كل ما تريد معرفته عن الفليونس و ميجان iii

السلام عليكم

الموضوع ده هجمع فيه روابط مفيدة عن الفليونس..........أسوةً بباقى موديلات رينو.

اختبار قيادة الفلوينس

اسعار الصيانة و قطع الغيار للفلوينس

حصريا اسعار معظم قطع غيار الفلوينس

تقييم ميجان 3 على الطرق المصريه

مشاركات مفيدة - فلوينس سيدان و ميجان هاتش باك 3

طبعاً الفضل فى المواضيع دى يعود للعضو bukla و العضو esslynx

و الفكرة مسروقة من Sharky هو أول واحد عمل مواضيع " كل ما تريد معرفته عن"

يا ريت لو فيه موضوعات تانية أنا مش عارفها تحطو لينكاتها هنا.

شكرا علي المجهود

الف شكر علي الموضوع. كنت بدور علي تقييم للفلوانس

تسلم الايادى
وكل سنة وانت طيب وربنا يبارك عليك ولك على المجهود الرائع
دة فعلا ريحتنى من لف كتير فى المواضيع
وعيد سعيد عليك ان شاء الله

مشكوررر علي مجهودك يا باشا ..

أنا بيتهيألي دول أشهر موضوعين للفلوينس

http://www.nilemotors.net/Nile/155175-a.html

http://www.nilemotors.net/Nile/147081-a.html

شكرا ليك و ل بوكلا و ل شاركي
و شاركي يمكن يعتبر هو مؤسس قسم الرينو .. و يمكن ناس كتير خصوصا الأعضاء الجدد ماتعرفش جهوده لأنه أصبح قليل الدخول ..
الله يمسيه بالخير

شكرا ليك
و شكرا لى كل واحد ساهم فى مشاركة عن الفلوينس لمساعدة الاخرين

موضوع جميل جدااااااااا
الف شكرررررررررررررررر

تجربتى للفلوانس ٢٠١٣ ( الشكل الجديد )

السيارة بسم الله ما شاء الله سحبها ممتاز مع الموتور و الفتيس الجديد
شكلها الامامى جبار و العداد الديجيتال حكاية
انا جبت اول فئة اوتوماتيك بس فى الواقع انا بحس أنها هاى لاين. لانها فيها كل حاجة
بلوتوث ، وحداة رفع ، مثبت سرعه و محدد سرعة ، طارة جلد , فوج لايت ، ستارة خلفية ، مالتي فانكشن ، درج مبرد (ثلاجة)
بالاضافة للأمان أنظمة الفرامل abs ,ebd , bas الفرامل ما شاء الله بتحس أنها هتسعفك فى اى موقف و كمان فى نظام زى ESP. بيتحكم فى الاتزان TCS

بالنسبة للعفشة بتحسسك أنها تسلك فى الحديد
بالنسبة للاتزان مافيش كلام
آخر نقطة هى سعر إعادة البيع انا قبل ما جيبها كنت عايز اشتريها مستعمل كالعادة بس لاقيت أنها بتتباع كويس يعنى كان قدامى واحدة ٢٠١١ e2 (اول فئة اوتوماتيك ) عداد ٣٥٠٠٠. اتباعت ١١٩٠٠٠ بعد سنتين علما بان سعرها الزيرو فى ٢٠١١ كان ١٣٢٠٠٠ يعنى سعر إعادة البيع جيد جداً وذلك بفضل ما حققته السيارة من سمعة طيبة عشان كدة اتوكلت و جبتها زيرو ده غير أن كل المواضيع إللى قراءتها عنها كانت محترمة جداً

بصراحة يا جماعة السيارة ممتازة

اقتباس:

---

المشاركة الأصلية كتبت بواسطة mohamedarazak

تجربتى للفلوانس ٢٠١٣ ( الشكل الجديد )

