توقيع غير لائق من منسق قسم
عرض للطباعة
توقيع غير لائق من منسق قسم
أنا بصراحة بسجل اعتراضى برضه على استخدام منسق قسم الهيونداى للفظ ده كتوقيع....اصل المسألة مش مسألة عداوة مابين ماركات سيارات لانها فى الاخر كلها سيارات والانسان لا يقدر بالسيارة اللى راكبها والسيارات تعتبر مجرد وسيلة مواصلات ومفيش داعى انها تبقى سبب للكراهية والتشاحن من منطلق كره نوع معين من السيارات....ياريت الاستاذ الزميل منسق قسم الهيونداى ياخد الموضوع ده فى الاعتبار....
وكل سنة وانتوا طيبين.......
ياجماعة كبروا دماغكوا اللى عايز يقول يقول واللى عايز يتكلم كدة براحتة
يعنى تخيل مثلا لو لا قدر الله حصل موقف ومالاقاش قدامة غير عربية هوندا مش هيركبها مثلا اكيد لأ طبعا
وبعدين هو طبعا توقيع خطأ ومش لازم يتحط
الا بقى ممكن اى واحد يطلع يقول لو هيونداى اتوزعت فى اكياس الشيبسى مش هركبها
ورأى اخر بيقولك " لو اشتريت 2 تشيرت ماركة levis هتاخد هيونداى النترا هدية ( وبردة مش هركبها )
فاكيد هيتحول الحوار والنقاش للطريقة دية
يعنى مع كل المواضيع اللى اتفتحت فى مقارنة الكورى بالهوندا الا ان محدش فكر انة يعمل توقيع زى دة
لية ؟؟؟؟؟ عشان العربية مش فارقة معانا ( هتروح وهتيجى عربية واسمها هيونداى ليها زبونها وليها قدرة شرائية معينة
أنا بقول لصاحب الموضوع إهدى وخليك ريلاكس وإبعت لهوندا فاكس الدنيا مش مستاهلة والله الناس بتموت واحنا لسة بنتخانق على حاجة مش بتاعتنا وعلى رأى المثل : مالك بتجرى وفى إيديك ملس ؟ أصل نسيب نسيبى أشتراله فرس
أمتى بقى هتنزل السيارة نسر عشان نبطل نتلزق فى اليابانيين والكوريين ههههههههه
وبعدين هوندا منعرفهاش غير بعربية أو عربيتين ومش منتشرتين اللى هما السيتى والسيفيك والعربية ال suv اللى مش فاكر اسمها بالظبط تكاد تكون مش موجودة واللى بيشتريها شخص معين وبيدفع فيها مبلغ حلو أكتر من اللى بياخده منها بكتير أما هيونداى أسطول سيارات الرخيص والغالى واللى ما يشترى يتفرج فيرنا إلنترا سونات آى تن جيتز أكسنت أكسل سانتافى جينسيس وفوليستر وكلهم موجودين فى الشارع المصرى بكثرة زى الرز ومعلش يعنى اللى بيدفع فى إلنترا 115 ألف مانيوال الشكل الجديد يروح لسيفيك الشكل الجديد العقيم اللى أول ما شفتها اتصدمت ومكنتش متوقع إن دى سيفيك الجديدة ويدفع فى البيز لاين 176 ألف ولا موتور تربو ولا أى دلع يبقى أكيد واحد بيحب الحاجة دى لكن لما هوندا تنزل سيفيك الحقيقة وقتها يبقى حلال فيها السعر دا
وبعدين يعنى إيه منسق قسم ؟ هو برضه فى الأول والآخر عضو ويعنى هو اختار نفسه منسق قسم ؟ اكيد مشاركاته ونشاطه وحبه لهيونداى هو اللى خلاه ينسق فى قسمه ودا ما يمنعش إنه ممكن يغلط ويتوقف زيه زى أى عضو لكن أنا مش شايف إنه غلط فى حاجة حضرتك واخد الموضوع بحساسية زيادة شوية وغيرة زيادة على هوندا وحضرته نفس الكلام ناحية هيونداى وصافى يا لبن ؟
