أصدقائي الاعزاء :
أنا أرغب في شراء نيســــان صني EX Salon - Manual
مش دي المشكله ؟
المشكله إني إحترت ما بين الاراء المتضاربه إللي بتقولي أختار أي موديل ف الصنـــي ؟؟
1- رأي بيقول إني أشتري الصني موديل 2008 أو 2009 فقـــط / لان من بداية موديل 2010 و 2011 فيها مشكله في معدل إستهلاك البنزيـــن علشان كدا المعروض منها للبيع كتيـــر ...

2 - الرأي التاني بيقوللي إن الاتوماتيك بس هوا إللي إستهلاكه عالي شويتيــــن ف البنزين ولكن المانيوال مافيهوش المشكله دي .
مع العــــلم : إني معروض عليـــا حاليا صنـــي 2011 - EX - manual
عدادها 18500 كم . ومطلوب فيها حوالي 75,500 جم - ورخصتها باقيلها سنتين و6 شهور
هل دي سعرها كدا كويس علي حالة الفابريكه دي ولا غاليه وكمان التاجر صاحبها هياخج مني الاكسنت بتاعتي علي 44,000 حم ف كأني هدفع 30,000 جم فرق سعر !!!

أنا مسألة إستهلاك البنزين دي تفرق معايا شويه لاني بسافر دايما - وبتحرك داخل القاهره كتيــــر
أفيدوني باللـــه عليكــــم لآني في حيره ولازم اخد قرار ..
وكل سنه وإنتم طيبيـــــــن