السيارة بسم الله ما شاء الله سحبها ممتاز مع الموتور و الفتيس الجديد
شكلها الامامى جبار و العداد الديجيتال حكاية
انا جبت اول فئة اوتوماتيك بس فى الواقع انا بحس أنها هاى لاين. لانها فيها كل حاجة
بلوتوث ، وحداة رفع ، مثبت سرعه و محدد سرعة ، طارة جلد , فوج لايت ، ستارة خلفية ، مالتي فانكشن ، درج مبرد (ثلاجة)
بالاضافة للأمان أنظمة الفرامل abs ,ebd , bas الفرامل ما شاء الله بتحس أنها هتسعفك فى اى موقف و كمان فى نظام زى esp. بيتحكم فى الاتزان tcs

بالنسبة للعفشة بتحسسك أنها تسلك فى الحديد
بالنسبة للاتزان مافيش كلام
آخر نقطة هى سعر إعادة البيع انا قبل ما جيبها كنت عايز اشتريها مستعمل كالعادة بس لاقيت أنها بتتباع كويس يعنى كان قدامى واحدة ٢٠١١ e2 (اول فئة اوتوماتيك ) عداد ٣٥٠٠٠. اتباعت ١١٩٠٠٠ بعد سنتين علما بان سعرها الزيرو فى ٢٠١١ كان ١٣٢٠٠٠ يعنى سعر إعادة البيع جيد جداً وذلك بفضل ما حققته السيارة من سمعة طيبة عشان كدة اتوكلت و جبتها زيرو ده غير أن كل المواضيع إللى قراءتها عنها كانت محترمة جداً

بصراحة يا جماعة السيارة ممتازة

---

شكرا علي المشاركة بتجربة الفلوانس 2013 الشكل الجديد .. انا معايا العربية من اول الشهر اللي فات و فعلا انطباعي عنها هو نفس كلامك .. بس متهيألي مافيهاش مبرد لدرج التابلوه

لو مشغل التكييف يا باشا و مديت ايديك فى درج التابلوة هتلاقية بارد

ماشاء الله ....... انا شفتها فى المعرض فى شهر يناير اللي فات ولقيتها بالشكل الجديد زتم تعديل الموتور ليصبح 110 حصان بدل 105
بس شكلها تحفه ...... واتوهمت لما لقيت العدادات ديجيتال كامله
الف مبروك ليكم يا جماعه بجد ممتازه وربنا يبارك لكل اللي اشترتها او حيجبها

لو سمحتو يا ملاك فليوينس 2013 الشكل الجديد ......
الاستاذ mohamedarazak قال انه يملك الفئه الاولي وقال كميه كماليات ماشاء الله كتيره وخطيره
فبرجاء تقولي :
1- سعرها كام
2- ماهي الكماليات الاعلي فى الفئات الاخري
3- ايه اخبار المنحنيات علي السرعات ...... لاني شفتها للاسف مازالت علي نظام torshon beam يعني نظام الكامه الواحده وليس تعليق منفصل فياريت تعطينا رايك بكل حياديه

اشكركم جدا

ايه يا جماعه ....... مفيش تعليقات ليه انا نفسي اقرأ غليها تفاصيل اكتر
سعرها كام الايام دي

كل سنة وانتم طيبين

ياريت حد يجاوبني

اقتباس:

