السلام عليكم ورحمة الله وبركاته
كنت عايز اخد رأيكوا يا شباب بين عربيتين .. الامبريزا 2012 والفوكاس 2012
من حيث:
1- الوكيل
2- وتوافر قطع الغيار في الوكيل
3- سعر اعادة البيع
واي حد عنده تجربه مع الاتنين سواقه او توكيل الخ
وشكرا
عرض للطباعة
السلام عليكم ورحمة الله وبركاته
كنت عايز اخد رأيكوا يا شباب بين عربيتين .. الامبريزا 2012 والفوكاس 2012
من حيث:
1- الوكيل
2- وتوافر قطع الغيار في الوكيل
3- سعر اعادة البيع
واي حد عنده تجربه مع الاتنين سواقه او توكيل الخ
وشكرا
راى الشخصى سوبارو
انا صحيح معنديش معلومات قويه على الفوكاس
بس اعتقد السوبارو فى الثبات لا غبار عليها
أرخص بحوالى 20 الف فى الهاى لاين وللو جبت البيزلاين هتوفر 30 الف واكتر كمان
قطع الغيار اعتقد متساويه فى الاتنين
سعر اعاده البيع برده مش هتفرق ويمكن السوبارو تمسك سعر عن الفوكاس
تجميع الفوكاس اعتقد هيبقى افضل بفرق بسيط
اختيار صعب
بس السوبارو نعومه مع الزمن
أختيار صعب............الأتنين ممتازين كعربيات
بس النقط اللى أنت أتكلمت عليها هى اللى مشكلة شوية..........يعنى الأتنين إعادة بيعهم مش قوى
الأتنين توكيلاتهم أعتقد متقاربة فى المستوى ( على السمع )
توافر قطع الغيار معتقدش فيه مشكلة إن شاء الله.
الأداء هتلاقيه متقارب و إن كنت أعتقد الفوكس هتفرق شوية بسيطة.
السوبارو أرخص بشوية كويسين.............بس الأتنين ملهمش نصيب فى سوقنا اللى ماشى بضهره.
حسب الأرقام اللى شوفتها السوبارو فيه فرق بينها و بين الفوكس حوالى 12 حصان أقل من الفوكس....
الفوكس قريت أنها 125 حصان بس مش متأكد 100% لأنى مش لاقيها على موقع فورد مصر ولا الشرق الأوسط حتى..........جايز تكون مكتوبة و أنا مشوفتهاش.
الأمبريزا من على موقع سوبارو مصر كاتبين أنها 84 كيلو واط يعنى المفروض 112 حصان و كسور.......قول 113 يعنى الفرق 12 حصان.
و من عادة فورد أن عربياتها بيكون صاجها محمل شوية و بالتالى وزن أتقل.
طبعاً الموضوع يدخل فيه عوامل تاينة كتير و علشان كده قولت "أعتقد"
طبعاً موضوع السعر محسوم لصالح الأمبريزا........أمكانيات أعلى بسعر أقل من الفوكاس.
متابع
لأ منسيتش......
بص........أنا دورت سريعاً كده على النت
الأمبريزا ال 1.6 مش لاقى حاجة ليها..........لقيت لل 2.0..... بتجيب من 0-60 ميل فى 10 ثواني.
الفوكس ال 125 حصان ( علشان نازلة بمواتير كتير 1.6) بتجيب من 0-60 فى 10.9 ثانية.
من هنا
2012 FORD FOCUS 1.6 Ti-VCT (125) TITANIUM specs, photo & performance data (model for Europe )
الأرقام مش منطقية بصراحة.........الأمبريزا ال 2.0 المفروض أنها 148 أو 145 حصان أصلاً.
يا ريت لو عرفت تجيب أرقم أكثر دقة يبقى جزاك الله خير.
شكرا على اهتمامكم وردودكم يا شباب ..
