غيرت ماستر الفرامل و الخراطيم الامامية
السلام عليكم
طبعا انا كنت نزلت موضوع عن الفرامل من يومين
http://www.nilemotors.net/Nile/303905-a.html
و امبارح رحت عملتها و التفاصيل كالتالي :
اشتريت ماستر عمومي اصلي و خرطومين امامي اصلي من ابوالحسن اللي عند جامعة القاهرة و بالمرة غطاء قربة المساحات كان وقع مني اشتريته من عنده لاني سألت عليه كذا مرة في التوكيل اللي في الرحاب و مجاش
الاسعار : ماستر فرامل عمومي نوبيرا 475 (و بتاع الانوس بنفس السعر علي فكره بس انا سمعت كلام الاستاذ محمد ممدوح و الاستاذ طارق و فعلا الفرامل احسن) و الماستر بتاع الانوس سعره في توكيل شيفروليه 629 جنية !!!! و قطع الغيار حسب كلام الراجل اللي هناك كلها غليت من اخر طلبيتين قطع غيار !!!!
الخرطوم الواحد ب 60 و الغريب انه كان بيقولي الواحد ب 65 فقومت قولتله لا انا سألت في التوكيل قالولي 59 فقالي خلاص ياعم ب 60 !!!! ده المفروض انه موزع معتمد !!!
غطاء قربة المساحات ب 5 جنية و ده البتاعه اللي بتخليه متعلق في القربة طريقة تركيبها رخمة جدا لازم تقلبها الاول و بعدين تلفها و المكان ضيق جدا
رحت عند محمد عبده اللي في المطرية مش التالي و ركبتهم ب 50 جنية مصنعية و غيرت زيت الباكم كله بزيت باكم موبيل Dot 4 اخدت علبتين العلبة ب 15 جنية واخدت هواء لل 4 عجلات
الحمد لله الفرامل احسن كتير و كفاية ان الواحد مش خايف و هو ماشي زي الاول
و ربنا يستر و تيجي علي قد كده احسن الواحد بقي علي الحديدة والله
الغريب اني روحت لقيت مراتي بتقولي الحق العربية الانسر الشنطة مش بتقفل و نزلت انهرده عملتها و انا هفقرع ههههههههههه
العربيات بتعمل الصح معايا قبل العيد و ربنا يستر بقي
و اخيرا شكر خاص لاستاذ طارق لاني صدعته علي التليفون و انا بشتري الحاجة لان الراجل عند ابوالحسن فضل يلعبلي في دماغي و يقولي لا خد الماستر بتاع الانوس بلاش النوبيرا دي فرامل و هتموت نفسك و كلام مرعب بس استاذ طارق فهمني الفوله و قالي ان ماستر اللانوس مش بيتباع تقريبا لان كل الناس عرفت الموضوع و بقوا يشتروا النوبيرا و هو بيحاول يبعلك اللي راكد عنده
و شكر طبعا لكل الاعضاء المحترمين اللي ساعدوني بالنصيحة و عيد سعيد عليكم جميعا