على فكرة تكييف الكارينز ممتاز وبالرغم من وسع العربية من الداخل بيقوم برضو بالواجب كويس قوى
عرض للطباعة
على فكرة تكييف الكارينز ممتاز وبالرغم من وسع العربية من الداخل بيقوم برضو بالواجب كويس قوى
نضف يت باشا فلتر التكييف هتلاقى صاروخ هواء بارد خارج من الهوايات
ألف مبروك علي الكارينز
بس اللي اعرفه ان تكييفها قوي ,وقريت ان في ناس ركبت ستاره خلفيه علشان التكييف يبقي قوي جدا
الف مبروك عليك
بس نصيحه روح اكشف على العربيه دى كويس جدا لان حكايه انه اخد الصنى 10000 جنيه وقسط الباقى بدون زياده دى فيها ان .. انا ما باشككش لا سمح الله ولكن الحرص واجب والنهادره محدش بيسمى على حد ...
الف مبروك يا باشا العربية ديه هنا في السعودية هي و السيراتو شغالين كويس اوي ربنا يبركلك و طمنا عليك
مبروك يا باشا و هى معايا اهية عاملة 2000 كم بس عايز اقولك هى بطة فعلا انا بتخنق منها فى طلعات الكبارى بس
التكييف بالليل بيكون كويس جدا لكن فى الحر بيختلف وانا باذن الله هانضف الفلتر والسربنتينة لان العربية فعلا كانت مركونة فترة عشان صاحبتها ماكانتش بتعرف تسوق وده واضح من الحكات اللى فيها اغلبها حكات ركن ورصيف فى الاكصدام وجنب العربية من تحت
الله يبارك فيك وشكرا على النصيحة .. انا كشفت على العربية طبعا وهي تمام وأهم الملاحظات عليها كان الاهمال والركنة الطويلة والتراب الناتج عنها ولطش بعض المحتويات (الانتينة بتاع الاريال - جيب النضارة - الكوريك - علامة كيا فى الشبكة الأمامية - كف مراية الجنب)
لكن حالة العربية داخليا ممتازة وخارجيا بها بعض الحكات كما شرحت
حاول حضرتك توديها التوكيل يضبط الكام حاجه اللى فيها و ان شاء الله تبقى حاجات بسيطه بس هو حضرتك سألت صاحبها كان عايز يبيع بسرعه كده ليه و خاصه انه كده يعتبر مقسط نصف تمنها بدون فوائد و خاصه ان العربيه كسر زيرو. يستحسن حضرتك توديها التوكيل علشان تطمن و بالمره تضبط العربيه و الف مبروك . بالنسبه للتكييف ان شاء الله تنظيف الفلتر هيضبطه لان ممكن يكون مليان تراب من الركنه مش اكتر و هى عامه تكييفها قوى ما شاء الله