قدامى فيرنا 2006 ايه رأيكم

**Karim Emad** · 22-08-2012 09:51 AM

بسم الله الرحمن الرحيم
السلام عليكم ورحمه الله وبركاته
مبدأيا كدا ياجماعه دى اول مشاركه ليا وان شاء الله مش هاتكون اخر مشاركه لانى عايز اتعلم اكترمن خبراتكوا بس يارب الاقى تفاعل معايا

المهم انا ان شاء الله ناوى اخلص فى عربيه فيرنا 2006 حاله ممتازه بس عايز شويه نصائح من اهل الخبره وياسلام لو على تجربه شخصيه
سمعت ان الفيرنا 2008 واطيه وبتحك فى المطبات وكدا الصراحه قلقت شويه بس سمعت انها عيب فى الموديل دا بس يعنى ممكن 2006 تكون براءه وعايز اعرف السحب والثبات بتوعها اخبارهم ايه
عايز كمان افضل زيت للسياره والبنزين 90 ولا 92 ولا كام بالظبط
كمان عايز اخد رأيكم فى السعر
هى حالتها جااااامده جدا جدا ومفيش فيها خربوش - عفشتها ميه ميه - تكييف قوى جدا - موتور 1600cc -عتب - فاميه فى الزجاج الخلفى - مانيوال
صاحبها طالب فيها 48 بس انا هخلصها على 45 ان شاء الله
ايه رأيكوا فى السعر حاسس انه على موديل 2006 ممكن تكون غاليه بس بقول برضه مش لازم الموديل
عايز اعرف رأيكوا فى العربيه بشكل عام
منتظر الردود

**mshmshm3** · 22-08-2012 01:19 PM

بالنسبة للأرتفاع هو واحد في كل موديلات الفيرنا لحد 2009 ولو اخدت المطب بالراحة اوي العربية مش هاتحك
المهم اتأكد ان العربية مش مرشوشة و اكشف عليها في التوكيل ولو طلعت تمام اتوكل علي الله و اشتريها هي عربية كويسة جدا و اقتصادية و اعتمادية و قطع غيارها عند البقال ده بجد تخيل لما تنزل اي حتة و تسأل علي قطع غيار ليها تلاقي بدل المحل 1000 علي عكس ماركات تانية زي الفولفو مثلا مثلا هتلاقيها بس بصعوبة و هتلاقيها غالية الفيرنا بتلاقي قطعة الغيار وتلاقي البديل ليها كمان
لو انت بتحب الجري و عايز تعزز الثبات هات جنوط و نصيحة ركب المقاس الصح علشان ما يحكش في الرفرف او العفشة
و اخيرا استمتع بالعربية و الف مبروك مقدما

**Karim Emad** · 22-08-2012 02:06 PM

المشاركة الأصلية كتبت بواسطة mshmshm3

بالنسبة للأرتفاع هو واحد في كل موديلات الفيرنا لحد 2009 ولو اخدت المطب بالراحة اوي العربية مش هاتحك
المهم اتأكد ان العربية مش مرشوشة و اكشف عليها في التوكيل ولو طلعت تمام اتوكل علي الله و اشتريها هي عربية كويسة جدا و اقتصادية و اعتمادية و قطع غيارها عند البقال ده بجد تخيل لما تنزل اي حتة و تسأل علي قطع غيار ليها تلاقي بدل المحل 1000 علي عكس ماركات تانية زي الفولفو مثلا مثلا هتلاقيها بس بصعوبة و هتلاقيها غالية الفيرنا بتلاقي قطعة الغيار وتلاقي البديل ليها كمان
لو انت بتحب الجري و عايز تعزز الثبات هات جنوط و نصيحة ركب المقاس الصح علشان ما يحكش في الرفرف او العفشة
و اخيرا استمتع بالعربية و الف مبروك مقدما

الله يبارك فيك
وشكرا يا مشمش على رأيك المهم جدا
بس ماقولتليش رأيك ايه فى السعر هل العربيه فعلا تستحق 45 وعلى فكره هى فابريكا بره وجوه ومش مرشوشه
شكرا مره تانيه

**esam_ayad** · 22-08-2012 05:00 PM

العربيه دي جامده جدا وأخويا بيموت فيها جدا وناوي يشتريها
انا كنت امبارح في فرح أخت زوجتي وكان ماشي قدامنا فيرنا قريبه من الموديل بتاعك وكان راكب فيها اتنين جمب السواق وتلاته ورا وكانت ماشيه حلو جدا بس بصراحه ماكانش في مطبات عاليه أوي علشان اقدر احكم عليها انها بتحك ولا لأ؟ وبالنسبه للسعر الناس هنا في المنتدي هايفيدوك ان شاء الله

