ايهما افضل ؟ لانوس ام اسبيرنزا a516

**masmad** · 19-08-2012 09:22 AM

انا معايا لانوس 2011 وقرفتنى وعاوز اغير بس تكون زيرو وفى نفس السعر فهل اسبيرنزا a516 ..........ارحو الرد

**lenasam** · 19-08-2012 10:02 AM

فكر فى ال اسبارك

**hassanin_lada** · 19-08-2012 10:14 AM

الاسبرانزا حلوه جدا بس فيها مشكله انها بتسخن جامد .. شوف واسئل لو ليها حل اتوكل علي الله

**mohamed_mesho3** · 19-08-2012 10:54 AM

المشاركة الأصلية كتبت بواسطة masmad

انا معايا لانوس 2011 وقرفتنى وعاوز اغير بس تكون زيرو وفى نفس السعر فهل اسبيرنزا a516 ..........ارحو الرد:i_angr1[1]:

2011 و قرفتك !! اشمعنا ,, يعنى ايه بالظبط اللى كان بيضايقك من العربية , و عموما سيبك من الاسبرانزا دى خالص و فكر فى اللوجان

**hassanin_lada** · 19-08-2012 10:56 AM

اللوجن حلوه بس تحسها ورق

**mhmdalsaadany** · 19-08-2012 11:12 AM

السبرانزا سياره ممتازه في الفئه السعريه دي ومين قال انها بتسخن انا جربت كل العربيات اللى في الفئه دي وبجد احسنهم الاسبرانزا وعن امتلاك مش مره وخلاص انا كان عندي فيرنا ولانوس وحمايا معاه بي واي دي وحاليا معايا اسبرانزا واقدر اقولك احسنهم بدون منافس الاسبرانزا ومتنساش صلاة الاستخاره

**Dawns_Mist** · 19-08-2012 11:26 AM

هو لو اللانوس مضايقاك ..... يبقى مش هتحس بفرق كبير مع السبيرانزا ...
اللي يميز السبيرانزا عن اللانوس ... القعدة العالية شوية ( دي بتعجب بعض الناس خصوصا الطوال )
و كمان الاتساع الداخلي لإن صالون السبيرانزا أوسع نسبيا من صالون الانوس
و الارتفاع عن الأرض برضه في مصلحة السبيرانزا ..
و يمكن شكل الصالون يكون أحسن .. بس دي أذواق ..
لكن غير كده لانوس تكسب في رأيي ..

بالتالي أنا مش شايف فكرة إنك تبدل 2011 لانوس باسبيرانزا دي فكره كويسه !!!
ممكن تفكر في اللوجان .. و سيبك من إحساسك بإنها ورق .. العربية فعلا كويسه
أو السانديرو .. و هي أخت اللوجان
ممكن تفكر في الساجا كم بروتون ... صدقني فيها مميزات كتير ، لكن مشكلة توكيل و قطع غيار
بلاش الفيرنا لإن ركوبة اللانوس مريحة نسبيا عن ركوبة الفيرنا
بص على البونتو كلاسيك ... صدقني عربية محترمة جدا جدا في الفئة دي .. و أسعار قطع غيارها مش غالية أوي
ممكن برضه تديها بصه على البيكانتو الجديدة .. بس صالونها ضيق بالنسبة للانوس

**S O P H O S** · 19-08-2012 05:38 PM

فعلا لوجان هتكون افضل
والله اعلم ..

**M_SALLAM** · 20-08-2012 05:42 PM

منصحك بالأسبرانزا لسبب واحد انها عاملة زى البطيخة يا تطلع حمرااااا و تريحك يا تطلع قرعة و تقرفك و علشان كدة ممكن تلاقى واحد معاه الأسبرانزا و يقولك دى عربية جميلة جدا و مريحاه على الأخر و ممكن تلاقى واحد تانى بيتكى منها لطوب الأرض و دة للأسف مشكلة كل الصينه انه مش مضمون و ملهوش اعتمادية خـــــــــــــالص ...

فى النهاية رأيى خليك فى الانوس اللى معاك و حرامك تبدلها بلوجان لأنك لو حبيت تبدها اصحاب الصالات هيخسفولك بيها الأرض و لو حبيت تبيعها مش هتجبلك فلوس لأن اى عربية مجرد مـــــ علقت نمر بينزل من تمنها 10 الاف جنيه خصوصا انك لو بلدلت بلوجــــــــــــــان هتفضل برضو فى نفس الفئة فخليك فى الانوس تقعد معاك 4-5 سنوات مثلا بعد كدة بيعها و هاتلك حاجة محترمة ليك و للزمن و اهو بالمرة تكون حوشتلك قرشين ..