الموضوع: اشتريت عدة صوت بس فى مشكلة

السلام عليكم كل سنة وانتو طيبين
انا ياجماعة ركبت عدة صوت من كام يوم كدة عبارة عن كاسيت كينوود kdc-u3053 اندونيسى
وسماعات كينوود 7*10 400 وات kfc hq718ex
80rms فيتنامى

على عربية فيليشيا
بصراحة الصوت مش عاجبنى خالص وكمان لما بعلى صوت البيز بيظهر طرقعة مع البيز وساعات التريبل وحاسس انها مسرسعة رجعتلة بعديها بليل قام مقلل اليبز لحاد 3 من 8 وقعد ينزل شوية فى الاكولايزر خلاة شبة استاندر الصوت بقى سرسعة ماشاء الله هههههههه

لو فى حل ياجماعة حد يقولى عدة الصوت دى كلفتنى حوالى 1200 جنية ومدتنيش الصوت الى عاوزة ياترى العيب فى اية بالظبط هل ممكن التركيب يكون عاكس الموجب والسالب ولا يكون اية

المشاركة الأصلية كتبت بواسطة tefahossam

مؤكد فى غلط فى التوصيلات .وممكن اقولك على اختبار تعمله عشان تعرف لو فى غلط فى التوصيلات او لا..

اظبط الصوت اللى انت متعود عليه فى الاكوليزر وغير الـbalnceالى اليمين او الشمال ..
لو الصوت اتظبط من سماعه لسماعه يعنى كل سماعه لوحدها الصوت كويس يبقى التوصيلات غلط
ممكن العده تكون كويسه وبسبب التقفيل الغلط تبقى مالهاش لازمه مهما كانت غاليه.
وان شاء الله بسيطه بس روح لحد بيفهم.

هجرب كدة الموضوع دة وابقى اقولك علية
هو الصوت بيبقى تمام لحد ماتوصل لعلو معين بعد ال 30 تبدأ الطرقعة مع البيز والتريبل وبعدين بحس ان الصوت واطى اصلا يعنى لو عاملة على 20 الصوت بيبقى جامد بس واطى تانى حاجة انا مركبهم عند كلاريون الى فى اسكندرية المفروض ان دة بيفهم
الكاسيت كان ب650 والسماعات ب 575 وعليهم ضمان الاتنين

إنت هاتكروتنا يا باشا ولا إيه :d
فين تقرير التركيب و الأسعار و الحاجات دى ;)
ألف مبروك عموماً :)

المشاركة الأصلية كتبت بواسطة patrick.561

إنت هاتكروتنا يا باشا ولا إيه :d
فين تقرير التركيب و الأسعار و الحاجات دى ;)
ألف مبروك عموماً :)

الله يبارك فيك انا بس اشوف حل للموضوع بتاع الطرقعة دة لانى لو عملت تقرير دلوقت هيبقى تقرير زى الزفت ههههههههههههه

المشاركة الأصلية كتبت بواسطة m7mda7md

غالبا المشكله في العربيه نفسها عشان واحد صاحبي معاه فولكس جوول و اخد مني الكاسيت و السماعتين ال كانوا عندي في الفيرنا و الصوت عنده وحش جدا جدا جدا

لالا ياباشا انا مغير كل حاجة والوصلات بتاعة السماعات لو العيب فى العربية هتسمع زنة الموتور مثلا فى الكاسيت وانا معنديش الكلام دة

مبدأيا كده ياباشا لازم بورده خشب عشان يبقي فيه بيز اصلا...و ده عيب الصنايعي انه ماقالكش الكلام ده من الاول...ولازم تكون محكمه كويس عشان عربيتك هاتش باك و الصوت ما يتسربش من طروف البورده..
الكاسيت الكينوود الخرج بتاعه مش جامده اوي..يعني مش هيديلك الصوت اللي انت عايزه..
و انا شايف ان سماعتين و كاسيت هيدولك صوت بس مش الحاجه التمام اللي تخليك متكيف وانت سامع..
و ده رأيي ..

المشاركة الأصلية كتبت بواسطة makmak_10

مبدأيا كده ياباشا لازم بورده خشب عشان يبقي فيه بيز اصلا...و ده عيب الصنايعي انه ماقالكش الكلام ده من الاول...ولازم تكون محكمه كويس عشان عربيتك هاتش باك و الصوت ما يتسربش من طروف البورده..
الكاسيت الكينوود الخرج بتاعه مش جامده اوي..يعني مش هيديلك الصوت اللي انت عايزه..
و انا شايف ان سماعتين و كاسيت هيدولك صوت بس مش الحاجه التمام اللي تخليك متكيف وانت سامع..
و ده رأيي ..

للاسف مكانش عندو فقالى عادى مش هتفرق كتير
فكدة هبدأ بالبوردة الخشب
انا عاوز حل يعنى مثلا لو ركبت جى ام هتتحل المشكلة ولا الهيد يونت وحشة اصلا ؟