تقريري المتواضع عن استلام تيدا هاتش باك 2012

**ehab78** · 16-08-2012 04:11 AM

السلام عليكم ورحمة الله وبركاته وكل عام وكل اعضاء نايل موتورز بألف صحة وسلامة
اولا انا كان معايا سكودا فابيا 1400cc موديل 2002 فاضية بعتها من حوالي شهر ونص(طلعت عيني على ما بعتها)
يوم مابعتها رحت على طول على فرع المصرية للسيارات عندنا في طنطا حجزت تيدا هاتش باك اعلى فئة بفتحة سقف نبيتي اول اختيار ثم ذهبي ودفعت خمسمائة جنيه تأكيد حجز لاني يومها رحت ناشيونال يونيون قالولي مش موجودة خالص واحجز بعشرة الاف جنيه واحتمال تيجي على اخر شهر سبعة
طبعا كل يوم اكلم المندوب اللي انا حاجز معاه في المصرية يقوللي النهارده بكره الاسبوع الجاي والعربية مش موجودة في السوق .............لغاية اول اسبوع من شهر ثمانية
بالصدفة قريت الموضوع بتاع الاستاذ0احمد سلمي عن استلام عربيته التيدا وازاي كان حاجز من شهر ستة
كلمت مندوب المصرية وقلتله في ناس استلمت عربيات تيدا في القاهرة قاللي كلام نت ومافيش تيدا اصلا في السوق
بصراحة قلت مابدهاش0000كلمت استاذ محمد ياسر(zangry)والباشمهندس حسين جمال والعمدة استاذ احمد مصطفى وبصراحة مابخلوش علي بالنصيحة او المجهود ووصلوني بالاستاذ عبدالخالق في اوتوايجيبت لكن الصدمة قاللي برده مافيش تيدا خالص غير في حدود شهر يعني في اول شهر تسعة
المهم بالصدفة بقلب في المنتدى لقيت اعلانات الأحمدي موتورز قلت اجرب ماهي بايظة بايظة
كلمت فرع مدينة نصر قاللي مافيش تيدا00يمكن في خلال شهر
كلمت فرع المعادي رد علي الاستاذ0احمد توفيق مدير الفرع قاللي موجودة عاوز لون ايه؟؟؟؟؟؟
طبعا انا ذهلت0000ده بيسألني على اللون وانا هتجنن والاقي العربية اصلا
المهم قلتله طلباتي خاصة اني هجيبها كاش قاللي هكلمك بعد شوية
طبعا غاب على ماكلمني بس قاللي انه قلب مصر كلها مالقاش غير عربيتين تيدا هاتش باك واحدة حمرا ودي اتباعت وواحده ذهبي كاملة اعلى فئة بس بدون فتحة سقف وهى دي الوحيدة في مصر حاليا
قلتله احجزها00وبعتلي رقم حساب الاحمدي موتورز في بنك كريدي اجريكول ورحت فرع البنك في طنطا دفعت خمس الاف جنيه لتاكيد الحجز يوم الخميس 2-8
ويوم الجمعة رحت استلمت العربية من فرع المعادي
وبجد استاذ احمد توفيق مدير فرع المعادي شخصية محترمة جدا وفاهم شغله اوي وسلمني العربية وشيك معايا على كل حاجة فيها وانا كان معايا اتنين اصحابي بالعربية بتاعت واحد فيهم لاني اول مرة اسوق اوتوماتيك لكن اكتشفت مدى سهولة قيادة الاتوماتيك ومن منتصف الطريق سقتها لغاية البيت
معلش رغيت كتير
المشاركة الجاية باذن الله هتكون تقريري عن العربية نفسهاوعن صيانة الالف كيلو؟؟؟؟؟؟؟؟
تصبحوا على خير