الموضوع: ممكن قبل ما اشترى الأسترا تقولولى اخبار اعادة البيع ايه

مفيش عربيه مبتخسرش زمن البيجو ال٥٠٤ والمرسيدس ال٢٠٠ انتهى دلوقتى الكرولا من ١٥٠ الف بتتباع بعد ٥ سنين ب ١٠٠ الف لو سليمه ولو قارنتها بالفيكترا ٢٠٠٨ هتلاقى انها نفس الخساره وكانو بنفس الرقم زيرو والفوكس نفس الوضع بالعكس كل ما قل انتشار العربيه هيخلى فرصتك اكبر فى البيع على عكس المشاع من الناس من غير خساره كبيره يعنى مثلاً كنا بندور على فوكس لواحد صحبى قلبنا البلد مفيش غير ٣ للبيع واصحابهم مسكين فى سعر عالى واخترنا الحاله الافضل ودفعنا رقم كبير واحنا مبسوطين لأن مفيش كتير منها على العكس انا مثلاً معى ياريس فكرت ابيعها وانا محافظ عليها وفبريكه ومبركبهاش اصلاً لاقيت الموضوع تجاري وعملينلها رنج سعر فى السوق مش مهم حاله والا غيرو يعنى تلاقى واحده عامله ١٥٠ الف كيلو ورشه بتتباع ب٧٠ وانا عربيتى عامله ٤٧ وفبريكه وصالون زيرو وصيانات توكيل وكل اللى يتصل يعمل ناصح لما اقولو ٨٠ او ٧٨ مثلاً ويقول دى معروف سعرها من ٧٠ ل٧٥ فتفهم مين؟؟؟ كلهم بيكررو كلام زى البغبغانات مفيش عقل يفكرو بى فى حاله لكن لو معاك استرا مثلاً وفكرت تبيع هيجيلك زبون الاسترا اللى كان عارف سعرها كام زيرو ومعرفش يشتريها زيرو فأى مبلغ هيتخصم من تمنها هيكون تمام له يعنى هتلاقى خسارتها زى اليابانى عادى جداً مع الفرق انك هتكون استمتعت بركوب عربيه المانى موضوع لو مش عايز تخسر يبقى تشتري عربيه مستعمله بحاله كويسه كسر زيرو مثلاً وهتخسر برضو فى البيع بس خساره اقل والله المستعان