انا شايف الفوكاس من جوه احلى شويه من الامبريزا ولكن الامبريزا awd ودي حاجه حلوه جدا وانا ممكن اضحي بالاداء مقابل الجمال
كمان الكماليات في الاتنين تقريبا واحده يمكن الامبريزا اللي ب 160 فيها زجاج فيميه
بالنسبه للوكيل .. حاسس الاتنين زي بعض تقريبا .. الاتنين قبل 2010 كانت في شكاوي كتير اوي من الوكلاء لكن دلوقتي انا مش سامع كمية المشاكل اللي كنت بسمعها قبل 2010
لو حد مجرب الوكيل ده او ده يا ريت يشاركنا رأيه وتجربته عن جوده الفنيين وخدمة العملاء و توافر قطع الغيار
لغاية دلوقتي الكفه "بالنسبه لي" ارجح لصالح الامبريزا بس قلقان شويه من ابو غالي لانه قبل كده كان قارف الناس بس دلوقتي سألت كذا واحد معاه العربيه وقالي ان الدنيا كويسه , فهل ابو غالي حسن من مستوى الخدمه ؟
فاعتقد دلوقتي المقارنه تكون بين الوكيلين
أوافقكم في الرأي عن السوبارو الفوكاس ماعرفش عنها وحتى ماركبتهاش
بس مع فرق بسيط
سعر إعادة البيع في السوبارو مش بس مش اوي ده في الضياع خالص
يعني الي يجيبها مايفكرش يبيعها نهائي
ويستحمل اسعار قطع غيارها الناااار والي ممكن تدوخه على مايلاقيها صحيح كل حاجة موجودة بس في التوكيل ويمكن محلين 3 كمان
بس ركوبتها اي السوبارو حاجة تانية وان كان سحبها مش قوي خاصة انها 1500
انا لو مكانك هاكتفي اتفرج على شكلها الجميل وهي بتمر جنبي وممكن اركب مع واحد غاويها
لكن مااشتريهاش
ومايشتريهاش غير واحد غاويها يدفع علشانها ويستجمل مرمطة التدوير على بعض قطعها النادرة
آه ويحافظ على الموتور بتاعها اصل الموتور البوكس حكاية لو فيه شغل
تقبل مروري
الامبريزا 114 حصان .. اعتقد انها قدره كويسه .. وافتكر ان الفوكاس مش هاتفرق عنها متير في التسارع لان الفوكاس شكلها وزنها اكبر والله اعلم
مع تجربه فى سوبارو 2007 الله يرحمها فى حادثه
العربيه دى عفشتها رهيييييييييييييييييييييبه متغيرش فيها مسمار حلاال 120 الف كيلو بهدله واكل فى مطبات ونقر
واضح من سوق المستعمل ان العربيتين سعرهم بينزل وان كنت ملاحظ ان الامبريزا 2009 + سعرها في اعادة البيع افضل شويه عن الموديلات اللي قبلها
قطع الغيار للفئه دي اعتقد انها قريبه اذا كانت امبريزا ولا فوكاس ولا سيفيك ولا اوكتافيا المهم تواجدها في التوكيل لان بصراحه من تجاربي مع الصنايعيه بره .. ادفع شويه زياده وابعد عن الفتي بتاعهم والعك اللي بيعملوه
اما عن الموتور .. بتهيألي عشان يظهر فيه مشكله قبل 7 سنين على الاقل "من الاستخدام المعتدل" تبقى سوبارو بتهرج
شكرا على تعليقك
لو انت شاب ودمك حامي في السواقة وبتحيب التعديل والجري خليك في السوبارو. ثبات ممتاااااز سهلة التعديل فيها جدا لو مثلا ناوى تتعدلها wrx بعد كدا الموضوع بسيط بس مكلف شوية طبعا. دا كلة بلاضافة لمميزات العربيات الياباني عامتا ال هي الاعتمادية واستهلاك البنزين + ان عوامل الامان في السوبارو بتتصنف من الاعلي في العالم حقيقة. الفوكاس معرفش عنها اي حاجة اللهم اني كنت بسمع ان الامريكي ميتركبش أقل من 6 سلندر. توكيل ابو غالي ممتاز بالنسبة لباقي التوكيلات في مصر وأعتقد انهم بيشدوا حيلهم في الفترة الجاية. اعادة البيع دي حاجة بتاعة ربنا تماما وعمري ما اشتريت عربية وفكرت اذا كنت هعرف ابيعها بسهولة بعد كدا ولا لا. يعني مثلا الراجل ال انا اشتريت منةاالامبريزا كلمتة بعد ما حط الاعلان ب 5 دقايق بالظبط ورحت اتفرجت عليها في يوميها تاني يوم كنت بكشف عليها في التوكيل وشاريها. يعني متشغلش بالك أوي بموضوع اعادة البيع ال كاتبة ربنا هيكون.