معلش ياباشا انا لية بس تعليق على الجملتين دول
اولا : معلش حضرتك مابتشوفش غير هوندا سيتى وهوندا سيفيك بس
طيب احب افكرك ان فية سيارات كتير هوندا اكورد ( ملاكى ) وخد بالك من ملاكى دية ومنها هيئات سياسية كتير وسياحة
دة غير ال cr-v , ولو حضرتك ركبتها هتعرف هية اية واوبشنها اية وعلى فكرة موجودة كتير مش قليل
يبقى انت كدة عندك السيارات 3/4 منها موجودة ( سيفيك - سيتى - اكورد - cr-v )
- بالنسبة بقى لهيونداى هو حضرتك بتشوف ال genesis اصلا ولو شوفتها هتلاقيها جمرك
والسوناتا 2011 من ساعة لما نزلت ماشوفتش منها غير عربية واحدة ملاكى والباقى كلة سياحة او جمرك بعكس الاكورد , هو فية حد عاقل هيشترى هيونداى ب400 الف جنية ؟؟؟؟؟ وقدامة bmw ,mercedes
السانتافى اللى بتشوفها موديل 99 ياباشا وقليل جدا موديل 2008-2009
يبقى كدة عندك فى السوق ( فيرنا - النترا - فوليستر وقليلة - جيتز اتوقف تصنيعها - i20 قليلة جدا فى السوق ومانجحتش اصلا - i10 عشان سعرها بس بردة مش انتشار سيارة ب65 الف جنية ابدا - i30 تكاد تكون معدومة واخرها موديل 2009 -2010
اكسيل اية ياباشا اللى انت جايبها دية موديل 98 ولو عايز كل ماهو هوندا
1- سيفيك من سنة 1972 الى 2012
2- سيتى من سنة 1994 الى 2012
3- اكورد من سنة 1979 لحد 2012
4- هوندا jazz
5- هوندا fit
6- prelued من موديل 1983 لحد 2001
7- هوندا hrv من 1999- 2006
8- هوندا crv من موديل 1995الى 2012
9 - هوندا انتيجرا 1986 لحد 2001
10- هوندا s2000 موديل 1999-2009
11- هوندا سيفيك Type r من موديل 1998 الى 2009 هاتشباك
12 - هوندا سيفيك SiR من موديل 1994- 2000
13- هوندا سيفيك concerto
كل دول ماشيين فى شوارع مصر وانت شوفتهم بس معدين من جنبك وانت ماتعرفش دول اية
- السيفيك 2012 مش عقيمة حضرتك جربها وامشى بيها وساعتها تعالى قول رأيك فيها لكن مش عشان شكل مش عاجبك هتحكم عليها
كل اللى بيقول السيفيك 2012 وحشة ماركبش العربية
حضرتك انا هادي هو حد قال لك اني عمال اقطع هدومي؟
و انا قايل في الاول ان طظ في العربيات انا كان سؤالي ان ده صح و لا لأ و الله لو ده صح يبقى مافيش مشكله و محدش يزعل لما تكون المعامله بالمثل انما هنقلب الموضوع و نقول العربيه وحشه و مش منتشره يبقى مالوش لزوم الكلام اصلا
ولعلمك انا كنت عامل موضوع من شهرين هنا في القسم عشان الزملا ياخدوا بالهم لما ييجوايتناقشوا مع زمايلهم في قسم هيونداي يكون الاسلوب هادي منعا لسوء التفاهم يعني مش بنحاز لحد معين
الناس اللي شايفة ان دي حرية رأي .. معندناش مانع نقلب توقيعاتنا كلنا ضد شركة هيونداي بس احنا اكبر من كدة
احنا بنتكلم ان لما منسق قسم يكتب كدة في توقيعه الاعضاء العاديين اللي زينا يكتبوا ايه ؟؟ :arab: