صيانة الالف كم الاولي مجانية , بتدفع فقط ثمن الزيت و الفلتر
عرض للطباعة
عاوز اعرف فروع بيع قطع الغيار الاصليه للهيونداى بالقرب من الدقى ومصر الجديده(الى بتبقى من غير ضريبه)،فى واحد اسمه نافع فى دمش هل ده معتمد والحاجه اصلى؟
عندي صيانة الالف للاكسنت , احط زيت 10000 ولا 5000
و ايه اهم الحاجات اللي اخلي بالي منها و انا باعمل الصيانه ديه
انا هاروح فرع العبور فياريت اعرف لو في اي نصايح
شكرا
-ينصح ب زيت ال10,000 لأنه افضل كأداء و اوفر لأنك كده هتدفع مصاريف تغييره كل 10,000 مش كل 5,000
-الصيانة دى مهم لو لاحظت حاجة غريبة فى العربية تقولهم عليها
-خلى بالك تفضى العربية من اى متعلقات شخصية قبل ما تروح
-لازم تحجز معاد و تروح فى يوم الحجز
-الدخول بالاسبقية يعنى لو معاد 10 جه قبل 9 يبقى هيدخل الاول، و على ذلك حاول تروح بدرى عشان تنجز بدرى
-العمل بيبدأ الساعة 8:30 لو ناوى تروح بدرى اوى كده يبقى روح 8:20 كمان عشان بيبقى فى طابور مستنى كمان
-متروحش بعد الساعة 1 لأنهم مش بيستقبلوا حد بعد 1 اظن
-لو عربيتك اكسنت rb يبقى اطلب منهم تغيير المساعدين الخلفيين لأنهم بيتغيروا ببلاش بمساعدين تانيين مناسيبن لشوارعنا و لو قالولك مش متوفريين كلم 16101 و اعمل شكوى و هيتوفروا بإسمك ان شاء الله
شكرا يا باشمهندس محمود على الرد بس ياريت لو فيه تفاصيل اكتر على موضوع المساعدين و ايه اهمية تغييره و ايه اللي هايحصل لو ماغيرتهمش؟
شكرا مره تانيه و كل سنه وانت طيب
لا شكر على واجب و يا رب اكون افادتك و كل سنة و انت بصحة و سلامة يا رب
المساعدين ضعاف جدا بالنسبة لشوارعنا اللى كلها مطبات هوا و حفر و نقر
ده يأثر على السوست على المدى الطويل لأن السوست بيبقى عليها ضغط كبير
امتى بيبان ضعف المساعدين؟ اما يبقى فى حد راكب ورا سواء واحد او اكتر و عديت على مطب هوا هتحس العربية بتلب من ورا و طالعة نازلة و ممكن تحس انها بتخبط كمان فى صدادة السوست
لو محدش بيركب معاك ورا مش هتحس بحاجة بس انصحك تحاول تغيرهم لأن ده حقك و عشان تضمن للعربة عمر اطول
شوف المواضيع دى:
http://www.nilemotors.net/Nile/361727-rb.html
http://www.nilemotors.net/Nile/359869-a.html
http://www.nilemotors.net/Nile/354568-a.html
http://www.nilemotors.net/Nile/354759-a.html
http://www.nilemotors.net/Nile/354881-2013.html
http://www.nilemotors.net/Nile/363209-a.html
http://www.nilemotors.net/Nile/361727-rb.html
http://www.nilemotors.net/Nile/350586-a.html
http://www.nilemotors.net/Nile/362174-matantawy.html
دى كل المواضيع اللى تم فيها مناقشة موضوع المساعدين
السلام عليكم اعضاء نايل موتور
كنت ناوى اعمل صيانة 15000 كم للفيرنا فى ابو رواش عايز اعرف ايه اللى بيتعمل فيها ومهمة عشان الضمان ولا اطنش وكنت مغير زيت شل الترا والفلتر عند 10000 كم
ما رأيكم في هيونداي الينترا 2014 هاي لاين
عاوز اشتريها من السعودية وأنزل بها مصر
ولكم جزيل الشكر على حُسن وسرعة الإجابة
متابع
بس للاسف فى حاجات بتتغير بدرى عن الكتالوج الاصلى اللى جاى مع العربية بالانجليزى القسم الخاص بالشرق الاوسط
مثلا فى ال i10 و اكيد الكلام دا اولى فى العربيات الاعلى فلتر البنزين maintenance free و هما يغيروه على 20 الف كم ؟ !!!!!
دا حتى كاتبين ان لو انت فى بلد بنزينها رديىء برضه متغيرهوش غير لو العربية ابتدت تخنق من الفلتر
و حاجات تانية زيى البوجيهات و سير الكاتينة و زيت الاوتوماتيك و الفلتر المسافات للظروف القاسية اساسا و كمان للشرق الاوسط اكبر من اللى فارضينه فى الكتالوج
مع احتفاظى برأيى ان غبور من التوكيلات المحترمة
لان للاسف الكلام اللى انا كاتبة كل توكيلات كل الماركات بيعملوه