---

المشاركة الأصلية كتبت بواسطة ALshahba

كل سنة وانتم طيبين

ياريت حد يجاوبني

---

التورشن بيم الاوروبى بيكون مختلف عن الاسيوى و بالتالى ثباتها جيد جدا و كثير من الاوروبى تورشن بيم مش ملتى لينك والسياره عند السرعه فى الملفات جيده مع وضع حجم السياره ووزنها فى الاعتبار ، هوه فيه شويه body roll حسب تقييم السياره فى مواقع خارج مصر لكن طرق مصر لم تسمح لى بهذه التجربه ،لكن همه عاملين تيونينج ممتاز للعفشه يوازن بين النعومه والثبات واى سياره فى فئتها لو خلوها اثبت فى الملفات عن كده هتكون عفشتها ناشفه و لو خلوها انعم هيقل ثباتها كتير و سعر تانى فئه اوتوماتيك كان ١٦٩٥٠٠ E3 وفيها بلوتوث و كاسيت mp3 وaux و تكييف تاتش امامى و خلفى الجانبين منفصلين فى التحكم بالحراره و حساسات نور و مطر و فوج لايت ومرايا ضم و كنب خلفى قابل للطى ١/٣-٢/٣والاعلى منها E3sr فيها زياده سنسورز خلفى و فتحه سقف ب ١٧٩٠٠٠ والاعلى ١٨٨٠٠٠ حسب ما اتذكر و فيها الاير باجز ٦ بدلا من ٢ يوجد فى الهاى لاين النور الامامى يتحرك مع الدركسيون و سنسور امامى و حسب معلوماتى لا يوجد زينون ولا فرامل يد اتوماتيك فى مصر الا بالطلب ولا يوجد esp فى مصر عموما يفضل التاكد من هذه التفاصيل ،،اما فرامل الabs والتحكم الالكترونى فيها و نظام مساعده الفرامل واتنين ايرباج و بارات حديد للحمايه فى الجوانب فهى ستاندر فى حميع الفئات

اشكرك جدا
بس التوكيل قالي ان الجديد منها التوب لاين نازل فيه النور الامامي زينون وبيتحرك فوق وتحت اوتوماتك فقط وليس يمين وشمال ويوجد اوبشن انك ممكن تركب حساسات كاوتش علشان تقدر تحدد ضغط الاطارات وقالي ان الكرسيين الاماميين للسائق اللي جانبه بيكونو كهرباء الحركه والجنوط اسبور 17 بوصه 215\55 والسعر 199000

هو الموتور تم تعديله واصبح 110 ولا 115 حصان ؟؟

اخباراستهلاك البنزين داخلي عامل ايه

أسف على التأخير يا باشا

بالنسبة للسعر e2 155000
بيزيد السعر ٥٠٠٠ عشان تستلم فورى

ال e3 169000 تقريبا
دى فيها أوبشنز بالهبل
ماعدا فتحة السقف
بالنسبة للثبات فى المنحنيات بسم الله ما شاء الله ممتاز علما بأننى. سوقت عربيات المانى كتير على طريق سفر زى الباسات و الجيتا و الفوكاس و اليون عموما الأوربي يعنى امان

١١٥ حصان
استهلاك البنزين فى رأيى مرتفع نسبيا بس مقبول

بالنسبة لقطع الغيار جوة التوكيل سعرها مناسب و اقل من توكيلات تانية كتيير
برة التوكيل قطع الغيار موجودة أصلى و تركى و صناعات تانية

اشكرك جدا استاز Mohamedarazak واتمني التواصل بنا وماتنساناش كده :satelite:
اما بالنسبة لاستهلاك البنزين انت بتقول انه مرتفع نسبيا......... ياريت توصلنا تجربتك وتعرفنا بتعمل كام كيلو فى اللتر الواحد
واخبار التكييف ايه ؟؟؟؟

لا شكر على واجب يا باشا و انا سعيد بمعرفتك :satelite:
بالنسبة للبنزين ١٠ لتر. 90 كم تقريبا داخل المدينة
بالنسبة للتكيف تبريدة كويس جداً

واخبار الفرامل مع السرعات

بسم الله ما شاء الله

السلام عليكم شباب احلى منتدى سيارات و مبروك لكل اللى اشترى عربية جديدة و ربنا يبارك
بقالى 3 ايام بلف النت عشان الاقى منتدى محترم و الحمدلله وصلتلكوا :satelite:
انا لسه جايب فلوانس 2011 بس فى السعودية مستعمل من الوكيل هيا تقريبا نفس المواصفات فى مصر وهيا نفس 2012 و 2013 انما 2014 مختلف العداد الديجيتال بس ... مع اختلاف الشكل الخارجى من قدام بس
ممكن حد يفيدنى هل فى كتيب ارشادات المالك او ممكن اجيبة منين ؟
عندى مشكلة الشاشة اللى فوق الطابلوه اللى فيها الساعة و درجة الحرارة مش بتطلع اى حاجة تانية غيرهم . مش هيا المفروض تطلع الكاسيت و كده ؟ هل فى حاجة ممكن اعملها و لا هيا كده بايظة ؟

