استعدال الجنوط الاسبور

**ENG\AHMED** · 20-08-2012 05:09 PM

كان فى موضوع من زمان عن محل فى الحرفيين اسمة الثلاثى او الثلاثية لاستعدال الجنوط الاسبور بمكبس هيدروليك بس مكنش فيه العنوان , حد يعرف مكانة فين بالظبط

ولو حد يعرف اى محل تانى كويس فى الحرفيين او مصر الجديدة او مدينة نصر بس يكون عنده مكبس وتكلفة الاصلاح كام ؟؟

**ENG\AHMED** · 21-08-2012 07:20 AM

up ...

**نينو** · 21-08-2012 07:30 AM

علي ما اعتقد كدة الثلاثي ده بتاع زجاج سيارات مش جنوط تقريبا مش متاكد لو عاوز مكان كوبس اوي روح عند اشرفكو اللي في المطرية الناس دي فاهمة اوي بجد وعندة كل حاجة وهيرشلك الجنط بعد الشغل مش هتعرفو اساسا و تقريبا كنت عامل عندو جنط ب 50 جنية او حاجة
انا تحت امرك ومتابع معاك

**ENG\AHMED** · 21-08-2012 06:33 PM

المشاركة الأصلية كتبت بواسطة نينو

علي ما اعتقد كدة الثلاثي ده بتاع زجاج سيارات مش جنوط تقريبا مش متاكد لو عاوز مكان كوبس اوي روح عند اشرفكو اللي في المطرية الناس دي فاهمة اوي بجد وعندة كل حاجة وهيرشلك الجنط بعد الشغل مش هتعرفو اساسا و تقريبا كنت عامل عندو جنط ب 50 جنية او حاجة
انا تحت امرك ومتابع معاك

ياباشا ربنا يخليك متشكر جدا لردك

مكانة فين اشرفكو اللى فى المطرية , فى المنطقة اللى فيها الرومانى" ميدان السواح" ؟؟؟
هل اللى فى مدينة نصر فرع له ولا محل مختلف
وبيستعدله بمكبس ولا دق

**نينو** · 22-08-2012 03:30 AM

بصراحة اللي في المطرية ده الفرع الكبير بتاعهم لكن حكاية مكبس و لا دق دي انا مش عارف بس هو بيرجع الجنط زيرو و بيرشو و كل حاجة بجد مش هتعرفو هو تقريبا تدخلو من شارع المطراوي و تسال هناك هتوصلو بسهولة

**ENG\AHMED** · 22-08-2012 10:05 PM

المشاركة الأصلية كتبت بواسطة نينو

بصراحة اللي في المطرية ده الفرع الكبير بتاعهم لكن حكاية مكبس و لا دق دي انا مش عارف بس هو بيرجع الجنط زيرو و بيرشو و كل حاجة بجد مش هتعرفو هو تقريبا تدخلو من شارع المطراوي و تسال هناك هتوصلو بسهولة

معلش ممكن وصف للمكان بالظبط , ش المطراوى دة فين؟

**romieh** · 22-08-2012 10:27 PM

انا فعلا الجنط بتاعى من سنة تقريبا كان اتكسر وروحت لحمته عند الثلاثية اللى فى الحرفيين

بس موضوع الاستعدال بقى انا مش عارف هو بيستعدل بإيه بالظبط

بس من خلال تجربتى معاه اقدر اقولك انه لما لحملى الجنط بتاعى (بعد ما كنت فاقد فيه الامل) الجنط رجع زى يوم ما اشتريته

وممكن كمان تخليه يرشلك الجنط لو عايز (انا شفت عنده جنوط مرشوشة وانا لما شفتها افتكرتها لسه جديدة) بس انا مارشتش الجنط علشان مايبقاش واحد لونه مختلف عن الباقى

بس مكانه انا عارفه بالشبه فمش هعرف اوصفهولك

بس دى نمرته لاقيتها على تليفونى 01003489395

**MohammedAladel** · 22-08-2012 11:03 PM

متابع

**fekodedo** · 23-08-2012 03:07 PM

أشرفكو اللى فى المطرية أمام محطة مترو المطرية خط المرج او لو جاى من ميدان المطرية هتدخل فعلا شارع

المطراوى وتفضل مكمل وتسئل على بتاع عصير اسمه شاليموه وتدخل الشارع اللى قصاده علطول اسمه ( منية مطر )

هتلاقة نفسك قصاد محطة مترو المطرية هتبص شمالك هتلاقى اشرفكو بس كده

وبالتوفيق ان شاء الله

**sniperfox** · 28-12-2013 06:18 PM

ان لسه جي من عنده انهرضه وهو في الحرفيين روح عند حسن دبوس وده سمكري معروف في الحرفيين واي حد حيدلك دي حاجه ان عندي نفس المشكله ورحتله علشان الجنط فيه رفه ولئيته حيستعدله بالشكوش وكان عاوز 100 جنيه التله شكرا وحاليا بضور علي حد يكون عنده مكبس هيدروليك علشان يستعدلهولي لاكن هوه معندوش مكبس