا جدا عشان مفيش باور خالص و عداد البنزين صفر و اجى ادورها بعديها بكام ساعه الاقيها بدأت عادى و لمبه الStop هى اللى نورت مع لمبه البطاريه مع Electronic fault على الكمبيوتر بس الباور شغال و قارى البنزبن اللى فى التانك و كله تمام ماعدا البطاريه!!

اقتباس:

---

المشاركة الأصلية كتبت بواسطة medori

و الله يا أحمد انا نزلت الحرفيين تانى انهاردة بس كان كله قافل، دلوقتى هى مره تدينى steering lock و لمبه الservice منوره من غير لمبه بطاريه و طبعا الدركسيون تقيل جدا جدا عشان مفيش باور خالص و عداد البنزين صفر و اجى ادورها بعديها بكام ساعه الاقيها بدأت عادى و لمبه الstop هى اللى نورت مع لمبه البطاريه مع electronic fault على الكمبيوتر بس الباور شغال و قارى البنزبن اللى فى التانك و كله تمام ماعدا البطاريه!!

---

مش عارف بصراحة أقولك أيه.........الحاجات دى مش المفروض تجتمع مع بعض كلها.

غالباً هتبقى بسيطة و تطلع القصة فى البطارية.

مفكرتش تجيب أفوميتر و تقيس شحن البطارية ؟

أو حتى تفكها و تروح لحد يقيسهالك ؟

أنا عارف أن الوقت ضيق بس حاول.

و لو مش لاقى حد فاتح و عاوز تطمن شوية ممكن تشوف حد صاحبك أو قريبك بطاريته من 70 ل 75 أمبير و تركبها عندك و تشوف أيه اللى هيحصل.

اقتباس:

---

المشاركة الأصلية كتبت بواسطة Ahmed A.Maksoud

مش عارف بصراحة أقولك أيه.........الحاجات دى مش المفروض تجتمع مع بعض كلها.

غالباً هتبقى بسيطة و تطلع القصة فى البطارية.

مفكرتش تجيب أفوميتر و تقيس شحن البطارية ؟

أو حتى تفكها و تروح لحد يقيسهالك ؟

أنا عارف أن الوقت ضيق بس حاول.

و لو مش لاقى حد فاتح و عاوز تطمن شوية ممكن تشوف حد صاحبك أو قريبك بطاريته من 70 ل 75 أمبير و تركبها عندك و تشوف أيه اللى هيحصل.

---

هحاول يا أحمد اشوف لو فى بطاريه اى حد من جيرانى ممكن أوصلها بس انا مكسوف اطلب كده من حد عشان هبقى بتقل عليه بزياده أوى

انا نفسى و الله تطلع بطاريه عشان انا كلمت عادل زوايا امبارح و اول ما سمع Steering locked قالى يا بطاريه يا طقم دواره و لما سالت عن طقم الدواره امبارح فى الحرفيين لقيتو استيراد ب 2000 جم :'( هو اللى مخلينى مرجح انها بطاريه هو انى زى ما بقولك موقفتش ال Mode test دة و حتى لما قفلت العربيه و ضلمتها لقيتو لسه شغال بس مكونتش متوقع انه هيدوخنى الدوخه دى، عامةً قدر الله و ما شاء فعل

برضه ممكن تجرب تفصل كابلات البطارية لمدة 10 دقايق أو ربع ساعة و توصلهم تانى و تشوف.

حاول تكلم أيمن momo10000 على الخاص

أحكيله على الموضوع و شوف رأيه أيه و لو يعرف يشوفلك حد يجيلك و لو ياخد مصنعية زيادة شوية علشان العيد.

ربنا معاك و مستنينك تطمنا إن شاء الله.