شكرا ليكم جميعا :satelite:

مبروك ملاك الميجان 3
عن قريب حيبدأ نزول الموديل التيربو tce
وان شاء الله يحصله الفلونس (بس بعد 4-5سنين تقريبا)

اقتباس:

---

المشاركة الأصلية كتبت بواسطة mohamedarazak

لا شكر على واجب يا باشا و انا سعيد بمعرفتك :satelite:
بالنسبة للبنزين ١٠ لتر. 90 كم تقريبا داخل المدينة
بالنسبة للتكيف تبريدة كويس جداً

---

الاستهلاك بيقل بمعدل ملحوظ بعد 3000كم
ياريت لو وصلت للعداد ده تنقللنا تجربتك عن الاستهلاك ..... ولو قبل كده ياريت برضو نعرف اخر الاخبار لاستهلاك البنزين بصفة خاصة والحاله العامه

ارجو معرفة ايهما افضل رينو ميجان ٢٠٠٨ او بروتون بيرسونا زيرو و ارجو معلومات عن رينو ٢٠٠٨

اقتباس:

---

المشاركة الأصلية كتبت بواسطة magdy277

ارجو معرفة ايهما افضل رينو ميجان ٢٠٠٨ او بروتون بيرسونا زيرو و ارجو معلومات عن رينو ٢٠٠٨

---

- بصفة عامه اي جديد افضل من اي مستعمل
- اما توكيل بروتون .....للاسف سئ ....بالاخص مع برتون .....يعني لو داخل بفولفو او سيتروين مثلا حتلاتقي تعاملات راقيه جدا .....غير كده قطع الغيار عند عز العرب غاليه وبتتأخر
- الرينو كويسه جدا ....ولكن يعيبها كثرة تغيير الكويلات وسعرها مرتفع نسبيا .....وكمان تكييفها مش كويس.....عكس البروتون بيرسونا تكييفها ممتاز
- اما التسارع >>>بيرسونا
الثبات>>> ميجان
الامكانيات >>>ميجان
الشكل الخارجي>>> موضوع نسبي
الراحه الداخليه>>> متساويان
استهلاك البنزين >>> متساويان (ويفضل البيرسونا لكونها جديده)

وممكن الباقي الاعضاء الافاضل يفيدوك فيه

Thnxxxx

خالص الشكر لكم جميعاً على هذا الجهد المبذول والذي كنت في أشد الحاجة إليه

شكرا على المعلومات القيمة

اقتباس:

---

المشاركة الأصلية كتبت بواسطة ALshahba

مبروك ملاك الميجان 3
عن قريب حيبدأ نزول الموديل التيربو tce
وان شاء الله يحصله الفلونس (بس بعد 4-5سنين تقريبا)

---

يعني أيه موديل تيربو tce

أفيدوني يا خبراء الرينو
هشتري ميجان 3 هاتشباك موديل 2010 هاي لاين
أيه رأيكم فيها وما هي مميزاتها و عيوبها وأخبار قطع الغيار متوفرة وأسعارها معقولة ولا أيه
وشكرا للجميع

طيب بالنسبه لصوت الماتور للرينو فلوينس 2011 اتوماتيك انا بسمع صوت نقره واضحه اوى هل ده طبيعى ولو مش طبيعى يبقى ايه السبب

طيب بالنسبه لصوت الماتور للرينو فلوينس 2011 اتوماتيك انا بسمع صوت نقره واضحه اوى هل ده طبيعى ولو مش طبيعى يبقى ايه السبب