بالنسبه للسوبارو عن تجربة ، قطع غيارها أه غاليه و لكن أرخص من عربيات كتيره فى فئتها بل و الأقل من فئتها كمان على سبيل المثال الكثير من قطع غيار الكورولا و السيفيك و المازدا 3 و اللألنترا الجديده أغلى من قطع غيار السوبارو و طبعاً المقارنة هنا بالقطع الغيار الأصلية و من التوكيل ، و العيب فيها و الى بيديها سمعة ان قطع غيارها غالية أن الواحد قبل ما يشتريها يسال على قطع غيارها فى التوفيقية و شارع دمشق و خلافة مش حيلقلها قطعة غيار و احدة و لكن حيسأل على قطع غيار السيارات سالفة الذكر سيجد لها الكثير من قطع الغيار الغير أصليه رخيصة الثمن نسبياً ثم يقارنها باسعار قطع غيار سوبارو الأصلية من التوكيل و هنا تكون المقارنة ظالمة جداً للسوبارو و فى غير صالحها بالتأكيد ، و أنا مش عارف إزاى واحد يدفع 150 ألف أو أكثر فى عربيه و يشترىلها قطع غيار غير أصلية و صيانة خارج التوكيل يبقى هنا بيخسر نص عمر العربيه من وجهة نظرى ، فالمقارنة ما بين السوبارو من ناحية الصيانة و قطع الغيار و السيارات الأخرى مثل الفوكاس فى التوكيل فى صالح السوبارو أكيد ، ده غير أنه توكيل فاضى عالطول ، يعنى انا بروح دايماً ابوغالى المعادى بحجز سريع و بروح بتكون الدنيا فاضيه لدرجة انهم بيدخلو فى المكان المخصص للسوبارو التيجو و الدايو و دى ميزه يحس بيها ملاك الهيونداى مثلاً و الشكاوى من الزحام الشديد و طول فترة الحجز ، أما بالنسبة لجودة التوكيل فى الصيانة أنا شيفها جيده جداً و بيرجعلك فى أى حاجة محتاجه تتغير لأخذ الموافقة قبل التغير و بيطرح عليك حلول مختلفة و متعونيين جداً ، مش زى بتوع الجيتا عربية والدتى يبيعوك العربية و هدومك .
بالنسبه للثبات حدث و لا حرج من افضل السيارات على الأطلاق من ناحية الثبات بفضل الدفع الكلى المستمر و المتور البوكسر اللى بيزود ثبات العربية كلما زادت سرعتها و كفاءتها العاليه جداً فى الملفات الحاده التى تعطيك ثقه لدرجة الغرور ،
بالنسبه للتسارع اعتقد ان 115 حصان جيدين جداً لأن عربيتى 96 حصان فقط و لكن ادائها مقبول جداً و بتكون طلقة بعد ال120 فيما فوق يعنى ممكن هيونداى تطلع منى من الثبات و لكنى أطلع منه ببساطة بعد ال 100 خصوصاً لو كان فيه تيار هواء معاكس أو مطلع و مع العلم أن ال 115 حصان دول 115 حصان بجد مش 140 و 130 حمار كورى زى بتوع السيراتو و ليؤكد كلامى السيراتو الخيبانة بجنوط 17 و السوبارو بجنوط 15 فقط ده دليل انهم بيدورو على الأداء الجيد بعيداً عن الشكل الفارغ و كلنا عارفين مشاكل الجنوط ال17 مع العفشة و النشوفيه و البلالين اللى بتطلع فى الكاوتش و خلافة .
أما سعر ما بعد البيع فغير جيد على الأطلاق ، يعنى عربية العمر ، لأن المصريين ينتهجون سياسية القطيع ، الهيونداى و الكيا منتشره فى الشارع تبقى عربيات تمام لكن الى منشفوش مانعرفوش و منسألش عليه و نطلع عليه كمان إشاعات .
