اقتباس المشاركة الأصلية كتبت بواسطة magic girl مشاهدة المشاركة
انا معايا سيينا 1400 و هيا ناعمة فعلاً و بتشد معايا لما بحب " وصلت 120 من غير ماخد بالى اصلاً, وكان ممكن أزود بس انا مش بحب السرعات كده"

قطع غيارها موجودة و متوفرة و أسعارها فى العادى.. وسعها كويس, يعنى 3 متوسطى الحجم ورا هايبقوا قاعدين عادى " بس لو مليانين هيتضايقوا شوية"..

شنطتها واسعة جداً بتشيل..

تكييفها حلو أوى طالما دورة التبريد شغالة وسليمة, و بيبقى أحسن على الطرق السريعة منه فى وسط الزحمة " أعتقد ان معظم العربيات كده"

شكلها بالنسبة لى أحلى كتير من التمبرا..

انا مش هاقدر أفتى فى التمبرا عشان مسوقتهاش بصراحة بس اللى أعرفه ان فيه ناس كتير بتشكر فيها بردو..

و على العموم القول الفيصل هو الحالة.. يعنى لو سيينا و صاحبها كان مبهدلها يبقى بلاش طبعاً..
اشكرك كثيرا - الحقيقة انا كان معايا التمبرا - هى ناعمة جدا وهدوء مفيش صوت عالى من الموتور - ولانى مسقتش خاااااالص السيينا بالتالى مش عارفة - عاوزة حد يكون جرب الاتنين ويقولى - ويكون عارف سعر قطع غيار الاتنين ويقولى - جزاك الله خيرا