اقتباس:

---

المشاركة الأصلية كتبت بواسطة medori

انا الحمد لله اشتريت megane 2006 مانيوال من حوالى 3 اسابيع عامله 62,500 كم وعملتلها صياته ال 60,000 فى توكيل eim اللى فى المقطم يوم الاثنين اللى فات و كانت ماشيه معايا كويس أوى لحد امبارح باليل و كانت بتدور و زى الفل و أخر حاجه عملتها باليل هى ال mode test اللى عرفت طريقته من المنتدى هنا و كان كله تمام. النهارده جيت أدورها لقيتها مش بتدور و بيقولى steering locked و لمبه ال service منوره !!!! ده عيب ايه بقى يا رجاله و اعمل فيها أيه؟

أنا عندى حاجه تانيه هى لما بكون ماشى على الدائرى و بجرى ال rpm بيكون عالى شويه, يعنى على 130 بيكون جايب ال 4000 او معديها فصوته بيبقى عالى طبعا فبخاف اقرص عليه زياده و بقوم مهدى تانى بس لقيت هنا الناس بتكتب عن 160 و 190 و حاجات كده فا كنت عايز أعرف ال rpm العالى ده طبيعى ولا ايه؟

---

سبحان الله نفس المشكلة دى حصلت مع ابن خالى امبارح وبنفس الرسالة وكنا ساعتها على طريق اسكندرية الزراعى ... هو يادوب طفى العربية وراسها والف سيف ما تدور تانى ... بعدها كلمنا التوكيل المهندس قاله غالبا بطارية جرب تعمل وصلة وقفنا تاكس وعملنا الوصلة وبرضو مش راضية تدور وبما اننا داخلين على عيد فكله قافل المهم المهندس جالنا من العبور ومعاه بطارية اضافية وجرب طلعت البطارية فعلا فغيرها ب 750 جنيه و 75 جنيه تركيب
وعرفنا منه معلومة ظريقة هى انك حتلاقى على البطارية حاجة تعرفك حالتها وهو عبارة عن استيكر وجنبه حاجة زى اللمبة لو كانت اخضر فالبطارية كويسة ومش فاكر ايه اللون التانى تبقى قابلة للشحن ولو كانت ابيض يبقى البطارية ودعت خلاص ولازم تتغير وده فعلا اللى لقيناه

بس أنا احترمت خدمة توكيل رينو على اهتمامهم ومتابعتهم وكمان استجابتهم للمشاكل فى اوقات صعبة ... يعنى الراجل وصلنا على طريق سفر قبل الفطار ب 10 دقايق وفطرنا فى الطريق والراجل مش عايز يحط فى بقه حاجة غير لما يخلص شغله الأول بس احنا اصرينا انه يفطر ولو بأى عصير وبعدين يكمل

شيك على الخاص يا باشا.

اقتباس:

---

المشاركة الأصلية كتبت بواسطة figoo2001010

هو أنا مشترك بقالى حبة حلويين فى الرينو بس مسمعتش عن mode test دة يعنى اية و أية فيدتة !!!!!

---

كنت بقلب فى مواضيع الأستاذ أحمد عبد المقصود لقيت موضوع عبارة عن صورة حضرته جايبها والعربية مقفلة العداد المهم الصورة دى طلعت إن حضرته كان مشغل العربية فى التست مود مش فاكر الطريقة بالظبط بس هى منفعتش عندى لأن عربيتى 2007 يقال إنها ل 2005 و 2006 بس أما بتاعتى بتدخل ع الرينو كليب ودا كان كلام الباش مهندس هشام ليا

اقتباس:

---

المشاركة الأصلية كتبت بواسطة Ahmed A.Maksoud

شيك على الخاص يا باشا.

---

احمد انا لقيت هنا فى المنتدى موضوع حصل فيه نفس اللى حاصل معايا بالضبط

http://www.nilemotors.net/Nile/289578-a.html

انا كده الحمد لله اطمنت شويه عن الاول بس لازم هستنا لبعد العيد على ما الكهربائى يفتح. ربنا يسهل

[QUOTE=MohammedAladel;3874481685]كنت بقلب فى مواضيع الأستاذ أحمد عبد المقصود لقيت موضوع عبارة عن صورة حضرته جايبها والعربية مقفلة العداد المهم الصورة دى طلعت إن حضرته كان مشغل العربية فى التست مود مش فاكر الطريقة بالظبط بس هى منفعتش عندى ل
here is the link for the topic in which the mode test was mentioned in
http://www.nilemotors.net/Nile/22988-ii-3.html
but as I said before read all the replies carefully to avoid missing your cars around like what I did with mine ;)

