هل هناك نتشة فى فتيس الفلوانس

**sanset** · 05-06-2010 10:51 PM

اولا احب ان اوضح انى من عشاق رينو منذ سنة 2005 الى الان واوضح ايضا ان الرينو فلوانس لا ارى بها اى عيب يذكر بتجربتى على مدار شهر تقريبا وبتجاربى القديمة حتى العيوب السابقة فى الميجان تلاشت تماما فى الفلونس ولن اكرر الكلام الجميل على الفلونس وبالاخص كلام الاخ بوكلا
ولقد لاحظت وجود شئ خطأ فى الاوتوماتيك عند النقلة الثانية بمعنى عند الطلعة الاولى وعند التحويل للنقلة الثانية يحدث شئ قد يكون ملحوظ للبعض وغير ملحوظ للبعض الاخر ولكن النقلة الثالثة والرابعة لا تحس اساسا ان العربية نقلت
عند الطلوع بالعربية بشويش لا تحس بشئ وايضا لو طلعت بقوة لا تحس بشئ ولكن فى النورمل بحس بدردرة او تقطيع بسيط
ولقد ذهبت الى الصيانة فى العبور لان كان عندى شغل فى مصر ولان عندهم سيارة فلونس للتجربة وتم وضع السيارة على الجهاز ولم يظهر شئ ولكن عندما قام مدير الصيانة بالتجربة حس بها وقام باحضار سيارة فلونس اخرى وطلع طلعة متوسطة وعند النقلة الثانية ظهرت وقال لى سو نبعث للشركة الام ميل بة هذا الكومنت او التعليق
يا ريت يا جماعة الى حس بهذا يذهب الى الصيانة ويبدى تعليقة حتى يجدوا حل مثلما حدث معى مع الميجان 2005 كان يوجد بها مشكلة فى النقلات واستحدثوا سوفت وير جديد ونزل واصبحت السيارة يومها مختلفة الى ان نزلت 2008 وتغيرت تماما الى الافضل
ملحوظة
ليس معنى كلامى ان السيارة وحشة بالعكس تماما انا تقريبا قمت بتجربة جميع الانواع الى فى نفس السعر بل اعتقد ومتأكد ان الفلونس تتفوق على الاعلى منها سعرا وانا متأكد من كدة واصحابى يشاركونى الرأى واقل شئ ان احد اصحابى عندة سيفك وباعها وحجز فلونس 158000 لان عندنا فى الاسكندرية علو الارصفة وعندما يركن لا يستطيع فتح الباب دة لو اصلا لقا مكان الى جانب وطيها الغير طبيعى
اسف لو اطلت عليكم ولكن توكيل رينو وصيانتهم محترمة جدا جدا وتعاملت معهم على مدى خمس سنوات ولذلك لو يوجد سيارات كتير بها نفس المشكلة لازم هيلاقو حل وانا اعتقد انة هيكون سوفت وير جديد للجيربوكس
واخيرا ولانى من عشاق رينو ولانها الحقيقة احب اقول واؤكد لحائزى الفلونس لقد احسنتم الاختيار

**tareksedra** · 05-06-2010 11:24 PM

انا عندى نفس الشعور تماما مابين النقله الاولى و التانيه و الحقيقه انا قلقت وكلمت التوكيل و حجزت موعد و رحت فرع المقطم (من حوالى 3 اسابيع والعربيه كانت عامله 400 كيلو) المهم انا كنت متوتر جدا و متضايق مدير الفرع اهتم جدا و طلع جرب معايا العربيه هو و مدير الصيانه و فعلا شعر بالرعشه الخفيفه ما بين الاول والتانى لكنه قال لى ان ده طبيعى و الحقيقه انا قلت له انا مش مقتنع فالراجل الحقيقه قال لى عندك حق نجيب عربيه من عندنا و حضرتك تجرب و فعلا و احنا فى عربيتى كلم الورشه يجهزوا عربيه فلوانس عندهم غالبا من التست درايف و طلعنا بيها انا سبته هو يسوق الاول و جلست زى ما كنت جالس فى عربيى و هو بيجربها خلف السائق و فعلا حسيت بالموضوع ده فى العربيه و بعدين انا سقت العربيه منه و شعرت بنفس الرعشه مابين الاول و التانى وغالبا كل اللى عندهم العربيه شعروا بيها و الكل بيقول ان ده طبيعى

