الموضوع: تعبت من العربيه وعايز اغيرها

طب ماتدور علي فيكترا cdxاو فولككس باسات موديل 99:2000
او بورا
او جولف4

البورا والجولف جربتهم من وجهت نظري الاسترا احسن كا ماتور ووسع والثبات في تقارب والتعقيد في الصيانه واحد والباسات مش بميل ليها والاوبل مش هجيبها تاني غير لما اقدر اجيبها زيرو انشاء الله

الانسر اختيار موفق فعلا بالنسبة للصيانة و الاعتمادية يعنى هتشترى دماغك ... بس الشارك و لال البومة انت تقصد ب 75؟ متهيالى البومة افضل مع انى بحس الشارك افخم .... فى تويوتا كورولا موديل 2006 و 2007 دى بردو عربية عملية جدا جدا و صايمة عن الاعطال بشهادة اصحابها ..انا متابع امعاك

لو على الثبات و المتانة و البرستيج يبقى هي المرسيدس حتى لو 20 سنة لورا لكن هي مرسيدس بردو....

ومين سمعك.. والله انا مبقيت عارف عربيتى حلوه ولا وحشه .. بس بقول حماله قسيه و وعمرها ما قالت لا فى عز تعبها وبجيب 150 و 160 وهيا عايزه تظبيط والعربيه اخر مره عند الميكانيكى قالى والله حلوه محتاجه شويه حاجات.. بس ارجع اقول زهقت وعايز اغير برضه.. قرفت من سكك الميكانيكيه

المشاركة الأصلية كتبت بواسطة momen_omar

الانسر اختيار موفق فعلا بالنسبة للصيانة و الاعتمادية يعنى هتشترى دماغك ... بس الشارك و لال البومة انت تقصد ب 75؟ متهيالى البومة افضل مع انى بحس الشارك افخم .... فى تويوتا كورولا موديل 2006 و 2007 دى بردو عربية عملية جدا جدا و صايمة عن الاعطال بشهادة اصحابها ..انا متابع امعاك

انا قصدي علي الشارك مش بحب البوما خالص كفايا راحت عليها من زمان دي كانت نازله مع الاسترا والاسترا برقبتها

المشاركة الأصلية كتبت بواسطة hellboy

-لو عاوز ركوبه قريبه من الاوبل قوه ورفاهيه وثبات فكر في الميجان2 او المونديو
-لو عاوز ياباني فكر في الكورولا (الدبه) ال2007 ال1600 سي سي بس هتعدي ال75 الف بشويه بس عربيه بلا اعطال تماما

الميجان مقرفه جدا دا لو زرار فيها باظ هتقف مش هتمشي الاوبل احسن منها بكتير في الموضوع دا بتمشي مهما كان فيها ايه المونديو معرفش عنها حاجه بس معتقدش والكرولا بتعدي ال 75 بكتير اوي

المشاركة الأصلية كتبت بواسطة ahmed_fahmy

هو طبعاً للأسف انا عارف شعورك الالمانى لمى بيفتح لازم يتباع خلاص بتنتهى الاعتماديه وبالنسبه للثبات صعب يتحقق فى عربيات كتير بعد اوبل بس عشان تريح دماغك وتنسى حاجه اسمها اعطال او حراره وتشيل من موبيلك ارقام الميكانيكيه وبتوع قطع الغيار عندك حلين فى رنج ال ٧٥ ل٨٠
١- الشارك وهى اقرب عربيه للألمانى انسى البومه خالص هى الشارك وانا ركبتها كتير وابن عمى عامل بيها ٩٠ الف كيلو تقريباً والعربيه بنفس الكفائه وعلى الطريق تمام جداً ولعلمك بتنزل جنط فبريكه ١٦ حتى لو طاسات بس السعر ده هيجيبلك الكلاسيك منها اوتو وabs وباقى الكمليات العاديه
٢- تيوتا ياريس ودى السهل الممتنع يعنى تيوتا بسعر هايل وفيها جميع الكمليات والتكنولوجيا من abs و air bags وعلبة دركسيون كهربا والسليم منها بيعمل من ٧٥ ل٨٠ وطبعاً دى اسعار الكيلو متر القليل والعربيات الفبريكه
ودول عربيتين مش هتفتح الكبوت غير كل ١٠ لاف كيلو وامت بتغير زيت ودى نصيحه اخويه وعن تجربه وربنا يستر طريقنا كلنا وسيبك من ١٨٠ و١٥٠ كلو بيوصل مع فرق اخرك ربع ساعه مع فرق غامرت بحياتك وحياة الاخرين وخلاص الطرق اتملت رادارات وقنديل هيشد الشرطه ومش هيبقى فى مجال للجري يعنى حياتك هتنحصر من ٨٠ ل١٢٠ حد اقصى فى طريق القطاميه
وربنا يوفقك ولو عايز ياريس بلغنى وفى شارك بس للأسف اعلى فئه و معديه ال٩٠

شكرا يا استاز احمد بس انت ايه رايك في المازدا 3 الشكل القديم اظن 75 الف يجيبو ال هاي لاين بس مش عارف هل قطع غيارها اغلي من الاوبل ولا مش اغلي و هل فيها مشاكل

المشاركة الأصلية كتبت بواسطة amraction

ومين سمعك.. والله انا مبقيت عارف عربيتى حلوه ولا وحشه .. بس بقول حماله قسيه و وعمرها ما قالت لا فى عز تعبها وبجيب 150 و 160 وهيا عايزه تظبيط والعربيه اخر مره عند الميكانيكى قالى والله حلوه محتاجه شويه حاجات.. بس ارجع اقول زهقت وعايز اغير برضه.. قرفت من سكك الميكانيكيه

بجد الواحد قرف من العطله والقلق كل شويه دا انا بقيت مدمن شم ريحه المايه وهي بتفور من القربه بقي عندي هسهس.
علي ايه كل دا والحرار بتاعت الكبوت الفظيعه بتدخل عندي جوا اصلا ومش في عربيتي بس جربتها في كزا عربيه
شكرا يا جماعه علي مشاركتكو