النهارده بعد الصلاه روحت على الحرفيين، لقيت العسكرى فاتح بالصدفه كده عشان كانوا بيخدوا حاجه من الورشه و ماشيين، المهم كلمت ميدو و اول ما قلتيلو Steering locked قالى زى ما عادل قالى قبل كده طقم دواره، قلتيلو لا حصلت مع كذا حد قبل كده و كانت فيشه او فيوز فضل مصر انها طقم دواره و بيتصلح ب300 جنيه، قلتيلو تعالى بص عليها بس و يا سيدى لو طلع طقم دواره فعلا ابقى خد اللى انت عايزه.
اول ما دور قالى طقم دواره برضه و بدا يفك لحد لما فك الlock اللى فى الدركسيون و فضل يحاول يصلح فيه كتير و برضه مفيش فايده، نفس العيب.
قام مكمل فك لحد الboard بتاعه الفيش اللى ورا الفيوزات و فكها لقاها مليانه تراب طبعا و فى كام فيشه مملحه، روحت جبت علبه WD40 و علبه منظف تانى مش فاكر اسمها ايه و رشها على الفيش و الboard و حاول يدور، برضه مفيش فايده !!!!! و على ما جبت الWD40 و جيت كان فك قدام واتاكد ان كل الفيوزات اللى فى الكبوت سليمه. قالى انا هروح اجيب حاجه من الورشه و افطر و اجى، و بعد بتاع ساعه و نص كده، لقيته جايب طقم دواره جديد و لما ركبه مدرتش شويه فى الاول و قالى عشان ده طقم دواره auto و عربيتى manual و قام دايس على فيشه من الفيش اللى قدام بمفك و المفك التانى على البطاريه قامت دايره!! طيب يا عم، دى عايزه طقم دواره جديد، بكام يا ريس 2500 و عشان خاطرك 2200 :'(
فقلتلوا لا كده متلاقيش، قالى طيب انا هعمل اخر محاوله و قعد يبص على الboard بتاعت الفيش دى و قمنا وخدنها و لحمين فيها سلك من ورا و مطلعينوا من ورا الفيش و قام مدخلوا على الbin اللى مش موصله قامت دايره الحمد لله.
طبعا القصه دى خدت النهار كله من الساعه 1:30 لحد الساعه 6:30.
خدتها و روحت المشوار اللى كان ورايا النهارده و كانت تمام و انا رايح، لكن و انا راجع بعد ما طلعت بيها ب 5 دقائق لقيت لمبه الStop نورت مع Electronic fault طبعا انا خفت اوقفها لمتدرش تانى و انا كنت فى المهندسين ساعتها و قلت هتبهدل بيها قمت مكمل الطريق كله لحد البيت باسرع ما يمكن و ركنتها و بطلت، شيلت الكارت و دورت تانى، قامت دايره من غير اى مشكله!! المهم ايمن مومو لسه قافل معايا من شويه عشان انا كنت كلمته الصبح و مردش و لما قلتلو اللى حصل قالى كويس انك مغيرتش طقم الدواره و دى اخر حاجه تتعمل و فى كذا حاجه ممكن تتظبت قبليها و ان الوصله ديه مفيهاش مشكله و حكايه الelectronic fault دى لو اتكررت تانى لازم اشييك على الوصله دى او على مكنه الstop عشان ممكن تكون باظت من الفك و التركيب و الشغل فى الكهرباء و كده.
ودى حكايتى مع الميجان النهاردة، انا بجد كنت حابب العربيه اوى بس الموضوع ده ضايقنى كتير بصراحه و شكل السلك اللى ملحوم بازير ده و طالع من ورا الboard للفيشه مش راضى يطلع من دماغى و مضايقنى اكتر عشان حاسس ان العربيه متلصمه و ممكن تقل باصلها فى اى وقت و طبعا مش عايز برضه ادفع 2500 فى طقم دواره جديد.
ياريت لو حد عنده حل وسط يقولهولى عشان انا شكلى كده هبتدى اصدق اللى بيتقال على الميجان، انا من ساعت ما جيبتها من 3 اسابيع مروحتش بيها الشغل غير بتاع 4 مرات و شويه فى التوكيل بتعمل صيانه ال60 و ادفع 2500 و استلمها الثلاثاء، يطلعلى حوار الطقم ده كمان يوم الجمعه و يعطلها كمان اسبوع وادفع يا ريس كمان 2500!! ده غير كام حاجه صغيره ظبتهم كده فى السكه و بمبلغ مش بطال برضه، لا كده كتير يا جدعان، مش كده و لا ايه؟؟