شكرا dfdfdf على تعليقك .. كلامك مضبوط جدا
khalid_adel يهمنا رأيك يا باشا كأحد ملاك الامبريزا .. انا متابع مواضيعك وتعليقاتك من فتره وبحترم ارائك جدا
يا ريت تشاركنا برأيك او تجربتك مع العربيه
من تجربتى للسوبارو موديل 2005 و 2009 :
عربية فوق الممتازة :
نقاط القوة بالعربية:
1) ثبات رهيب على الطريق مع تحكم بالسيارة رائع غير موجود بأى عربية بالسوق غير الأودى ال awd منها. يعنى فعلا من غير مبالغة ثبات يفوق بى ام 316 و 318 و 320 كمان.
2) عربية اعتمادية : قطع غيار معمرة يعنى مثلا تيل الفرامل يعمل 550 بتركيبه بيقعد معاك من 35000 الى 45000 كم حسب الاستخدام ... شوف اى عربية تانية التيل بيتغير امتى و بكام .. اكيد هتلاقيه ارخص بس شوفه هيتغير كل كام . و مثال أخر سير الكاتينة بصيانته ( تغيير سيور العربية و تروس الكاتينة و البلى) يعمل 2500 بس بيتغير عند 90000 كم ... هل عندك عربية بالسوق بتمشى بنفس المسافة و متغيرش السيور!!!
3) عفشة تستحمل كل انواع الطرق .. العفشة ميتغيرش فيها مسمار حتى الأن.. انا عامل 88000 كم و مغيرتش غير مسمارين استابيليزر ب 400 ج . غير كده مقربش من العفشة الحمد لله.
4) سعر منافس جدا للسوق مقارنا الكورى اللى سعره مش طبيعى بالمرة و لا يوجد فرق بالامكانيات على العكس السوبارو تتفوق فى اساسيات العربية..
5) عربية واخدة فى اختبارات الأمان 5 من 5 عكس الكورى كله اللى مبيعديش 4 بالعافية.
نقاط الضعف :
1) سعر اعادة البيع مش عالى و ده لعقلية السوق بتاعنا ( بس دى عربية متتباعش -- عربية العمر بمعنى الكلمة)
2) قطع الغيار الخارجية اللى غالية شويه بس دى فى أى عربية يابانى او اوروبى كده :
يعنى الفانوس الأمامى بيوصل ل 1700 ج , الرفرف ممكن يوصل ل 900 او 1000 .
أخيرا لو انت بتفكر تشترى عربية ليك و للعمر تريحك و متصرفش على صيانتها كتير يبقى سوبارو لو بتفكر بعقلية السوق بتاعنا انى اجيب عربية النهاردة و ابيعها بكام بكره يبقى اشترى عربية تانية.. لان كده سوبارو مش ليك.
متشكر لذوقك
بص انا مش لاقي كلام اقوله الاخوه عملو الواجب وزياده
انا مش حقولك غير نقطه واحده
انا كان معايا 2006 وبيعتها في 2010 يكفي اني اقولك ان كان معايا عربيه بحلف بيها لحد دلوقتي ولازلت متابعها وشوف التوقيع بتاعي
واديني اهو دلوقتي بدور على واحده تاني ان شاء الله بس مستني حاجه لقطه بقي اصلي سوبارجي قديم :):):)
السوبارو العربية ديه كان نفسي فيها بس مفكرتش اجيبها
بعد الشكل الجديد بالسعر ده .... الاعجاب اتحول لحب
ويالموضوع ده اتحول الحب .... لغباوة علشان نفسي اجيبها هههههههههههههههههههه
وكل ما الاعلان بتاعها يجي بتمني انزل اجيبها دلوقتي :d :d
وكفاية ان الواحد عرف نايل موتورز وده لوحده كنز ماشاء الله
ادام فيه ناس بنت ناس يقدروا يفيدوك في اي حاجة
وده اللي كنت مفتقده لما كان مغايا البولو وطلعت عيني ...... وملقيتش حد يغيثني
بس الحمد لله كل شئ نصيب
-------------------
اخيرا انا مقعدتش في السوبارو .... بس شوفت الفوكاس
خامات الفوكاس جميييييلة جدا والتابلوه فيوق الرائع
السوبارو خامتها ايه ؟ ...... مش عارف
