+111111
عرض للطباعة
انا مش عارف ايه كميه الحقد على الهوندا والهونداويه .... وليه اصلا تقول كده .. وبعدين ياسيدى عاوز تمشى حافى براحتك بس الارض هاتلسعك ... ومعلش انا احس بكارثه فى حياتى لما انزل من هوندا واركب هيونضاااااى .. عيب فى حقى ... ربنا يهدى الناس وبرده متحاولوووش تقارنوا لعب الاطفال الى اسمها هيونضااى بالاتوموبيل الى اسمه الهوندا ... وربنا يهدى الجميع
بالنسبة لهوندا أكورد والله عمرى ما شفتها غير جمارك جايز يكون منها ملاكى بس مش كتير دى حتى ملهاش أعلان فى الجرايد يعنى من الآخر عربية غير رسمية وكله معترف بكدا
بالنسبة لسانتافى شتف أكتر من واحدة عندنا هنا فى المنيا شفت منها جمارك وشتف منها ملاكى
بالنسبة لإكسل عندك حق عربية قديمة مكنش ينفع أذكرها برغم إنى مقلتش عربيات تانية كتير لهيونداى منتشرة زى اللى حضرتك كملت وذكرتها
مش السى آر فى برضه اللى هى العربية suv ? أنا شفت منها واحدة فقط لا غير وقديمة كمان وكان شكلها برضه سخيف فى نفس سخافة التيريوس القديمة
شفت عندنا فى نفس يوم ما شفت ال سى آر فى سوناتا ملاكى حسيت إنها إلنترا بس على أضخم
شفت الجينسيس فى معرض هيونداى فى المنيا واقفة ومش معلقة نمر
بالنسبة لموضوع إن مفيش حد عاقل يدفع فى هيونداى 400 الف طيب متنساش إن بالمبلغ دا هتركب آه الفئة التالتة فى بى إم لو هتركب جينسيس بيقولوا محركها بيطلع 315 حصان مش قليلة برضه حتى لو كان المبلغ غالى العربية فيها شغل برضه إنما البى إم عربية كلاسيكية و موتور هادى ورفاهية وأمان أنا مش بقارنها بهيونداى لكن أنا بقول المبلغ دا برضه بتدفعه فى تكنولوجيا جديدة ولو أنا معايا المبلغ دا مش هدفعه فى هيونداى الصراحة وهختار البى إم وانا معترف بإن دا عيب فيا وفى ناس كتير زى ما تقول عقدة عند الناس متعرفش ولا إيه بالظبط
نيجى بقى للسعر بتاع السيفيك الجديدة لما شفتها من ورا راكنة عندنا فى الجامعة وصاحبها نازل يفتح المرايا بإيده قلت بس دى البيز لاين وأنا خارج من الجامعة قربت منها كما لو كانت عربيتى قلت أتفرج ع الطبيعة عادية جدا منبهرتش بل حصل لى اشمئذاذ منها طلعت برا لما شفت السيفيك القديمة ووقفت قدامها حسيت بإن شكلها أحسن بكتيييييييير ؟
والسعر كام 176 ألف فين القيمة يا باشا ؟؟؟؟ حضرتك ليه معلقتش على النقطة دى وإنى بالمبلغ دا ممكن اجيب فوكاس مثلا هاى لاين ؟؟ أحسن منها مليون مرة شكلا ومضمون كمحرك تقريبا الفورد 124 حصان مش عارف السيفيك كام بس معتقدش إنها عدت ال 122 ويمكن يكون أقل
ها قولى بقى يبقى حلال ولا حرام فيها الفلوس ؟
وأنا قلت برضه إن اللى بيشتريها غاوى هوندا مش عشان إمكانياتها
مش شرط أركب العربية عشان أحكم عليها أنا مينفعش أركب عربية بالسعر دا ويكون شكلها مش عاطفى خالص هى السيفيك دى تعتبر السيتى الجديدة أما السيفيك كما يجب أن تكون ما نزلتش مصر
وأنا بشوف عربيات كتير وبعرف أقرأ كويس أساميها ومش عيب إنى معرفش عربية معينة ومش شرط إنى أركب العربية عشان أقول رأيى خصوصا إنى قلت رأيى فى جزء محدود جدا وما اتكلمتش على ثبات ولا كمالياات ولا محرك عشان مركبتهاش ومش عايز أركبها إلا للتجربة فقط :)
ياريت أصحاب الهوندا يبصوا بصة هنا لأن فيه عربيات موديلات قديمة شوية بتبقى معرضة للسرقة
http://www.nilemotors.net/Nile/304749-10.html
محمد بيه العربيات دي مش هتشوفها في المنيا !! دول في القاهرة
وبعدين لما عربيات قديمة تتسرق أحسن ماتبقي عربية ٢٠١٢ ب ١٥٠ الف وتلاقي واحد بيدور وماشي وبيعملك باي باي !!