ربنا معاك

بص هو كده كتير طبعاً............بس هو أنت قبل ما تجيبها كشفت عليها فين ؟

عموماً أيمن موصفلكش حد تروحله علشان يشوفلك الموضوع ده ؟

ياباشا انا قولتلك من الاول دى الفيشه بتغش ودى حصلت معايا قبل كده ونفس المشكله وفى حد كمان من الاعضاء حصلت معاه نفس المشكله وطلعت من الفيشه دى برضه وهى لها سببين يااما الفيشه عليها حمل كهربا وساحت يااما ملحت وعايزه تتنضف

http://imageshack.us/photo/my-images...022012525.jpg/


هى دى الفيشه المذكوره

http://img96.imageshack.us/img96/1320/02022012525.jpg
Shot at 2012-08-25

اقتباس:

---

المشاركة الأصلية كتبت بواسطة Ahmed A.Maksoud

ربنا معاك

بص هو كده كتير طبعاً............بس هو أنت قبل ما تجيبها كشفت عليها فين ؟

عموماً أيمن موصفلكش حد تروحله علشان يشوفلك الموضوع ده ؟

---

انا بامانه مكشفتش عليها فى التوكيل عشان كنا فى رمضان و مفيش فتره مسائيه و كنت عايز اخلص من القصه بتاعت العربيه بسرعه، انا كشفت عليها كمبيوتر فى مركز عادى بس كان عنده الdiagnosis program بتاع الMegane و رفعتها فى بنزينه و شيكنا بنفسنا على ان كل دواخلها سليمه و الحمد لله.
بس بعد كده وديتها التوكيل عشان الصيانه و مقالش اى حاجه فى الreport بتاع الصيانه زياده عن الحاجات اللى كنت عارفيها من الاول ان الدبرياج خفيف شويه و ان التيل محتاج يتغير كمان 2000 او 2500 كيلو يعنى تقريبا مع صيانه ال65000 مفيش حاجه critical يعنى و المفروض ان هما فى صيانه ال60 ديه بيشيكوا على معظم الحاجلت اللى فى العربيه و لو فى حاجه بيقولوا انها عايزه تتغير

هو كان الوقت متاخر بصراحه فمكنتش عايز اتقل على ايمن زياده، فقلت استنى شويه و اشوف الelectronic fault ديه هتطلع تانى ولا لأ، لو طلعت هكلم ايمن تانى ساعتها و اشوف بقى ممكن اعمل ايه.

اقتباس:

---

المشاركة الأصلية كتبت بواسطة gefoo

http://img96.imageshack.us/img96/1320/02022012525.jpg
Shot at 2012-08-25

---

للاسف مطلعيش هى المره ديه يا gefoo طلعت bin فى Board تانيه وان كنت شاكك والله ان هو اللى كسرها و هو بيحاول يفك الفيش لانها كانت جامده اوى و هو كان بيتعافى عليها جامد عشان يعرف يفكها لان مفيش سبب يكسر bin فى board جوه اوى كده فى كهربه العربيه كده من الباب للطاق من غير ما حد يقربله، لو كان Fuse كنت قلت عادى حمل زياده او تمليح، إنما bin فى الboard نفسها!!! يلا عامه قدر الله و ما شاء فعل

اقتباس:

---

المشاركة الأصلية كتبت بواسطة medori

للاسف مطلعيش هى المره ديه يا gefoo طلعت bin فى board تانيه وان كنت شاكك والله ان هو اللى كسرها و هو بيحاول يفك الفيش لانها كانت جامده اوى و هو كان بيتعافى عليها جامد عشان يعرف يفكها لان مفيش سبب يكسر bin فى board جوه اوى كده فى كهربه العربيه كده من الباب للطاق من غير ما حد يقربله، لو كان fuse كنت قلت عادى حمل زياده او تمليح، إنما bin فى الboard نفسها!!! يلا عامه قدر الله و ما شاء فعل

---

هى الفيشه فعلا بتبقى ناشفه جدا وصعبة الفك انا فضلت حوالى نص ساعه على مافكتها ممكن يكون فعلا هو اللى كسرها

احمد باشا .... كلمني في اي وقت لو سمحت