بقالي اسبوع عايز اروح اشوفها والله بس زنقة دخلة العيد و الزحمة بقي
اهم حاجة متنساش لاستخارة وربنا ييسرلك كل خير يارب :d
خلاص ياسونا بعد العيد نظبط مع بعض ونروح نشوفها
العربيه موجوده عند اوتو سمير ريان ؟ عاوز اشفها على الطبيعه
عن تجربة مع السوبارو العربية دي انا كنت هموت لولا ستر ربنا و بعديه العربية
ماشي 140 و على منزل و عند اليوترن اللي على محور الشهيد واحد ناصح بياخد ملفه على واسع و انا نازل البيه قدامي و واحد محترم واخد ملفه على ضيق على الشمال ستر ربنا مع فرامل و ثبات العربية الممتازين اخدت غرزة لحد النهاردة معرفش عملتها ازاي و العربية كانت ماسكة نفسها كويس جدا اكنها طوبة على الارض
لسة بتكلم على السوبارو انا واحد عندي مشاكل في ظهري و لما اقعد في اي عربية ورا بنزل ظهري واجعني لمدة يومين السوبارو بقالي سنة و شوية بركبها ورا و قدام و في كل حتة سايق و راكب و نقر و مطبات الخ... اريح عفشة شفتها في العربيات اللي ركبتها و امتنها
السوبارو كعربية اعتمادية لأقصى درجة و صيانتها لو متابع مع التوكيل الدنيا هتبقى ماشية معاك كويس و اسعار الصيانة بتاعتها من كلام صاحبي لقيتها قريبة من اسعار صيانة اللوجان اللي معايا بس لما اتعور في فانوس جابو من التوكيل ب1700 جنيه و الفوج كان ب800 تقريبا و ملهاش ناس كثير شغالين فيها في الحرفيين تقطيع
و مواتير السوبارو عموما من اكثر المواتير المعمرة لدرجة انهم برة بيقولوا السوبارو دي عربية الجد يشتريها تتوراثها اجيال العيلة =)
اللي ظالمها في ال2010 اللي بركبها هي الموتور ال1500 اللي راكب فيها طلعته تقيلة و مش مدي العربية حقها خصوصا ان نفس الشاسيه هو هو اللي في الWRX مع شوية تعديلات بسيطة جدا لكن في الاساسيات هو هو
وسائل الامان بتاعتها ممتازة خصوصا على عربية كانت ب150000 و 6 ايرباج و ABS,EBD غير ان في حاجة كدة بعرض العربية مش فاهمها علشان لو لا قدر الله حادثة من الجنب تبقى بردو حامية الركاب الخ...
كفاية انها عربية مش بتتقف غير في امريكا و اليابان فقط لا غير
بس رحت اتفرجت على الجديدة معجبتنيش قوي بصراحة و اتصدمت لما ركبتها لسة عاوز احجز test drive علشان احدد الموتور ال1600 مع الفتيس الCVT حسنوا الدنيا عن القديمة ولا لأ بس حسيتها dull كدة من جوة لون واحد كدة و التابلوه مفيهوش فن بس العدادات شكلها تحفة
العربية من جوة اوسع بكثيييييييير عن القديمة و كراسيها مريحة جدا و دي اول حاجة تاخد بالك منها اما تركب
الكونسول اللي في النص بردو عاملينه بشكل كويس بحيث انك تبقى شايف كل حاجة بوضوح بس كان ناقصه سنة دلع شوية
مسند اليد اللي فيه الAUXو Ipod علوه بحيث تعرف تسند ايدك عليه و انت سايق بدل ما كان في الارض في القديمة
الHigh Line مش رخيصة هي تقريبا نفس سعر الفوكاس 180 تقريبا من غير كروز و لو عاوز تركبه ب1000 جنيه تقريبا او 1500
لسة عاوز اتفرج على الفوكس علشان احسم بينهم مين احسن و اعمل لل2 Test Drive
بس الفورد ممكن تمسك سعر في البيع عن السوبارو و في نفس الوقت قطع غيارها ارخص منه السوبارو و الوكيل بتاع فورد عن تجارب الناس كويس جدا
بس 150 نيوتن
والفوكاس 159 نيوتن
وده اللي هيفرق في السحب
