الموضوع: طلب تسعير وعرض للبيع فيرنا 2009

عربيتي فيرنا موديل 2009 1600cc
أول مالك وبدون أييييييييييييي توكيلات :)
العداد: 91000 ودا عشان أنا أصلا من المنيا وعايش في القاهرة وبسافر علي الأقل مرة في الشهر فأغلب الرقم دا جاي من سفر في طريق طوالي مش من هري جوا البلد وعشان كدا الحمد لله الله أكبر الموتور مش باين عليه أنه عامل الرقم دا خالص :)
الكماليات: هي العربية هاف أنا ركبت فيها جنوط 14 سبور + كاسيت بايونير usb وسي دي aux + سماعة باب بايونير 14 + 2 سامعة كيينوود 400 ورا + أريال كهرباء + سنتر وأنذار + فرش جلد جديد
بطارية جديدة كاوتش باقي فيه 10000 كيلو عشان يتيغير
الحالة الداخلية: ممتازة صالون بدون عيوب أطلاقاً - صيانة دورية في التوكيل ومعايا ورق الصيانة عشان يبقي أثبات تغيير جميع قطع الغير في ميعادها من فلاتر وسيور وزيوت وبوجيهات وخلافة في مواعيد الصيانه من الأخر من هتحتاج لا طقم سرفيس ولا غيره أضرب فيها المفتاح وأمشي علي طوول :)
وبالتالي حالة الموتور الحمد لله ممتازة ميكانيكة العربية بشكل عام عشان أنا كنت بصونها لنفسي ومكنتش بفكر في البيع.
الحالة الخارجية: دوكو فابريقة برا وجوا بالكامل + حكة في الجنب الأيمن + حكة بالأكصدام + حكة صغيره بتانك البنزين.....لاحظوا كل دا حكات مش خبطات وطبعا فيه فرق كبير.
يعني شكلها مش سئ لو هتمشي بيها كدا وممكن ترشها نضافة مش أكتر واللي فيها مش هيوقفها في الفحص مثلاً
مش عارف نسيت حاجه ولا لأ بس أنا تحت أمركم في أي أسئلة.

أنا بصراحة فيه مبلغ في دماغي بس قلت أطلب طلب تسعير برضه قبل ما أبيع عشان ما أظلمش حد فمبقاش بالغت في السعر ولا حد برضه يبخسها.

المعاينة بالقاهرة مدينة نصر أو مصر الجديدة
للإستعلام علي الخاص وبعد كدا ممكن عن طريق الموبيل نظبط المواعيد لو فيه نيه للشراء

والسلام عليكم ورحمة الله أهل المنتدي :)

صور العربية و آسف معرفتش أصورها من جوا عشان الشمس كانت شديدة والصور مكنتش باينه بس هي حالتها من جوا أحسن من برا كمان الحمد لله
ها فيه حد يساعد في التسعير لحد ما ربنا يسهل وأبيع؟؟ :)

ImageShack Album - 4 images