يا أستاذ هاني ده من ذوقك
مبدئيا كده في كام نقطة لافتين نظري:
أولا ال GR90 دي all season tyre و دي عاملة زي اللي رقصت على السلم, لا هي أجمد Dry performance ولا الجماعة برة يقبلوها في التلج, في حين إن ال Primacy دي summer tyre و صحيح بيكون ال wet performance فيها مش وااو بس ال dry performance بيبقى فتاك عشان مركزة فيه.
ثانيا ال GR 90 أول الكلام فيها 14 في حين ال Primacy بتبدأ من 16 و معمولة لل grandes citadaines (يعني العربيات ال executive بالفرنساوي) و دي حاجة تخليني احترمها أكتر عشان بتخاطب فئة أعلى و بالتالي مفيهاش هزار . في حين 14 دي بتخاطب الفيرنا و أنت طالع. و عشان تحس أنا قصدي إيه قارن كده في ذهنك سريعا بين العربيات اللي بتنزل standard فتح الكلام فيها 16 (باسات, 3 series, ...)و بين اللي بتبدأ بـ 14
مش القصد من الكلام التقليل من Bridgestone اطلاقا عشان هي مهما كان ثاني اكبر منتج كاوتشات في العالم (بعد ميشلان) و صناعة ياباني يعني ناس مش بتهرج انما أنا هيكون اختياري ال Primacy HP نظرا لتجربتي فوق الرائعة معاه في كورولا أخويا (الشكل الجديد من 2008 كانت بتنزل بيه فبريكة).
و إن شاء الله ده اللي هركبه في ال 2012 لما اجيبلها جنوط ال VTI.
في نقطة كمان عشان أنا عارف حب حضرتك للألماني (ما عدا ال DSG ) إن ال Primacy HP صناعة الماني
في الحالتين ال 2 معمرين لأقصي الحدود و لو هتهتم بيهم ممكن تتوقع أرقام تصل إلي ال 80 ألف كم لو استعمالك عالي في السنة بحيث إنك تعمل كم عالي في وقت قصير تلاقي الفردة لسة شباب و بتقول انما كل ما تقدم تبتدي تشقق حتي لو مش ماشية كتير لغاية ما تجيب ال 5 سنين و هوب ترمي.
و حاجة اخيرة ملهاش علاقة بالنوع لو الاستبن بتاعك اسبور ممكن تعصر على نفسك لمونة و تشتري 5 و تدخله معاك في ال rotation بحيث إنك لما تبقى عامل 50 ألف هتبقى كل عجلة اشتغلت 40 ألف و قعدت على الدكة 10. بس ده لو في حالة إنك بتعمل بالمرتاح 20 ألف في السنة عشان تبقى جايبة همها.
المفضلات