احنا كمصريين بنحب نجري عالحاجة الرخيصة و في نفس الوقت بنحب الفشخرة و نكدب الكدبة و نصدقها .. انا احترم اللي يقولي انا امكانياتي اني اركب الهيونداي اشيله فوق دماغي و احترمه جدا .. لكن اللي يقولي الهيونداي دي احسن من التويوتا و الهوندا و النيسان و الميتسوبيشي .. بسيبه يتكلم زي ما هو عايز و ده اللي بنعمله كلنا فعلا .. لكن انها توصل بمنسق قسم باكمله انه يكتب انه لو مفيش غير الهوندا هيفضل يمشي حافي معلش يعني انت كدة بطريقة غير مباشرة بتخليني انا كمان كمالك لعربية هوندا اكره الهيونداي .. المفروض هو كمنسق لقسم يدعو الناس انها تحب قسمه و يحببهم في الهيونداي .. مش العكس !! :17:
انا اللي حببني في الميتسوبيشي زمان استاذ فاضل اسمه مصراوي جدا .. راجل في قمة الاحترام و رحت اتعرفت عليه من كتر ما هو زوق و محترم جدا .. و اللي حببني في الهوندا الاستاذ سامح من كتر ما هو راجل زوق و خدوم و ان شاء الله اتعرف عليه و على باقي الاعضاء في اقرب مقابلة .. لكن انا اسف باسلوب توقيع العضو المحترم منسق قسم الهيونداي .. انا خلاص كرهت الماركة دي
ياباشا حضرتك بتقول ساكن فى المنيا يعنى طبيعى ماتشوفش الهوندا هناك لان كل محافظة وليها سياراتها المشهورة بيها , حضرتك لو نزلت القاهرة اوعدك هتشوف كل انواع الهوندا زود على القائمة اللى انا قولتهالك كمان ( هوندا اوديسى المينى فان ) سيارة فارهة تحفة فنية فى كل حاجة
ال crv موجود منها كل الموديلات و2012 كمان نزل مصر عادى جدا ومنتشر كمان
موضوع الشكل حضرتك دية ازواق مش هقدر اتناقش فية
وطبعا مافيش حد عاقل يدفع فى هيونداى 400 الف جنية وقدامة bmw 5 series used , او 325 bmw وممكن تزود 50 الف جنية وتجيب 330 وحش من الوحوش
فخرج السوناتا خالص
- ياباشا اية المشكلة مرايات بتتقفل بالايد ماعربيات كتير جدا مراياتها بتتقل بالايد هو دة الاوبشن يعنى اكيد لأ , وبعدين ماعربيات كتير شكلها مابيشدش لكن السيفيك شكلها كويس جدا والحاجات اللى كانت ناقصاها اتعدلت واصبحت اجمل بكتيييييير
على فكرة محرك السيفيك 123 حصان ومحرك صاروخى الفورد ماتقدرش علية وانا عارف انا بقولك اية كويس ,
هو حضرتك عارف ان الفوكاس العادية اللى ب154 الف جنية اوكر خلفية مش زجاج كهرباء
وعشان تجيبها بزجاج كهرباء خلفى هات الفئة اللى ب 164 الف جنية
وطبعا الاوبشن اللى فيها لا يرقى لمستوى الاوبشن اللى موجود فى السيفيك
عشان تبقى عارف بس
فياريت حضرتك تقرى الاوبشن بتاع العربيتين قبل ماتحكم
انا كمان متفق جدا مع كلام سمسم باشا