فعلا دي نمر بورسعيد مش اسكندريه
انا كمان مع الرأي ده
عرض للطباعة
الحمد لله على كل شىء
قدر الله و ما شاء فعل
الخبطة في الإكصدام و سهل جدا تترد , بس سيبها شوية كده تاخد عينها
سيبها تاخد العين وبعدين ادلق عليه ميه سخنة ممكن تلاقيه اترد لوحده
معلش ربنا يعوض عليك وكويس انها جت فى الحديد (أو الفبر بمعنى اصح) بس هوه كده لازم العربيه الجديده يحصلها حاجه تنغص على الواحد فرحته بيها. أنا جيب كارينز فى شهر يناير ويوم ما رخصتها وراجع البيت كان قدامى عربيه نقل فيها زلط وفجأه نطت زلطه فى الازاز وكسرته بس الحمد لله مدخلتش جوا وغيرت الازاز فى التوكيل ب 2900 جنيه بالمصنعيه.
هو القانون بيقول ان الي ورا دايماً غلطان حتى لو الي قدام كان بيتشقلب بالعربيه لانك لازم تسيب بينك وبينه مسافة امان كافية تسمحلك انك تفرمل بسرعتك من غير ماتلمسه
بس الي هو عمله ده لو في بلد بيتطبق فيها القانون والشوارع بتتراقب بكاميرات وكده اسمه قيادة غير امنه ولو في بلد زي السعودية او الامارات بيتخالف فيها بمبلغ محترم بس برضو مايمنعش غلط حضرتك في موضوع المسافة
سيبك بقا من الكلام ده كله وتعالى فمصر
الحق مع الي يعرف ياخده
الحمد ل الله و شكرا لكل من واسانى بس السؤال انا ولا هوا اللى غلطان ؟؟؟
سبها تاخد العين
لو هوا داخل من اليمين للشمال طبعاً غلطته 100%.. بس أول حاجة اتعلمتها و اتقالتلى قبل ما اطلع الرخصة..
اعتبرى نفسك انتى الوحيدة اللى بتفهمى, و كل اللى حواليكي _سوري فى اللفظ_ حمير.. الواحد لازم يعرف يتفادى غلطات الأخرين مادام فى مصر "كمان مع وجود سواقين الميكروباصات و ان معظم الناس بتسوق فهلوة و لوي دراع من غير ما يكلفوا خاطرهم حتى يدوا إشارة!" , لو فى أى بلد تانية مكالمة واحدة البوليس هاييجى و يعاين و يحدد مين الغلطان و على اساسه التأمين بيتعامل..
فى الموقف ده كان لازم تبقى منتبه مش بس للسوزوكى اللى بترعش, لأ للى جاى من جمبك, اعتقد لو كنت هديت ساعتها شوية كان الموضوع فرق..
بس قدر الله و ما شاء فعل, و أكيد حاجة اهون من حاجة و كويس انها جت فى العربية و الحمد لله محدش اتأذى, و زى ما الأخوة هنا قالوا سيبها كده شوية عشان العين فعلاً..
قدر الله و ما شاء فعل و ان شاء الله تصليحها بسيط و ترجع زى ما كانت. بالنسبه للغلطان اكيد مش حضرتك و ده يأكده مكان الخبطه عندك. القانون كان هيعتبرك غلطان لو كنت ماشى وراه و لبست فيه من ورا لانك ما سبتش مسافه امان بينك و بينه تسمح لك تقف حتى لو هو ما نبهكش انه هيقف و دى مش الحاله وواضح من مكان الخبطه انه كان قادم من يمينك و جرى قدامك و راح داخل شمال و بالتالى هو تخطاك من اليمين مش الشمال و بعد كده راح على الحاره الشمال و هى دى الغلطه اللى أدت للتصادم و تخلليه هو الغلطان و طبعا لا يمكن يقول انه هو الغلطان علشان ما يتحملش اللوم من حضرتك و تكاليف الاصلاح للسيارتين