**sanset** · 05-06-2010 11:34 PM

]انا عندى نفس الشعور تماما مابين النقله الاولى و التانيه و الحقيقه انا قلقت وكلمت التوكيل و حجزت موعد و رحت فرع المقطم (من حوالى 3 اسابيع والعربيه كانت عامله 400 كيلو) المهم انا كنت متوتر جدا و متضايق مدير الفرع اهتم جدا و طلع جرب معايا العربيه هو و مدير الصيانه و فعلا شعر بالرعشه الخفيفه ما بين الاول والتانى لكنه قال لى ان ده طبيعى و الحقيقه انا قلت له انا مش مقتنع فالراجل الحقيقه قال لى عندك حق نجيب عربيه من عندنا و حضرتك تجرب و فعلا و احنا فى عربيتى كلم الورشه يجهزوا عربيه فلوانس عندهم غالبا من التست درايف و طلعنا بيها انا سبته هو يسوق الاول و جلست زى ما كنت جالس فى عربيى و هو بيجربها خلف السائق و فعلا حسيت بالموضوع ده فى العربيه و بعدين انا سقت العربيه منه و شعرت بنفس الرعشه مابين الاول و التانى وغالبا كل اللى عندهم العربيه شعروا بيها و الكل بيقول ان ده طبيعى

هو فعلا طبيعى عشان العربية نزلة كدة لكن مش طبيعى على العموم وانا اعتقد انهم هيخدوا اجراءتهم مع الشركة الام ليجدوا حل
لما نزلت الميجان 2005 كان فيها مشاكل كتير جدا فى النقلات بتأخر فى النقل وتطول وايامها كانو بيقولو طبيعى وبعد سنة نزلو سوفت وير جديد وغيرولر السنسور الخاص بالجيربوكس وبقت احسن شوية
لازم نتابع مع الصيانة وان شاء الله خير
-------------------
الله الله الله الله الله
وليس اللة
م ع 5

**kar!m** · 06-06-2010 03:19 PM

لو كل الناس راحت و بأدب و بذوق قالت لهم التعليق ده .. الناس هتهتم وتحاول تلاقى حل للمشكله .. انما لو واحد او اتنين أكيد مش هيهتموا أو حتى حل المشكله مش هيكون بسرعة لو الناس كلها علقت على المشكله.

**sanset** · 06-06-2010 11:33 PM

كلامك مظبوط بس اعتقد ان توكيل رينو هيهتم بالمشكلة حتي لو بسيطة لانة من مراكز الصيانة المحترمة جدا في مصر

**sanset** · 07-06-2010 08:02 PM

معني ان مفيش حد رد ان مفيش حاجة في الفلونس يبقا كدة في حاجة غلط في عربيتي وعربية كريم بس وبقية الأعضاء سليمة

**Ahmed Selim** · 07-06-2010 08:30 PM

أقترح عليك أنك تطلب من الأدارة تغيير العنوان ليصبح " هل هناك نتشة فى فتيس الفليوانس " على سبيل المثال

عن طريق تقرير مشاركة فى أسفل يمين المشاركات بالضغط على المثلث الأحمر

أعتقد العنوان ممكن يكون مخلى الناس متشاركش أو متهتمش بالموضوع......تغييره ممكن يجذب بعض الناس للدخول و التعليق.

**heromiro** · 07-06-2010 09:13 PM

أنا بامانه مش حاسس بالموضوع ده قوي يا رجاله
أنا بحط بنزين 95 أنتم بتحطه بنزين كام ؟

**sanset** · 07-06-2010 11:29 PM

[QUOTE=Ahmed A.Maksoud;3872740626]أقترح عليك أنك تطلب من الأدارة تغيير العنوان ليصبح " هل هناك نتشة فى فتيس الفليوانس " على سبيل المثال

عن طريق تقرير مشاركة فى أسفل يمين المشاركات بالضغط على المثلث الأحمر

أعتقد العنوان ممكن يكون مخلى الناس متشاركش أو متهتمش بالموضوع......تغييره ممكن يجذب بعض الناس للدخول و التعليق.

انا بجد بشكركم على متابعتكم الموضوع معايا
انا زهقت من الحركة دى وبصراحة ركنت العربية لحد مفوق من شغلى واروح صيانة الاسكندرية المشكلة ان الدنيا زحمة واكتر حاجة عليها استهلاك الاول والتانى فبصراحة متعمنن جدا
انا مش لاقى المثلث الاحمر عشان اغير العنوان