انا الريحة بتاعة العربية وهي جديدة دي بدأت تضايقني بجد اشتريت فواحه وعلقتها والريحة مش راضية تطلع منها

ومش هقدر اسيب العربية مفتوحه شويه لاني بركنها في جراج خاص لوحدي ولو سيب مثلا باب مفتوح (عادي انا لوحدي في الجراج ومحدش معاه مفتاح الجراج غيري) مش هقدر اعمل كده علشان في الجراج ده فيه فران

طيب ايه الحل ؟ الريحة دي مش بحبها حتى لما بشتري تليفزيون او اي حاجة لكن بتطلع بسرعة مش عارف ليه اشمعنا في العربية دي مش راضية تطلع

واحد قال لي هات سبراي ورشه على فتحات التكيف لكن انا معملتش كده خوفت علي العربية طبعاً وقلت اشوف رأيكم ايه