تساؤل: اعمل علشان لو فرضا حبيت اجري (من / ورا) عربية عربيتي تساعدني

**michohat** · 22-08-2012 01:06 PM

السلام عليكم ورحمه الله وبركاته
مبدئيا انا بحب اخلي العربية بنفس حاله المصنع واقرب للفابريكه ومعظم سواقتي جوه المدن و مش بسافر كتير فالبتالي العربية المفروض توفر بنزين معايا
فعاوز اعرف ايه اللي اقدر اعمله بحيث استهلاك البنزين مش يزيد و نفس الوقت لو حصل موقف او شئ يستدعي انني اسرع بالعربية او اجري ورا عربيه او اجري من عربية ان العربية تساعدني و تستجيب معايا

**aboomar22** · 23-08-2012 12:08 AM

دائما طقم الكهربه يكون فى حالة كويسة والموتور مضبوط والفلاتر نظيفة والكربراتير مظبوط ونظيف وكل فترة اطلع طريق سريع امشى لمدة نص ساعة بسرعة معقولة من 100 - 120 هتلاقى العربية بتفتح معاك وسحبها بيزيد نتيجة ان الكربون بيطلع بره الموتور ودائما اتاكد ان الشكمان كمان سالك

**michohat** · 23-08-2012 01:33 AM

بمناسبة موضوع الكربون
كنت قرأت مشاركة فى احد المنتديات لعضو يقول انه بيتخلص من الكربون اللى بيكون علي البساتم وده عن طريق انه والعربية دائرة على السلانسية بيفك العمه ويرش مياه مقطره فى الكاربراتير لمده دقائق كده وبيقول ان ده بيحل الكربون من علي البساتم و بينظف الموتور
ولما سئلت الميكانيكي قال لي كده مش صح لان وان فرض وحليت الكربون من علي البستم هتوديه فيه ما ممكن يجرح اجسم الموتور من جوه او يبوظ الصبابات
فايه الصح

**amrelsaqqa** · 23-08-2012 01:40 AM

المشاركة الأصلية كتبت بواسطة michohat

بمناسبة موضوع الكربون
كنت قرأت مشاركة فى احد المنتديات لعضو يقول انه بيتخلص من الكربون اللى بيكون علي البساتم وده عن طريق انه والعربية دائرة على السلانسية بيفك العمه ويرش مياه مقطره فى الكاربراتير لمده دقائق كده وبيقول ان ده بيحل الكربون من علي البساتم و بينظف الموتور
ولما سئلت الميكانيكي قال لي كده مش صح لان وان فرض وحليت الكربون من علي البستم هتوديه فيه ما ممكن يجرح اجسم الموتور من جوه او يبوظ الصبابات
فايه الصح

ايه الكلام الغريب ده !!!!!!!!!

هتحط مية ع البنزين من الاخر يعنى !

العربية هتبطل وهتعطس وهتشرق :d وهتفضل مبرجلة لمدة كذا يوم لحد ما المية اللى في الكربراتير تنشف ومش بعيد حركة زي دى تكسر البساتم والبييلات اساسا !

مية ع البنزين يالهووووى

**Eng_Mostafa_89** · 23-08-2012 03:58 AM

بصي يا باشا اولا غلط جدا انك تحط مياة جوة الموتور
اولا المياة هتتخلط بالبنزين ودة هيخلى العربية تبرجل لوحدها
ثانيا لو المياة وصلت للبوجيهات دة هيخلى البوجيهات تبوظ وتقطع وكدة اكيد العربية هتطفى
ثالثا المياة هتيجى على الزيت وممكن تخلى الزيت يخف وطبعا البستم هيحك وياكل فى السلندر
رابعا انت عندك الموتور سخن من جوة وانت جيت حطيت مياة بردتة مرة وحدة فى حتت بردد وحتت لاء انت وحظك بقى اية الحتت دى ممكن راس الصباب ممكن وش البستم ممكن حتة من السلندر نفسة وكدة طبعا الحتت اللى بردت والحتت اللى لا هتقفع وهيكون فيها عالى وواطى
لو كل دة عدى على خير ومحصلش حاجة اخطر حاجة ممكن تحصل انك ممكن تكسر بيل من بتوع البساتم
لا انت عندك اللى بيدخل جوة الموتور يبيقى على هيئة رزاز و بخار بيدخل الموتور جوة لما بيحصل شوط الانظغاط بينضغط انما فى حالة انك دخلت جوة سائل فى شوط الانضغاط السائل غير قابل للانضغاط وكمان حيز الانضغاط جوة الموتور صغير جدا هيجى البستم يكبس المياة مش هيعرف يضغطها فاللى هيحصل ان البيل اللى يتكسر او عمود الكرنك ان وحظك واحيانا الفرغة نفسها اللى بتتكسر

**michohat** · 23-08-2012 11:16 AM

الكلام بتاع المياه ده"انت بتنضف وش البستم من الكربون كل فترة إزاى ؟

معايا فى شنطة العربية بخاخة مكواة ، مليانة مياه مقطرة من بتاعت البطاريات

أفك غطا العمة اللى فوق ( 3 صواميل )

وأخلى العربية فى السلانسية وأبدأ بخ المياه فى الكربراتير من مكان دخول المخلوط

ويتم تكرار رش المياه ربع لتر مياه مقطرة مثلا مع تزويد بنزين

المياه بتدخل على شكل بخار وبتكسر الكربون وتنظف غرفة الحريق

لأن تراكم الكربون والرواسب بيفوت الموتور

الموضوع ده مش فكرتى ، من أخ عزيز وأستاز فى مجال السيارات "

كنت مستغربه
دلوقت بقى هل نكتفي بان العربية تكون قادره علي الشد إذا وجبت الظروف بان الفلاتر تبقي نظيفة وكويسة والبويجهات وطقم الكهرباء
وبرضه عاوز اعرف ازاي افتح الموتور لاني كنت عملت عمره من فتره ولسه حاسس ان الموتور مش بيدي اللى عنده

**amrelsaqqa** · 23-08-2012 03:49 PM

انت عايز تنضف الموتور من جوة
عندك زيت flush

وانت بتغير زيت اعمل flush والموتور هينضف من جوة
بس كنت سمعت انه غلط او كتره غلط لان الكربون ده بيبقى حابك الموتور من جوة ( بين البساتم و الشمايز ) ولما بيتشال ممكن كبس الموتور يقل وخصوصا لو كررت الموضوع ده كتير مع موتور قديم

على فكرة اصلا موضوع الكربون ده مالوش علاقة باداء الموتور
ولازم تمنع سبب تكونه اللى هو ظبط الكربراتير والكهربا كويس وبعد كدة المكنة هتنضف وهتفوق لوحدها