الموضوع: تحذير من الركنة فى الممنوع

ده في الاسكندرية طبعا معروفة بالألتزام بالمرور بالرغم من ان السنة دي مش اوي بسبب ميكروباصات الكورنيش
بس الكلام ده ما ينفعش في القاهرة ليه بقي ؟
علشان 2008 لما جبت العربية و ركنت في وسط البلد علي اليمين امين الشرطة اتحمق اوي و لزقلي مخالفة قولت مش مشكلة انا راكن غلط و ماعملتهاش تاني بقيت اركن في الكارتة اللي علي الشمال تعالي دلوقتي انزل وسط البلد ما تفكرش تركن علشان مش هاتعرف تمشي اصلا البياعين واخدين الشارع كله شارع سليمان باشا اللي زمان لو كلب او قطة مشيو عكس كانو اضربو بالنار دلوقتي البياعين بيتكرمو علي العربيات و مخلينها عربية عربية شفتها بعيني سليمان باشا يوم جمعة في رمضان و مفيش عسكري في وسط البلد الاشارات عدي بشطارتك
يبقي ما نجيش بقي نفرد نفسنا اوي و نقول الفاميه و الركن في الممنوع غلط
هانقول نبدأ بنفسنا انا بدأت بنفسي و شيلت الفاميه وانا اللي شيلته بأيدي و العربية كانت في الجراج
و ما بقتش اعدي السرعة المحددة طريق مصر الاسكندرية ما عدتش ال 100 و كان حوالية صواريخ مفيش غير 3 او 4 عربيات اللي عديت منهم . اديني بدأت بنفسي اما نشوف
نشيل الباعة الجائلين مش من وسط البلد بس لا من كل حتة و نعملهم مكان مخصص علشان محدش يقول حرام اكل عيشهم ولو حد خرج برة المكان ده يتعاقب