كارينزيتى الحلوة اتخبطت - الحمد ل الله

**aly_moh** · 22-08-2012 12:50 PM

السلام عليكم ورحمة الله
انا عايز اخد رئيكم يمكن انا غلطان
الحمد ل الله اشتريت كيا كارينز من سمير ريان و قبل العيد و العربية لسة عاملة 900 كم بس كنت خارج من الشغل و طالع صلاح سالم من شيراتون " كوبرى المطار وانتو عارفين الحتة دى مقسمة الى 3 شوارع يمين و دا يطلعك على المطار و شمال ودا يطلعلك على السندباد و النزهة الجديدة و جسر السويس و المنتصف و دا كوبرى يطلعك على صلاح سالم
المهم الساعة كانت 4.30 و قاعد اتا و الحج و ماشى براحتى خالص و من يمينى عربية سوزوى فان بيرعش ليا و خلاص انا واخد منتصف الطريق و ببص على الباشا و الاقى الحج بيقولى حاسب . وهوووووووووووب بووووووم دوست فرامل بس كانت بوووووووووووووووووووووووو وووووم التانية اطول
الحمد ل الله و قدر الله و ما شاء فعل و محدش اتصاب ولا اى حاجة المهم نزلت للراجل راجل شيك لابس كويس راكب افيو و لما بصيت على الارقام لقيتها 7 مش 6 يعنى اسكندرانى
المهم قالى انى انا اللى غلطان لانى خابطة من ورا بس اللى حصل فعلا انة طالع من على يمينى بسرعة و قام حادف شمال بسرعة و قام مفرمل مرة واحدة عشان يحلق يدخل اقصى الشمال و الخبطة جت على مرتين المرة الاولى و هو اللى خبطهالى من حدفتة و الثانية انا اللى كملت علية
من هنا لهنا انا مكنتش ناوى اسيبة اساسا بس الحج هوا اللى خلانى اسبية لاء و العجيبىة انة كان بيطالبنى انى اصلحة العربية كمان
فهل انا غلطان

و هل ممكن حد يصلح الاكصدام دا و فين بس يكون كويس

**ali_333** · 22-08-2012 01:00 PM

بسيطة ياباشا وخير ان شاء الله المهم ان محدش أصيب ...

**mahamede** · 22-08-2012 01:12 PM

أولا : حمد الله على السلامة ......
ثانيا : الحمد لله بسيطة ,, الأكصدام هيطصلح بسهولة مفيهوش شغل كتير الحمد لله ,, يعنى هيتفك وتترد ع البارد ويتركب ,, وبالنسبة لمين اللى يصلحه أنا ممكن أقولك ع حد فى الحرفيين ........

**BLOODY_STONE** · 22-08-2012 02:18 PM

الحمد لله انها جت في اكصدام

اي عربية زيرو كده لازم تاخد خبطة او عين عمري ما شفت حد في حياتي محصلش معاه كده ..

بس اهم حاجة اتأكد ان القربة سليمة عشان في عربيات قربة المساحات بتبقى ورة الاكصدام في الحتة دي عالطول ..

و ربنا يجيب اللي فيه الخير

**ahmedkhairy** · 22-08-2012 02:19 PM

الحمد لله بسيطة

**hossam_elwani** · 22-08-2012 04:26 PM

بسيطه ان شاء الله

وبلميه السخنه حيرجع الاكصدام تانى مكانه بس لازم يتفك طبعا

**OMAR61995** · 22-08-2012 07:41 PM

معلش هى كل عربية زيرو لازم يحصل لها حاجة فى مصر

المهم أن الراجل بتاع الأفيو غلطان لأنه لو زى ما أنا فهمت أنه عايز ياخد غرزة بعرض الطريق

و على فكرة دى مش نمر اسكندرية
نمر اسكندرية أولها س

**M.Alaa92** · 22-08-2012 07:44 PM

نصيحة سيبها كدة شهر ولا 2 عشان تاخد العين و بعد كدة صلحها

**semi** · 22-08-2012 07:52 PM

بسيطة ان شاء الله وقدر الله وما شاء فعل
على فكرة ممكن الخبطة باذن الله تترد وبسهولة كمان
وهترجع زي ما كانت

**aly_moh** · 23-08-2012 10:20 AM

الحمد ل الله و قدر الله و ما شاءء فعل بس هل فعلا انا غلطان و المفروض اخد حقى ازاى ابقى بلطجى ؟؟؟ مش عارف

الموضوع: كارينزيتى الحلوة اتخبطت - الحمد ل الله

LinkBack

أدوات الموضوع

عرض

كارينزيتى الحلوة اتخبطت - الحمد ل الله - انشر الموضوع فى :

-

-

-

-

المواضيع المتشابهه

الحمد لله..الشارك اتخبطت :(

العربيه اتخبطت (بس الحمد لله)

الحمد لله.. العربية اتخبطت + صور

الافيو اتخبطت و الحمد لله

الحمد لله ....اتخبطت

الكلمات الدلالية لهذا الموضوع

المفضلات

المفضلات

ضوابط المشاركة