**ahmedbasto** · 22-08-2012 05:17 PM

هو السعر حلو وطالما العربية حالة زى ما حضرتك بتقول يبقى تستاهل بس أكشف عليها كويس

**Karim Emad** · 22-08-2012 05:43 PM

المشاركة الأصلية كتبت بواسطة esam_ayad

العربيه دي جامده جدا وأخويا بيموت فيها جدا وناوي يشتريها
انا كنت امبارح في فرح أخت زوجتي وكان ماشي قدامنا فيرنا قريبه من الموديل بتاعك وكان راكب فيها اتنين جمب السواق وتلاته ورا وكانت ماشيه حلو جدا بس بصراحه ماكانش في مطبات عاليه أوي علشان اقدر احكم عليها انها بتحك ولا لأ؟ وبالنسبه للسعر الناس هنا في المنتدي هايفيدوك ان شاء الله

شكرا استاذ عصام
وان شاء الله اخوك موفق فى شرائها قريب

**Karim Emad** · 22-08-2012 05:46 PM

المشاركة الأصلية كتبت بواسطة ahmedbasto

هو السعر حلو وطالما العربية حالة زى ما حضرتك بتقول يبقى تستاهل بس أكشف عليها كويس

شكرا استاذ احمد
فعلا العربيه حلوه جدا بس انا مش هاجيبها
الموتور بتاعها جامد وكلها قويه جدا بس اكتشفت انها راشه خارجى كاااااامل ومتغيرلها رفرفين قدام هم الرفرفين مش مأثرين فى حاجه بس رش العربيه قلقنى وسألته قبل كدا على الرش وقالى فابريكا ومادام بدايتها كذب يبقى مش عايزها

**ahmedbasto** · 22-08-2012 06:40 PM

المشاركة الأصلية كتبت بواسطة karim emad

شكرا استاذ احمد
فعلا العربيه حلوه جدا بس انا مش هاجيبها
الموتور بتاعها جامد وكلها قويه جدا بس اكتشفت انها راشه خارجى كاااااامل ومتغيرلها رفرفين قدام هم الرفرفين مش مأثرين فى حاجه بس رش العربيه قلقنى وسألته قبل كدا على الرش وقالى فابريكا ومادام بدايتها كذب يبقى مش عايزها

بصراحة طالما صاحبها كذب فى حاجة يبقى توقع انه كذب فى حاجات تانية كتير وان شاء الله تلاقى احسن منها

**mshmshm3** · 22-08-2012 07:23 PM

المشاركة الأصلية كتبت بواسطة karim emad

الله يبارك فيك
وشكرا يا مشمش على رأيك المهم جدا
بس ماقولتليش رأيك ايه فى السعر هل العربيه فعلا تستحق 45 وعلى فكره هى فابريكا بره وجوه ومش مرشوشه
شكرا مره تانيه

العفو ياباشا علي ايه
لا طالما مرشوشة يبقي استني شوية و دور هتلاقي منها كتير اوي موديلات مختلفة و هتلاقي فابريقة برة و جوة و ممكن تلاقي في حدود 45 او 50 الف و مش ماشية كتير بس ما تتسرعش

**Ashraf_Ibrahim** · 22-08-2012 08:25 PM

مبدئيا حتى لو هي كانت فابريكا فالسعر عالي
لعربية دي اخرها 40000 متزيدش عنه عشان الموديل
اما كاية انها راشة هل هي راشة حزام واللا راشة كله وسقف كمان؟!
لو راشة حزام يعني العربية كلها عدا السقف والقوايم دي مفيهاش مشكلة متقلقش منها خالص لأنها ممكن كان متأمن عليها وهو ب يستغل التأمين او اتخبطت مثلا ودخلت تأمين او ما شابه فدا ميقلقش اهم شيء ان العربية قوايمها وسقفه تمام وفابريكا ودا معناه انها متقلبتش او خدت خبطة اثرت على اساسيات العربية
ايا ما كان السعر دا ممكن تزود عليه وتوصل 50000 وتجيب حتة 2010 بس هتكون فاضية -ودي محلول فيها مشكلة ارتفاع العربية -