بص كسحب وتسارع الفوكاس هتكسب
الفوكاس تصنيع وتصميم وتقفيل الماني ، ودي نقطة قوية في صالحها
استهلاك البنزين في الفوكاس 6.5 لتر في ال 100 كم
والسوبارو 7 لتر في ال 100 كم
يعني الفوكاس احسن
الامبريزا cvt وده هيقتل التسارع اكتر
الاتنين شكلهم كويس والامبريزا اقرب لليجاسي
الشكل الداخلي في الفوكاس احسن بكتير واعتقد الخامات في الفوكاس احسن
الامبريزا اوسع شوية من الفوكاس وكراسيها مريحة جدا
بس عزلها مش كويس خالص للاسف
عامة موتور البوكسر بتاع الامبريزا سمعته مش كويسة اوي ( ده كلام ناس كتير ومنهم formulator )
كان من الافضل يخلوها 6 سرعات اوتوماتيك بدل ال cvt اللي بيقتل التسارع عشان يقلل استهلاك البنزين في رايي
زوايا الرؤية في الامبريزا ممتازة والمرايات كبيرة وكذلك الزجاج الخلفي ، وطبعا ثبات عالي جدا بسبب ال esp و awd اللي من اكبر مميزاتها والوحيدة في الفئة اللي نازلة AWD ستاندرد
بس كهاندلينج كل الناس بتجمع ان الفوكاس احسن وامتع في القيادة
في رايي تعمل تيست درايف للعربيتين وتشوف بنفسك
ومعتقدش انك هتحتاج ال AWD كتير برضه
الامبريزا القديمة دهانها كان ضعيف وبيتقشر بسرعة ، معتقدش الجديدة اتحسنت كتير
الخلاصة لو محتاج AWD والوسع هات الامبريزا غير كدة الفوكاس
فى ميزه كمان فى صالح الفوكس من حيث الجرى , حتى لو الامبريزا مش CVT واوتوماتيك عادى , الفوكس Dual Clutch :)
ومن ضمن نقط المقارنه المهمه هى البنزين , الفوكس لازم 95 الامبريزا اعتقد تمشى ب 92 عادى لان ال Compression Ratio 10.5
معاك في دي بس مع التكييف ال95 بيفرق و في نفس الوقت ال92 في مرة واحنا ماشيين الكروز فصل والcheck engine نورت و كنا بنلف حوالين بعضنا وداها التوكيل لحظة شالوا الerror و كان بسبب البنزين
من بعدها و بعد الخضة اللي حصلتلوا دي حلف 100 يمين مش حاطط 92 ثاني =)
يعني الفوكاس والامبريزا لازم بنزين 95 ؟؟
ما هو اختصار awd وهل خاصية الدفع الرباعى وهل إنت بإمكانك تخلى العربية تمشى دفع رباعى أو تمشى دفع أمامى ؟
سوبارو طبعااااا
عشان تبطل شك :)))
MSN-Cars Hatchback Challenge Subaru, Golf BMW and Audi A4 at Rockingham - YouTube
ده كمان مش مجرد دفع رباعى عادى ده الموديلات الحديثة كلها بتوزع العزم على العجل اللى ثابت على الارض اكتر!!!!! يعنى اللى بيلف على الفاضى يروح له عزم اقل مش عارف ال Mechanism بتاعتها بس هى كدة!!
أنا جربت عربيتين فورد فوكس وحدة ٢٠٠٧ و واحدة ٢٠١٢ ....
إل ٢٠٠٧ بتاعت أخو المدام في مصر عربيه حلوة وتقيله ومحترمة في كله ...
إل ٢٠١٢ جربتها من شهر في امريكا ...كنت فاكر أني هركب حاجة كفاءة خصوصا إن شكلها من برة حلو جدا ...
العربية عبارة عن تبلوه شيك ...لاكن ضيقة ويمكن أضيق من القديمة
فتيس من أسوأ ما يمكن وزهكتني في سواقتها وعموما الفورد الجديد واضح إنه تعبان ، أنا كان لسا واخد من المطار فورد موستانج gt 2012 .....كل الكماليات وكبروليه ...العربيه تعبانة ...طبعا الموتور خيالي وشديت مع بورشه نفخته .....لاكن أستبلتي تعبان جدا مقارنة بالب أم .... فإذا كان الناس بتقول إن سوبارو زي البي أم إذا الفورد زي الترسكل مقارنة بيها ...