الموضوع: حصريا بريليانس h 530 وصلت مصر يا جدعاااااااااااان

اخير وقبل اي حد قدرت اعرفلكم المعلومه الخطيره والاكيده دي البرليانس H 530 وصلت مصر فعلا وممكن

تحجزها كامن والتسليم في شهر اكتوبر تقريبا ودي معلومات اكيده وحصريا لنايل موتورز ولفيت ودورت

وجبت التفاصيل علي قد ما اقدر ومش بس كده صور للعربيه من مصر صور واقعيه مباشرة واليكم التفاصيل

احبائي الكرام

البدايه معلومه من مهندس في توكيل البافاريه ان البريليانس

الجديده وصلت ومعروضه فعلا في صالة عرض البافاريه اللي في الاوتوستراد مكدبتش خبر وطلعت علي

هناك وفعلا لقيت العربيه معروضه وشكلها حلو ويخطف العين قعدت ادردش مع المسؤل عن المبيعات شويه

علشان اجيبلكو الديتالز مبدئيا العربيه تصنيع صيني بالكامل وموتور ميتسوبيشي 1600 cc

وفيها كل الكماليات وتزيد شويه بالاضافه الي ان الفتيس استيب ترونيك وكمان فيها 4 وساده هوائيه اتنين امامي واتنين جانبي وفيها كمان نظام الثبات الالكتروني

الصراحه العربيه حلوه وتحس ان فيها شغل عالي اوي وفينيش نضيف جدا غير انكو لو لاحظتو

انها غشه شويتين من البي ام دبليو

للاسف حاولت اجيب البروشورات قالولي انها لسه مانزلتش فانا مش هاقدر اقول علي مواصفات دقيقه

للعربيه غير من واقع اللي شوفتو بعيني لان دي مسؤليه انا ماتحملهاش والعربيه موجوده في المعرض

للي عايز يشوفها بنفسه ويارب اكون جيبتلكو حاجه جديده

اه اهم حاجه طبعا وكلو عايز يعرفها العربيه هاتنزل فئتين الاولي في حدود 125000 جنيه والتانيه في حدود 135000 جنيه اعتقد انها غاليه شويه او شويتين بس الصراحه تحس فيها ان الصينيين عايزين يقولوا حاجه جديده علي كل الاحوال الرؤيه والسوق همه اللي هايحكموا في الاخر واسيبكم مع الصور الحصريه

منظر جانبي وخطوط توحي بالفخامه والقوه

اعتقد ان الشنطه عاديه شويه وان كانت الفوانيس شغاله

بصراحه الجنط جامد جدا

بدون تعليق

صالون وفرش ممتاز وشيك

صالون وفرش ممتاز وشيك ومساحه واسعه

الكونصول والعدادات[IMG]www.nileup.com/uploads/13452798582.jpg[/IMG][/IMG]

http://www.nileup.com/uploads/13452798582.jpg

الفتيس ويظهر منه الاستيب ترونيك والثبات الالكتروني



الموتووووور

الموتور بدون الغطاء ويظهر محرك الميتسوبيشي

يارب اكون ضيفت حاجه جديده ليكم ولو حد عايز تفاصيل

اكتر ممكن يكلمني ده شرف ليا وياريت اعرف رايكم في العربيه وتتوقعولها ايه في مصر خصوصا

مع السعر ده


في حاجه كمان سريه عرفتهالكم وحصريا لنايل موتورز شركة بريليانس جايه مصر بنفسها وبتبني حاليا

مصنع في السويس وهيه اللي هاتشرف علي كل حاجه والبافاريه هاتبقي موزع معتمد

تفتكروا ايه تاثير ده علي السوق وعلي العربيات البرليانس بالتحديد